https://arm.sputniknews.ru/20250929/apashrjapakman-depqum-anhrazhesht-e-hashvi-arnel-hhi-andamakcutjuny-eatm-in-rd-despan-94059846.html
Ապաշրջափակման դեպքում անհրաժեշտ է հաշվի առնել ՀՀ–ի անդամակցությունը ԵԱՏՄ-ին. ՌԴ դեսպան
Ապաշրջափակման դեպքում անհրաժեշտ է հաշվի առնել ՀՀ–ի անդամակցությունը ԵԱՏՄ-ին. ՌԴ դեսպան
Sputnik Արմենիա
Դեսպանի խոսքով՝ այսպես կոչված «Թրամփի ուղու» վերաբերյալ Ռուսաստանի դիրքորոշումը կձևակերպվի նախագծի գործնական իրականացման մեկնարկից հետո։ 29.09.2025, Sputnik Արմենիա
2025-09-29T22:24+0400
2025-09-29T22:24+0400
2025-09-29T22:26+0400
սերգեյ կոպիրկին
սյունիք
հայաստան
եվրասիական տնտեսական միություն (եատմ)
հայաստան և եատմ
թրամփի ուղի (tripp)
ապաշրջափակում
https://cdn.am.sputniknews.ru/img/07e9/09/1d/94051330_0:0:800:451_1920x0_80_0_0_5de0abb12cc95473a071f4aa21821c06.jpg
ԵՐԵՎԱՆ, 29 սեպտեմբերի - Sputnik. Տարածաշրջանում հաղորդակցությունների ապաշրջափակման հարցերը պետք է դիտարկվեն՝ հաշվի առնելով Հայաստանի անդամակցությունը Եվրասիական տնտեսական միությանը, ինչպես նաև հայ-իրանական սահմանին ռուս սահմանապահների ներկայությունը կարգավորող փաստաթղթերը: Այս մասին Սյունիքի մարզ կատարած այցի ժամանակ «Սյունյաց Երկիր» թերթին տված հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։Նրա խոսքով՝ ռուսական կողմը բաց է քննարկման համար ինչպես հայ գործընկերների, այնպես էլ այլ շահագրգիռ պետությունների, այդ թվում՝ Իրանի հետ: Այսպես կոչված «Թրամփի ուղու» վերաբերյալ Մոսկվայի դիրքորոշումը կորոշվի նախագծի իրականացման մեկնարկից հետո, առայժմ աշխատանքները միայն նախնական փուլում են:Կոպիրկինը հիշեցրել է, որ Հայաստանում ռուսաստանցի զինվորականների տեղակայման մասին պայմանագիրը ստորագրվել է 1995 թվականի մարտին, իսկ 2010-ին դրան ավելացվել է արձանագրություն, որը տեղակայման ժամկետը երկարաձգել է մինչև 2044 թվականը՝ հետագայում հինգ տարին մեկ երկարաձգելու հնարավորությամբ: Նրա խոսքով՝ Գյումրիի 102-րդ ռազմաբազայի դուրսբերման հարց հայկական կողմը չի բարձրացնում։Նա նաև կարևորել է երկխոսությունը «3+3» հարթակում, որը միավորում է Հարավային Կովկասի երկրներն ու նրանց հարևաններին: Ըստ ՌԴ ԱԳՆ-ի տեղեկության՝ մոտ ժամանակներս Հայաստանն ու Ադրբեջանը պետք է համաձայնեցնեն, թե նրանցից ով է ընդունելու հաջորդ հանդիպումն այս ձևաչափով՝ արտգործնախարարների մակարդակով:«Ռուսաստանը Հարավային Կովկասից տարանջատելն ի սկզբանե անիմաստ է։ Դա անհնար է անել աշխարհագրության, համատեղ պատմությանը և բազմատեսակ կապերի շնորհիվ։ Այնուամենայնիվ, առանձին արտաքին խաղացողներ նման անհեթեթ գաղափարներ են արտահայտում՝ միայն մերկացնելով սեփական ձգտումներն ու տարածաշրջանային իրողությունների թույլ ընկալումը»,-նշել է դեսպանը։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։Ահազանգեր չենք ստացել. Կոպիրկինը՝ Հայաստանում ռուսական ներդրումների ռիսկի մասին
սյունիք
