https://arm.sputniknews.ru/20250924/hhum-mvot-5000-taqsisti-tujzhtuganqnery-khamanerven-nakhagits-93830641.html
ՀՀ–ում մոտ 5000 տաքսիստի տույժ–տուգանքները կհամաներվեն. նախագիծ
ՀՀ–ում մոտ 5000 տաքսիստի տույժ–տուգանքները կհամաներվեն. նախագիծ
Sputnik Արմենիա
Չորս տարվա ընթացքում պետական տուրքի պարտավորությունները կազմել են մոտ 1.3 մլրդ դրամ, որից տույժը կազմել է 400 մլն դրամ։ 24.09.2025, Sputnik Արմենիա
2025-09-24T14:11+0400
2025-09-24T14:11+0400
2025-09-24T14:14+0400
օրենք
հայաստան
տաքսի
տուգանք
https://cdn.am.sputniknews.ru/img/07e8/03/16/73708992_0:0:1920:1080_1920x0_80_0_0_d0ef8fea2168074500f6103cbd522074.jpg
ԵՐԵՎԱՆ, 24 սեպտեմբերի – Sputnik. ՀՀ–ում մոտ 5000 տաքսիստի տույժ–տուգանքները կհամաներվեն։ Այդ մասին ՀՀ ԱԺ տնտեսական հարցերի մշտական հանձնաժողովի նիստի ժամանակ ասաց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը։Այդ նպատակով «Պետական տուրքի մասին» ՀՀ օրենքում փոփոխություններ կկատարվեն, որոնցով էլ պետական տուրքի չվճարման արդյունքում կիրառված տույժի համար համաներում կհայտարարվի։Փոխնախարարը նշեց, որ խոսքը վերաբերում է 2015–19 թթ. լիցենզավորված տաքսի ծառայություններ մատուցող շուրջ 5000 ֆիզիկական անձանց։Սիմոնյանի խոսքով` համաներում են կիրառում, քանի որ 2015–19 թթ. հունիսի 29–ին լիցենզավորման պետական տուրքերը հանվել են, սակայն տուրքերի վճարման պարտավորությունները, չգիտես ինչու, մնացել են։Սիմոնյանը նաև տարօրինակ մի փաստ արձանագրեց` այն անձինք, որոնք 2015–19 թթ. գործել են լիցենզավորման դաշտից դուրս, այսինքն` ապօրինի փոխադրումներ են իրականացրել և տեսչական մարմինների կողմից տուգանվել են, նրանց այդ տուգանքները համաներվել են։ Մինչդեռ նրանք, որոնք լիցենզավորված են եղել, սակայն ամբողջությամբ չեն մարել տուրքից առաջացած պարտավորությունները, նրանց նկատմամբ համաներում չի եղել։Նախագիծը հանձնաժողովի նիստի ժամանակ միաձայն ստացավ դրական եզրակացություն և ներառվեց ԱԺ լիագումար նիստերի օրակարգ։Նշենք, որ հուլիսի 31–ին ՀՀ կառավարությունը որոշում ընդունեց, որով պետք է ներել տաքսիստների 1 մլրդ 342,2 մլն դրամի պարտքը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
օրենք, հայաստան, տաքսի, տուգանք
օրենք, հայաստան, տաքսի, տուգանք
ՀՀ–ում մոտ 5000 տաքսիստի տույժ–տուգանքները կհամաներվեն. նախագիծ
14:11 24.09.2025 (Թարմացված է: 14:14 24.09.2025) Չորս տարվա ընթացքում պետական տուրքի պարտավորությունները կազմել են մոտ 1.3 մլրդ դրամ, որից տույժը կազմել է 400 մլն դրամ։
ԵՐԵՎԱՆ, 24 սեպտեմբերի – Sputnik. ՀՀ–ում մոտ 5000 տաքսիստի տույժ–տուգանքները կհամաներվեն։ Այդ մասին ՀՀ ԱԺ տնտեսական հարցերի մշտական հանձնաժողովի նիստի ժամանակ ասաց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը։
Այդ նպատակով «Պետական տուրքի մասին» ՀՀ օրենքում փոփոխություններ կկատարվեն, որոնցով էլ պետական տուրքի չվճարման արդյունքում կիրառված տույժի համար համաներում կհայտարարվի։
Փոխնախարարը նշեց, որ խոսքը վերաբերում է 2015–19 թթ. լիցենզավորված տաքսի ծառայություններ մատուցող շուրջ 5000 ֆիզիկական անձանց։
Սիմոնյանի խոսքով` համաներում են կիրառում, քանի որ 2015–19 թթ. հունիսի 29–ին լիցենզավորման պետական տուրքերը հանվել են, սակայն տուրքերի վճարման պարտավորությունները, չգիտես ինչու, մնացել են։
«2019 թվականին լիցենզավորման պետական տուրքերի նորմերը ուժը կորցրած են ճանաչվել ֆիզիկական անձ հանդիսացող տաքսիստների համար, սակայն այս գործունեությունը շարունակվում էր համարվել լիցենզավորման ենթակա։ Այս ընթացքում շուրջ 10 հազար անձի լիցենզավորում է տրամադրվել, որոնցից 5000–ի մոտ կուտակվել են պետական տուրքի պարտավորություններ` մոտ 1.3 մլրդ դրամի չափով, որից տույժը կազմել է 400 մլն դրամի չափով»,– նշեց փոխնախարարը։
Սիմոնյանը նաև տարօրինակ մի փաստ արձանագրեց` այն անձինք, որոնք 2015–19 թթ. գործել են լիցենզավորման դաշտից դուրս, այսինքն` ապօրինի փոխադրումներ են իրականացրել և տեսչական մարմինների կողմից տուգանվել են, նրանց այդ տուգանքները համաներվել են։ Մինչդեռ նրանք, որոնք լիցենզավորված են եղել, սակայն ամբողջությամբ չեն մարել տուրքից առաջացած պարտավորությունները, նրանց նկատմամբ համաներում չի եղել։
Նախագիծը հանձնաժողովի նիստի ժամանակ միաձայն ստացավ դրական եզրակացություն և ներառվեց ԱԺ լիագումար նիստերի օրակարգ։
Նշենք, որ հուլիսի 31–ին ՀՀ կառավարությունը
որոշում ընդունեց, որով պետք է ներել տաքսիստների 1 մլրդ 342,2 մլն դրամի պարտքը։
