https://arm.sputniknews.ru/20250930/varzhakan-havaqneri-gaghaparn-i-skzbane-aghtshatvec-gegham-manukjany-pvokhnakhararin-94070705.html
Վարժական հավաքների գաղափարն ի սկզբանե աղճատվեց․ Գեղամ Մանուկյանը` փոխնախարարին
Վարժական հավաքների գաղափարն ի սկզբանե աղճատվեց․ Գեղամ Մանուկյանը` փոխնախարարին
Sputnik Արմենիա
ՀՀ պաշտպանության փոխնախարարը չբացառեց, որ նախկինում վարժական հավաքներն իրականացվել են ձևական, սակայն պնդեց, որ հիմա պատկերն այլ է՝ հիմա իրականացվում են ըստ... 30.09.2025, Sputnik Արմենիա
2025-09-30T10:58+0400
2025-09-30T10:58+0400
2025-09-30T11:09+0400
գեղամ մանուկյան
հհ պաշտպանության նախարարություն (պն)
վարժական հավաք
արման սարգսյան
https://cdn.am.sputniknews.ru/img/07e8/0a/11/81935079_0:0:1600:901_1920x0_80_0_0_543f8c62be6e6d07811d4c47e705befb.jpg
ԵՐԵՎԱՆ, 30 սեպտեմբերի – Sputnik․ ՀՀ-ում վարժական հավաքների հետ կապված վերջին շրջանում անընդհատ խստացնող օրենքներ են ընդունվում, քանի որ այս բնագավառում կան մեծ խնդիրներ, որոնք մարդկանց ստիպում են խուսափել հավաքներին մասնակցելուց։ Այդ մասին այսօր Ազգային ժողովի նիստի ժամանակ իր ելույթում հայտարարեց «Հայաստան» խմբակցության պատգամավոր Գեղամ Մանուկյանը՝ անդրադառնալով «Քրեական օրենսգրքում» և «Ռազմական ոստիկանության մասին» ՀՀ օրենքներում փոփոխություններ կատարելու մասին նախագծին, որով խստացվում են 25-օրյա վարժական հավաքներից խուսափելու դեպքում պատասխանատվության ենթարկելու միջոցները։Այս նախագիծը ԱԺ-ն քննարկում է 2-րդ ընթերցմամբ։ Ի պատասխան ՀՀ պաշտպանության փոխնախարար Արման Սարգսյանը հայտարարեց՝ եթե ամեն ինչ թաքցվեր, ապա շտկումներ ու փոփոխություններ չէին արվի։«Եթե տեսնում ենք խնդիրը, լրացնում, փոխում ենք, ուրեմն դա արդեն իսկ աչքակապություն չէ։ Չկան, ինչպես դուք եք ասում, մեծ պրոբլեմներ, այդ ձևակերպումը ուռճացված է, քանի որ մենք օրըստօրե տեսնում ենք փոփոխություններ ու դրանք բացառապես դրական են։ Նախկինում վարժական հավաքներն իրականացվել են ձևական, սակայն հիմա պատկերն այլ է՝ հիմա իրականացվում են ըստ բովանդակության, էության, նշանակության»,- վստահեցրեց փոխնախարարը։Նա կոչ արեց պատգամավորին իր հնչեցրած մտքերի մեջ լինել ավելի զուսպ։«Ցանկալի չէ այս ամբիոնից հնչեցնել, որ զորքի թվաքանակը չի բավականացնում, դրա համար վարժական հավաքներին մարդկանց ներկայացնում են նաև մարտական հերթապահության։ Իրականում դա իրականացվում է մասնագիտական կարողությունների, գիտելիքների ամրապնդման համար»,- հստակեցրեց Սարգսյանը։Հիշեցնենք, որ վերջին անգամ ՀՀ կառավարությունը վարժական հավաքներ անցկացնելու մասին որոշում է ընդունել սեպտեմբերի 4-ի նիստի ժամանակ։ Ըստ այդ որոշման՝ ՀՀ–ում պահեստազորայինների վարժական հավաքները կանցկացվեն 2025 թ. սեպտեմբերի 23-ից մինչև նոյեմբերի 28-ը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գեղամ մանուկյան, հհ պաշտպանության նախարարություն (պն), վարժական հավաք, արման սարգսյան
գեղամ մանուկյան, հհ պաշտպանության նախարարություն (պն), վարժական հավաք, արման սարգսյան
Վարժական հավաքների գաղափարն ի սկզբանե աղճատվեց․ Գեղամ Մանուկյանը` փոխնախարարին