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սերգեյ կոպիրկին, սյունիք, հայաստան, եվրասիական տնտեսական միություն (եատմ), հայաստան և եատմ, թրամփի ուղի (tripp), ապաշրջափակում
սերգեյ կոպիրկին, սյունիք, հայաստան, եվրասիական տնտեսական միություն (եատմ), հայաստան և եատմ, թրամփի ուղի (tripp), ապաշրջափակում
Ապաշրջափակման դեպքում անհրաժեշտ է հաշվի առնել ՀՀ–ի անդամակցությունը ԵԱՏՄ-ին. ՌԴ դեսպան
22:24 29.09.2025 (Թարմացված է: 22:26 29.09.2025) Դեսպանի խոսքով՝ այսպես կոչված «Թրամփի ուղու» վերաբերյալ Ռուսաստանի դիրքորոշումը կձևակերպվի նախագծի գործնական իրականացման մեկնարկից հետո։
ԵՐԵՎԱՆ, 29 սեպտեմբերի - Sputnik. Տարածաշրջանում հաղորդակցությունների ապաշրջափակման հարցերը պետք է դիտարկվեն՝ հաշվի առնելով Հայաստանի անդամակցությունը Եվրասիական տնտեսական միությանը, ինչպես նաև հայ-իրանական սահմանին ռուս սահմանապահների ներկայությունը կարգավորող փաստաթղթերը: Այս մասին Սյունիքի մարզ կատարած այցի ժամանակ «Սյունյաց Երկիր» թերթին տված հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։
Նրա խոսքով՝ ռուսական կողմը բաց է քննարկման համար ինչպես հայ գործընկերների, այնպես էլ այլ շահագրգիռ պետությունների, այդ թվում՝ Իրանի հետ: Այսպես կոչված «Թրամփի ուղու» վերաբերյալ Մոսկվայի դիրքորոշումը կորոշվի նախագծի իրականացման մեկնարկից հետո, առայժմ աշխատանքները միայն նախնական փուլում են:
Կոպիրկինը հիշեցրել է, որ Հայաստանում ռուսաստանցի զինվորականների տեղակայման մասին պայմանագիրը ստորագրվել է 1995 թվականի մարտին, իսկ 2010-ին դրան ավելացվել է արձանագրություն, որը տեղակայման ժամկետը երկարաձգել է մինչև 2044 թվականը՝ հետագայում հինգ տարին մեկ երկարաձգելու հնարավորությամբ: Նրա խոսքով՝ Գյումրիի 102-րդ ռազմաբազայի դուրսբերման հարց հայկական կողմը չի բարձրացնում։
«Ռուսական ռազմական ներկայությունը շարունակում է մնալ Հայաստանի անվտանգության համակարգի առանցքային տարր և տարածաշրջանային կայունության կարևոր գործոն։ Դրա հետ մեկտեղ, ռուս զինվորականները տարածաշրջանում որևէ մեկին չեն սպառնում»,-ընդգծել է դիվանագետը։
Նա նաև կարևորել է երկխոսությունը «3+3» հարթակում, որը միավորում է Հարավային Կովկասի երկրներն ու նրանց հարևաններին: Ըստ ՌԴ ԱԳՆ-ի տեղեկության՝ մոտ ժամանակներս Հայաստանն ու Ադրբեջանը պետք է համաձայնեցնեն, թե նրանցից ով է ընդունելու հաջորդ հանդիպումն այս ձևաչափով՝ արտգործնախարարների մակարդակով:
«Ռուսաստանը Հարավային Կովկասից տարանջատելն ի սկզբանե անիմաստ է։ Դա անհնար է անել աշխարհագրության, համատեղ պատմությանը և բազմատեսակ կապերի շնորհիվ։ Այնուամենայնիվ, առանձին արտաքին խաղացողներ նման անհեթեթ գաղափարներ են արտահայտում՝ միայն մերկացնելով սեփական ձգտումներն ու տարածաշրջանային իրողությունների թույլ ընկալումը»,-նշել է դեսպանը։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։
Փաշինյանը
սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
