https://arm.sputniknews.ru/20250919/inch-patzhamijvocner-karvogh-en-kirarvel-rdi-nkatmamb-19-rd-pateti-shrjanakum-93641825.html
Ի՞նչ պատժամիջոցներ կարող են կիրառվել ՌԴ–ի նկատմամբ 19-րդ փաթեթի շրջանակում
Ի՞նչ պատժամիջոցներ կարող են կիրառվել ՌԴ–ի նկատմամբ 19-րդ փաթեթի շրջանակում
Sputnik Արմենիա
Ցանկում ընդգրկված են մոտ 45 ընկերություններ Ռուսաստանից և այլ երկրներից։ 19.09.2025, Sputnik Արմենիա
2025-09-19T17:19+0400
2025-09-19T17:19+0400
2025-09-19T17:19+0400
ռուսաստան
պատժամիջոցներ
եվրամիություն
https://cdn.am.sputniknews.ru/img/07e5/02/0a/26398207_0:0:1601:901_1920x0_80_0_0_d84f578f012e78b78a253bc1b2bd33f2.jpg
ԵՐԵՎԱՆ, 19 սեպտեմբերի – Sputnik. Եվրահանձնաժողովը առաջարկներ է ներկայացրել Ռուսաստանի դեմ պատժամիջոցների 19-րդ փաթեթ կիրառելու վերաբերյալ: Ինչպես տեղեկացնում է ՌԻԱ Նովոստին, Եվրահանձնաժողովի ղեկավար Ուրսուլա ֆոն դեր Լյայենը հայտնել է, որ սահմանափակումները կվերաբերեն ֆինանսական հատվածին, ծովային փոխադրումներին և մի շարք ընկերությունների։Նախագծի համաձայն՝ պատժամիջոցները կարող են տարածվել ռուսական և արտասահմանյան բանկերի, ինչպես նաև 118 նավերի վրա, որոնց կասկածում են ռուսական նավթ տեղափոխելու մեջ: Հնարավոր սահմանափակումները կվերաբերեն նաև կրիպտոարժութային ծառայություններին, որոնք ապահովում են հաշվարկների իրականացումը պատժամիջոցների տակ գտնվող կառույցների համար։Բացի այդ, ցանկում ընդգրկված են մոտ 45 ընկերություններ Ռուսաստանից և այլ երկրներից։ Էստոնիայի ԱԳ նախարար Կայա Կալասը հայտարարել է, որ դրանք ուղղակի կամ անուղղակի օգնություն են ցուցաբերել ռուսական ռազմաարդյունաբերական համալիրին:ԵՀ-ն նաև առաջարկել է արագացնել ռուսական հեղուկ բնական գազի ներմուծումից լիովին հրաժարվելու գործընթացը մինչև 2027 թվականի սկիզբը և է՛լ ավելի նվազեցնել նավթի գնային շեմը՝ հասցնելով մեկ բարելի դիմաց 47,6 դոլարի: Դիտարկվում է ռուսական նավթային ընկերությունների հետ գործարքների արգելքը, ինչպես նաև պատժամիջոցներ երրորդ երկրների ընկերությունների դեմ, որոնք շարունակում են ռուսական հումք գնել և վերամշակել: Փաստաթղթում նշվում են նաև ռուսական, հնդկական և չինական ձեռնարկությունների համար արտահանման վերահսկողության ուժեղացմանն ուղղված միջոցառումները և մի շարք քիմիական նյութերի, մետաղների, հանքաքարերի և աղերի մատակարարման սահմանափակումները:Առանձին կետով առաջարկվում է ընդլայնել պատժամիջոցները ռուսական «Միր» վճարային համակարգի նկատմամբ։ Եվրամիությունը մտադիր է խստացնել վերահսկողությունը ֆինանսական հոսքերի նկատմամբ և կանխել միջնորդների օգնությամբ սահմանափակումների շրջանցումը։Զուգահեռաբար ԱՄՆ-ում նոր օրինագիծ է պատրաստվում։ Կոնգրեսի Սենատը նախատեսում է քննարկել Ռուսաստանի նկատմամբ պատժամիջոցային ճնշման զգալի ուժեղացման նախաձեռնությունը, ներառյալ այսպես կոչված «ստվերային նավատորմի» դեմ միջոցառումները: Դեմոկրատ սենատոր Ջին Շահինն ընդգծել է, որ ռուսական նավթի տեղափոխման գործում ներգրավված նավերը սպառնալիք են ներկայացնում ԱՄՆ-ի և Եվրոպայի անվտանգության համար։Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, պատժամիջոցներ, եվրամիություն