10:58 30.09.2025 (Թարմացված է: 11:09 30.09.2025) ՀՀ պաշտպանության փոխնախարարը չբացառեց, որ նախկինում վարժական հավաքներն իրականացվել են ձևական, սակայն պնդեց, որ հիմա պատկերն այլ է՝ հիմա իրականացվում են ըստ բովանդակության, էության, նշանակության։
ԵՐԵՎԱՆ, 30 սեպտեմբերի – Sputnik․ ՀՀ-ում վարժական հավաքների հետ կապված վերջին շրջանում անընդհատ խստացնող օրենքներ են ընդունվում, քանի որ այս բնագավառում կան մեծ խնդիրներ, որոնք մարդկանց ստիպում են խուսափել հավաքներին մասնակցելուց։ Այդ մասին այսօր Ազգային ժողովի նիստի ժամանակ իր ելույթում հայտարարեց «Հայաստան» խմբակցության պատգամավոր Գեղամ Մանուկյանը՝ անդրադառնալով «Քրեական օրենսգրքում» և «Ռազմական ոստիկանության մասին» ՀՀ օրենքներում փոփոխություններ կատարելու մասին նախագծին, որով խստացվում են 25-օրյա վարժական հավաքներից խուսափելու դեպքում պատասխանատվության ենթարկելու միջոցները։
Այս նախագիծը ԱԺ-ն քննարկում է 2-րդ ընթերցմամբ։
«Անվստահությունը, անպաշտպանվածությունը, 25 օր իր աշխատանքից, ընտանիքից զրկվելը`ահա խնդիրների շարքը։ Խնդիրը նաև նրանում է, որ վարժական հավաքների գաղափարն ի սկզբանե աղճատվեց․ վարժական հավաքների անվան տակ քաղաքական նպատակներով տասնյակներով մարդիկ զորակոչվեցին Անդրանիկ Քոչարյանի կոչով։ Մեկ այլ խնդիր էլ կա՝ գյուղերից ավելի շատ մարդ է գնում հավաքներին, քան Երևանից։ Նաև անկեղծ լինենք՝ լավ օրից չէ, որ այս վարժական հավաքները կան, քանի որ մարտական հերթապահության խնդիր կա ու թող չհոխորտան, թե պայմանագրային զինծառայողներով մեր զինված ուժերը լցված են, ոչ։ Ինչ վերաբերում է կեցության պայմաններին, ապա դեպքեր կան, որ ուղղակի ահավոր վիճակ է։ Անվտանգության բոլոր հարցերը կարևոր են, սակայն անվտանգության խնդիր է նաև աչքակապությունը, պոռոտախոսությունը, մարդկանց խաբելը»,- հայտարարեց Մանուկյանը։
Ի պատասխան ՀՀ պաշտպանության փոխնախարար Արման Սարգսյանը հայտարարեց՝ եթե ամեն ինչ թաքցվեր, ապա շտկումներ ու փոփոխություններ չէին արվի։
«Եթե տեսնում ենք խնդիրը, լրացնում, փոխում ենք, ուրեմն դա արդեն իսկ աչքակապություն չէ։ Չկան, ինչպես դուք եք ասում, մեծ պրոբլեմներ, այդ ձևակերպումը ուռճացված է, քանի որ մենք օրըստօրե տեսնում ենք փոփոխություններ ու դրանք բացառապես դրական են։ Նախկինում վարժական հավաքներն իրականացվել են ձևական, սակայն հիմա պատկերն այլ է՝ հիմա իրականացվում են ըստ բովանդակության, էության, նշանակության»,- վստահեցրեց փոխնախարարը։
Նա կոչ արեց պատգամավորին իր հնչեցրած մտքերի մեջ լինել ավելի զուսպ։
«Ցանկալի չէ այս ամբիոնից հնչեցնել, որ զորքի թվաքանակը չի բավականացնում, դրա համար վարժական հավաքներին մարդկանց ներկայացնում են նաև մարտական հերթապահության։ Իրականում դա իրականացվում է մասնագիտական կարողությունների, գիտելիքների ամրապնդման համար»,- հստակեցրեց Սարգսյանը։
Հիշեցնենք, որ վերջին անգամ ՀՀ կառավարությունը վարժական հավաքներ անցկացնելու մասին որոշում է ընդունել սեպտեմբերի 4-ի նիստի ժամանակ։ Ըստ այդ որոշման՝ ՀՀ–ում պահեստազորայինների վարժական հավաքները կանցկացվեն 2025 թ. սեպտեմբերի 23-ից մինչև նոյեմբերի 28-ը։
