https://arm.sputniknews.ru/20250921/ankakh-inqnishkhan-hajastany-nvoratsin-manuki-nman-mer-khnamqin-e-spasum-nikvol-pashinjan-93706579.html
Անկախ, ինքնիշխան Հայաստանը նորածին մանուկի նման մեր խնամքին է սպասում. Նիկոլ Փաշինյան
Անկախ, ինքնիշխան Հայաստանը նորածին մանուկի նման մեր խնամքին է սպասում. Նիկոլ Փաշինյան
Sputnik Արմենիա
ՀՀ վարչապետը շնորհավորել է ՀՀ անկախության 34-րդ տարեդարձի առթիվ։ 21.09.2025, Sputnik Արմենիա
2025-09-21T09:43+0400
2025-09-21T09:43+0400
2025-09-21T10:00+0400
նիկոլ փաշինյան
անկախության օր
անկախության հռչակագիր
https://cdn.am.sputniknews.ru/img/07e9/09/14/93661671_0:84:1600:984_1920x0_80_0_0_e6a40d0d0e69d9b9be2b9e442e6d9093.jpg
ԵՐԵՎԱՆ, 21 սեպտեմբերի - Sputnik. 1991 թվականի սեպտեմբերի 21-ին հանրաքվեի դրվեց հետևյալ հարցը․ «Համաձա՞յն եք, որ Հայաստանի Հանրապետությունը լինի անկախ ժողովրդավարական պետություն՝ ԽՍՀՄ կազմից դուրս» և մեր ժողովրդի, ընտրողների 94 տոկոսը պատասխանեց «այո» և այսպիսով հիմնադրվեց Հայաստանի Երրորդ Հանրապետությունը, նշված է ՀՀ վարչապետ Նիկոլ Փաշինյանի շնորհավորական ուղերձում։Ըստ Փաշինյանի՝ 2025 թվականի օգոստոսի 8-ին (այդ օրը Վաշինգտոնում Հայաստանի, ԱՄՆ-ի ու Ադրբեջանի ղեկավարների եռակողմ հանդիպում կայացավ, ստորագրվեց հռչակագիր-խմբ.) հաստատված խաղաղությամբ այդ երազանքը կրկին իրենով լցրել է Հայաստանի Հանրապետությունը։Տառապանքների ու զոհողությունների միջով անցնելով՝ այսօր, ահա, մենք այս կետին ենք հասել և սրա մասին է Չորրորդ Հանրապետության հաստատման օրակարգը, երազանքի կատարման հնարավորությունն այլևս երբեք բաց չթողնելու մասին, հայտարարել է ՀՀ վարչապետը։«Անկախ, ինքնիշխան, ժողովրդավարական, խաղաղ, պաշտպանված, զարգացած, ազատ և երջանիկ Հայաստանն, ահա, նորածին մանուկի նման մեր խնամքին է սպասում։ Ու մենք՝ բոլորս, սիրելի՛ ժողովուրդ, Հայաստանի Հանրապետության սիրելի՛ քաղաքացիներ, հայրություն ու մայրություն պիտի անենք նրան։ Մենք ինքներս մեզ պիտի հայրություն ու մայրություն անենք՝ հասկանալով, որ 21-րդ դարի առաջին քառորդում մեր ճակատագրի ղեկը, ահա, մեր ձեռքերում է իրապես, և այդ ղեկը մենք մեր ձեռքից այլևս երբեք չպիտի բաց թողնենք»,-նշված է ուղերձում։1990 թվականի օգոստոսի 23-ին Գերագույն խորհուրդն ընդունեց Հայաստանի Անկախության հռչակագիրը, ըստ որի՝ Հայկական ԽՍՀ-ին փոխարինվեց անկախ Հայաստանի Հանրապետության։ 1991 թվականի սեպտեմբերի 21-ին հանրաքվեի ժամանակ 2 միլիոն 56 հազար 758 մարդկանց 99 տոկոսը քվեարկեց ԽՍՀՄ-ից Հայաստանի դուրս գալու օգտին, որից հետո սեպտեմբերի 21-ը նշվում է որպես Հայաստանի անկախության օր։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, անկախության օր, անկախության հռչակագիր
նիկոլ փաշինյան, անկախության օր, անկախության հռչակագիր