ռուսաստան, պատժամիջոցներ, եվրամիություն
Ի՞նչ պատժամիջոցներ կարող են կիրառվել ՌԴ–ի նկատմամբ 19-րդ փաթեթի շրջանակում
Ցանկում ընդգրկված են մոտ 45 ընկերություններ Ռուսաստանից և այլ երկրներից։
ԵՐԵՎԱՆ, 19 սեպտեմբերի – Sputnik. Եվրահանձնաժողովը առաջարկներ է ներկայացրել Ռուսաստանի դեմ պատժամիջոցների 19-րդ փաթեթ կիրառելու վերաբերյալ: Ինչպես տեղեկացնում է
ՌԻԱ Նովոստին, Եվրահանձնաժողովի ղեկավար Ուրսուլա ֆոն դեր Լյայենը հայտնել է, որ սահմանափակումները կվերաբերեն ֆինանսական հատվածին, ծովային փոխադրումներին և մի շարք ընկերությունների։
Նախագծի համաձայն՝ պատժամիջոցները կարող են տարածվել ռուսական և արտասահմանյան բանկերի, ինչպես նաև 118 նավերի վրա, որոնց կասկածում են ռուսական նավթ տեղափոխելու մեջ: Հնարավոր սահմանափակումները կվերաբերեն նաև կրիպտոարժութային ծառայություններին, որոնք ապահովում են հաշվարկների իրականացումը պատժամիջոցների տակ գտնվող կառույցների համար։
Բացի այդ, ցանկում ընդգրկված են մոտ 45 ընկերություններ Ռուսաստանից և այլ երկրներից։ Էստոնիայի ԱԳ նախարար Կայա Կալասը հայտարարել է, որ դրանք ուղղակի կամ անուղղակի օգնություն են ցուցաբերել ռուսական ռազմաարդյունաբերական համալիրին:
ԵՀ-ն նաև առաջարկել է արագացնել ռուսական հեղուկ բնական գազի ներմուծումից լիովին հրաժարվելու գործընթացը մինչև 2027 թվականի սկիզբը և է՛լ ավելի նվազեցնել նավթի գնային շեմը՝ հասցնելով մեկ բարելի դիմաց 47,6 դոլարի: Դիտարկվում է ռուսական նավթային ընկերությունների հետ գործարքների արգելքը, ինչպես նաև պատժամիջոցներ երրորդ երկրների ընկերությունների դեմ, որոնք շարունակում են ռուսական հումք գնել և վերամշակել: Փաստաթղթում նշվում են նաև ռուսական, հնդկական և չինական ձեռնարկությունների համար արտահանման վերահսկողության ուժեղացմանն ուղղված միջոցառումները և մի շարք քիմիական նյութերի, մետաղների, հանքաքարերի և աղերի մատակարարման սահմանափակումները:
Առանձին կետով առաջարկվում է ընդլայնել պատժամիջոցները ռուսական «Միր» վճարային համակարգի նկատմամբ։ Եվրամիությունը մտադիր է խստացնել վերահսկողությունը ֆինանսական հոսքերի նկատմամբ և կանխել միջնորդների օգնությամբ սահմանափակումների շրջանցումը։
Զուգահեռաբար ԱՄՆ-ում նոր օրինագիծ է պատրաստվում։ Կոնգրեսի Սենատը նախատեսում է քննարկել Ռուսաստանի նկատմամբ պատժամիջոցային ճնշման զգալի ուժեղացման նախաձեռնությունը, ներառյալ այսպես կոչված «ստվերային նավատորմի» դեմ միջոցառումները: Դեմոկրատ սենատոր Ջին Շահինն ընդգծել է, որ ռուսական նավթի տեղափոխման գործում ներգրավված նավերը սպառնալիք են ներկայացնում ԱՄՆ-ի և Եվրոպայի անվտանգության համար։
Հիշեցնենք՝ 2022–ի փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։
