https://arm.sputniknews.ru/20250927/zangezuri-mijancq-termin-chka-voch-vashingtvonjan-voch-ajl-banakcutjunnerum-pashinjan-93985577.html
«Զանգեզուրի միջանցք» տերմին չկա ո՛չ վաշինգտոնյան, ո՛չ այլ բանակցություններում. Փաշինյան
«Զանգեզուրի միջանցք» տերմին չկա ո՛չ վաշինգտոնյան, ո՛չ այլ բանակցություններում. Փաշինյան
Sputnik Արմենիա
ՄԱԿ–ի ամբիոնից ՀՀ վարչապետ Նիկոլ Փաշինյանը միջազգային հանրության ուշադրությունը հրավիրեց այն հանգամանքի վրա, որ Ադրբեջանի նախագահն օգտագործում է չպայմանավորված... 27.09.2025, Sputnik Արմենիա
2025-09-27T20:20+0400
2025-09-27T20:20+0400
2025-09-29T18:22+0400
նիկոլ փաշինյան
զանգեզուր
«զանգեզուրի միջանցք»
միավորված ազգերի կազմակերպություն (մակ)
տեսանյութեր
տեսանյութ
թրամփի ուղի (tripp)
https://cdn.am.sputniknews.ru/img/07e9/09/1b/93985804_0:0:1281:721_1920x0_80_0_0_2ce077de5164951d79378685b9f097fe.jpg
ԵՐԵՎԱՆ, 27 սեպտեմբերի – Sputnik․ Ադրբեջանի նախագահ Իլհամ Ալիևի կողմից օգտագործվող «Զանգեզուրի միջանցք» տերմինը վաշինգտոնյան համաձայնություններում բացակայում է. Ալիևը չհամաձայնեցված խոսույթ է օգտագործում։ ՄԱԿ–ի ԳԱ 80–րդ նստաշրջանում այս մասին ասաց ՀՀ վարչապետ Նիկոլ Փաշինյանը` անդրադառնալով նույն ամբիոնից Ադրբեջանի նախագահ Իլհամ Ալիևի արած հայտարարություններին։Նշենք` Ալիևը ՄԱԿ–ի ամբիոնից հայտարարել էր, որ 2020 թվականի նոյեմբերի 10-ը պատմության մեջ մտավ որպես Հայաստանի կապիտուլյացիայի և Ադրբեջանի տարածքային ամբողջականության վերականգնման օր։ Անդրադառնալով վաշինգտոնյան համաձայնություններին` նա նաև օգտագործել էր «Զանգեզուրի միջանցք» ձևակերպումը։Փաշինյանը հիշեցրեց, որ Ադրբեջանի նախագահ Իլհամ Ալիևի հետ օգոստոսի 8-ին Վաշինգտոնում ստորագրել են 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: Նա հայտարարեց, որ Հայաստանը ոչ մի միլիմետր չի շեղվի ձեռք բերված խաղաղության նշանավորման և հռչակված պայմանավորվածությունների իրականացման գործելակերպից։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
զանգեզուր
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
"Զանգեզուրի միջանցք" տերմին չկա ո՛չ վաշինգտոնյան, ո՛չ երկկողմ բանակցություններում. Փաշինյան
Sputnik Արմենիա
"Զանգեզուրի միջանցք" տերմին չկա ո՛չ վաշինգտոնյան, ո՛չ երկկողմ բանակցություններում. Փաշինյան
2025-09-27T20:20+0400
true
PT0M45S
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, զանգեզուր, «զանգեզուրի միջանցք», միավորված ազգերի կազմակերպություն (մակ), տեսանյութեր, տեսանյութ, видео, թրամփի ուղի (tripp)
նիկոլ փաշինյան, զանգեզուր, «զանգեզուրի միջանցք», միավորված ազգերի կազմակերպություն (մակ), տեսանյութեր, տեսանյութ, видео, թրամփի ուղի (tripp)