Անկախ, ինքնիշխան Հայաստանը նորածին մանուկի նման մեր խնամքին է սպասում. Նիկոլ Փաշինյան
09:43 21.09.2025 (Թարմացված է: 10:00 21.09.2025) ՀՀ վարչապետը շնորհավորել է ՀՀ անկախության 34-րդ տարեդարձի առթիվ։
ԵՐԵՎԱՆ, 21 սեպտեմբերի - Sputnik. 1991 թվականի սեպտեմբերի 21-ին հանրաքվեի դրվեց հետևյալ հարցը․ «Համաձա՞յն եք, որ Հայաստանի Հանրապետությունը լինի անկախ ժողովրդավարական պետություն՝ ԽՍՀՄ կազմից դուրս» և մեր ժողովրդի, ընտրողների 94 տոկոսը պատասխանեց «այո» և այսպիսով հիմնադրվեց Հայաստանի Երրորդ Հանրապետությունը, նշված է ՀՀ վարչապետ Նիկոլ Փաշինյանի
շնորհավորական ուղերձում։
«Հանրաքվեին մասնակցած և անկախությանն «այո» ասած քաղաքացիներն ինչի՞ մասին էին երազում իրենց քվեարկության պահին։ Այսպիսի վիճակագրություն չկա, բայց վստահաբար, մեր այդ հայրենակիցներին առաջնորդել է ազատ, խաղաղ, բարեկեցիկ, երջանիկ պետություն կառուցելու բնական մղումը։ Երրորդ Հանրապետության կյանքը, ցավոք, այդպիսին չստացվեց․ շրջափակումը, պատերազմը, տնտեսական անկումը, արտագաղթը թույլ չտվեցին անկախության հանրաքվեի երազանքն իրականություն դարձնել։ Բայց նույնիսկ ամենադժվար ու ողբերգական օրերին, որ ապրել է Երրորդ Հանրապետությունը, այդ երազանքը թեկուզ խամրել, բայց երբեք չի մարել մեր քաղաքացիների աչքերում, մտքում և հոգում»,-նշված է ուղերձում։
Ըստ Փաշինյանի՝ 2025 թվականի օգոստոսի 8-ին (այդ օրը Վաշինգտոնում Հայաստանի, ԱՄՆ-ի ու Ադրբեջանի ղեկավարների եռակողմ հանդիպում կայացավ, ստորագրվեց հռչակագիր-խմբ.) հաստատված խաղաղությամբ այդ երազանքը կրկին իրենով լցրել է Հայաստանի Հանրապետությունը։
Տառապանքների ու զոհողությունների միջով անցնելով՝ այսօր, ահա, մենք այս կետին ենք հասել և սրա մասին է Չորրորդ Հանրապետության հաստատման օրակարգը, երազանքի կատարման հնարավորությունն այլևս երբեք բաց չթողնելու մասին, հայտարարել է ՀՀ վարչապետը։
«Անկախ, ինքնիշխան, ժողովրդավարական, խաղաղ, պաշտպանված, զարգացած, ազատ և երջանիկ Հայաստանն, ահա, նորածին մանուկի նման մեր խնամքին է սպասում։ Ու մենք՝ բոլորս, սիրելի՛ ժողովուրդ, Հայաստանի Հանրապետության սիրելի՛ քաղաքացիներ, հայրություն ու մայրություն պիտի անենք նրան։ Մենք ինքներս մեզ պիտի հայրություն ու մայրություն անենք՝ հասկանալով, որ 21-րդ դարի առաջին քառորդում մեր ճակատագրի ղեկը, ահա, մեր ձեռքերում է իրապես, և այդ ղեկը մենք մեր ձեռքից այլևս երբեք չպիտի բաց թողնենք»,-նշված է ուղերձում։
1990 թվականի օգոստոսի 23-ին Գերագույն խորհուրդն ընդունեց Հայաստանի Անկախության հռչակագիրը, ըստ որի՝ Հայկական ԽՍՀ-ին փոխարինվեց անկախ Հայաստանի Հանրապետության։ 1991 թվականի սեպտեմբերի 21-ին հանրաքվեի ժամանակ 2 միլիոն 56 հազար 758 մարդկանց 99 տոկոսը քվեարկեց ԽՍՀՄ-ից Հայաստանի դուրս գալու օգտին, որից հետո սեպտեմբերի 21-ը նշվում է որպես Հայաստանի անկախության օր։