«Զանգեզուրի միջանցք» տերմին չկա ո՛չ վաշինգտոնյան, ո՛չ այլ բանակցություններում. Փաշինյան
20:20 27.09.2025 (Թարմացված է: 18:22 29.09.2025) ՄԱԿ–ի ամբիոնից ՀՀ վարչապետ Նիկոլ Փաշինյանը միջազգային հանրության ուշադրությունը հրավիրեց այն հանգամանքի վրա, որ Ադրբեջանի նախագահն օգտագործում է չպայմանավորված խոսույթ, որն ընկալվում է որպես ինքնիշխան երկրի` ՀՀ– հանդեպ տարածքային պահանջ։
ԵՐԵՎԱՆ, 27 սեպտեմբերի – Sputnik․ Ադրբեջանի նախագահ Իլհամ Ալիևի կողմից օգտագործվող «Զանգեզուրի միջանցք» տերմինը վաշինգտոնյան համաձայնություններում բացակայում է. Ալիևը չհամաձայնեցված խոսույթ է օգտագործում։ ՄԱԿ–ի ԳԱ 80–րդ նստաշրջանում այս մասին ասաց ՀՀ վարչապետ Նիկոլ Փաշինյանը` անդրադառնալով նույն ամբիոնից Ադրբեջանի նախագահ Իլհամ Ալիևի արած հայտարարություններին։
Նշենք` Ալիևը ՄԱԿ–ի ամբիոնից հայտարարել էր, որ 2020 թվականի նոյեմբերի 10-ը պատմության մեջ մտավ որպես Հայաստանի կապիտուլյացիայի և Ադրբեջանի տարածքային ամբողջականության վերականգնման օր։ Անդրադառնալով վաշինգտոնյան համաձայնություններին` նա նաև օգտագործել էր «Զանգեզուրի միջանցք» ձևակերպումը։
«Նման արտահայտություն Վաշինգտոնում համաձայնեցված փաստաթղթերում չկա, ՀՀ–Ադրբեջան բանակցություններում երբեք չի եղել։ Կարծում եմ՝ իմաստ ունի, որ ադրբեջանցի գործընկերս պարզաբանի, թե ինչ նկատի ունի այդ արտահայտությունն օգտագործելով, որովհետև հայաստանյան իրականության մեջ այն ընկալվում է որպես տարածքային պահանջ ՀՀ–ի նկատմամբ և կոնֆլիկտային խոսույթի հետ է ասոցացվում։ Օգոստոսի 8–ի փաստաթղթերում մենք հստակ բովանդակություն և խոսույթ ենք համաձայնեցրել, և այդ համաձայնություններին հավատարմությունը որևէ կերպ կասկածի տակ դնելը հասկանալի չէ»,– ասաց նա։
Փաշինյանը հիշեցրեց, որ Ադրբեջանի նախագահ Իլհամ Ալիևի հետ օգոստոսի 8-ին Վաշինգտոնում ստորագրել են 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
«Ճիշտն ասած չեմ հասկանում` ո՞րն է ահռելի պոզիտիվ բովանդակության պայմաններում, որը ձեռք է բերվել համատեղ դժվարին ջանքերով, օբյեկտիվ իրականության հետ կապ չունեցող ագրեսիվ ենթատեքստերի հոլովումը։ Մի՞թե խաղաղությունը բավարար բերկրանք ու բավարարվածություն չի պատճառում։ Ինձ պատճառում է։ Ինձ բավարար բերկրանք է պատճառում նաև այն,որ ՀՀ–ն տպավորիչ տեմպերով զարգացող, անկախ, ինքնիշխան, սեփական ապագան այսօր կառուցող ժողովրդավարական պետություն է և ատելություն չի տածում ու տարածում հարևանների և որևէ մեկի նկատմամբ»,– ասաց Փաշինյանը։
Նա հայտարարեց, որ Հայաստանը ոչ մի միլիմետր չի շեղվի ձեռք բերված խաղաղության նշանավորման և հռչակված պայմանավորվածությունների իրականացման գործելակերպից։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
Փաշինյանը սեպտեմբերի 11-ին
հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
