https://arm.sputniknews.ru/20250918/ete-mi-amis-aprem-erevanum-guce-hajerens-verakangnem-sati-spivakvova-93595743.html
«Եթե մի ամիս ապրեմ Երևանում, գուցե հայերենս վերականգնեմ». Սաթի Սպիվակովա
«Եթե մի ամիս ապրեմ Երևանում, գուցե հայերենս վերականգնեմ». Սաթի Սպիվակովա
Sputnik Արմենիա
Սաթի Սպիվակովան կրկին հայրենիքում է: 2024 թվականից նա բարեգործական հիմնադրամի բարի կամքի դեսպան է։ 18.09.2025, Sputnik Արմենիա
2025-09-18T18:38+0400
2025-09-18T18:38+0400
2025-09-19T14:16+0400
սաթի սպիվակովա
հայաստան
հայերեն
https://cdn.am.sputniknews.ru/img/07e9/09/13/93628735_0:0:1600:901_1920x0_80_0_0_b19c33d0de2ca86c93189d55b3cc81f1.jpg
ԵՐԵՎԱՆ, 18 սեպտեմբերի - Sputnik. Հայտնի դերասանուհի և հաղորդավարուհի Սաթի Սպիվակովան գիտի մայրենի լեզուն, բայց նրանով խոսում է միայն տանը՝ դուստրերի հետ: Այս մասին նա պատմեց Sputnik Արմենիային տված հարցազրույցում։Սպիվակովան խոստովանեց՝ դա իր համար ցավոտ թեմա է. Երևանում ապրելու ընթացքում նա մեծացել է ռուսալեզու միջավայրում՝ ընտանիք, դպրոց և այլն, և այնքան էլ լավ չի տիրապետում մայրենի լեզվին:Սպիվակովան նշեց, որ հայերեն հասկանում է լիարժեք, խոսում է մայրենի լեզվով 70 %-ով։ Բայց նա այնքան է սիրում հայերենը, որ իրեն թույլ չի տալիս աղավաղել այն։«Այնքան եմ սիրում հայերենը, որ իրավունք չունեմ աղավաղել այն։ Ես ինձ թույլ չեմ տալիս վատ խոսել հայերենով։ Գուցե այն պատճառով, որ ես պերֆեկցիոնիստ եմ: Այդ իսկ պատճառով նախընտրում եմ խոսել ռուսերեն։ Բայց երբեմն ինքս ինձ հարց եմ տալիս՝ գուցե եթե մեկ ամիս Երևանում ապրեմ, հայերենս վերականգնեմ»,- ասաց նա:Հեռուստահաղորդավարուհին պատմում է, որ իր դուստրերն ավելի վատ են տիրապետում լեզվին, բայց խոսում են դրանով։ Իսկ միջնեկ աղջիկը պարապում է առցանց՝ նա շատ է ուզում հայերեն խոսել։ Ավելին, նա բարձրացել է Մասիսի գագաթը, այնտեղ ծածանել հայկական դրոշը և իր որդուն անվանել Մասիս։«Հայերենին անցնում ենք խոհանոցում շփվելիս։ Իրար ասում ենք «ցավդ տանեմ», «ջանս»», - եզրափակեց Սպիվակովան։Նշենք, որ Սաթի Սպիվակովան (Սաթենիկ Զարեհի Սպիվակովա) ծնվել է 1962թ. հունվարին Երևանում՝ երաժիշտների ընտանիքում: Նա 1984 թվականին ավարտել է Մոսկվայի Թատերական արվեստի ինստիտուտը (ГИТИС)։Ինստիտուտում ուսանելու ժամանակ ծանոթացել է հայտնի ջութակահար և «Մոսկվայի վիրտուոզներ» նվագախմբի դիրիժոր Վլադիմիր Սպիվակովի հետ։ 30 տարեկանում ավարտել է Սորբոնը, որտեղ սովորել է լեզվաբանություն ու Ֆրանսիայի պատմություն։ Նա երկար տարիներ մշակութային հաղորդումներ է վարել ռուսական հեռուստատեսությամբ, իսկ այժմ խաղում է թատրոնում։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սաթի սպիվակովա, հայաստան, հայերեն, видео
սաթի սպիվակովա, հայաստան, հայերեն, видео
«Եթե մի ամիս ապրեմ Երևանում, գուցե հայերենս վերականգնեմ». Սաթի Սպիվակովա
18:38 18.09.2025 (Թարմացված է: 14:16 19.09.2025) Սաթի Սպիվակովան կրկին հայրենիքում է: 2024 թվականից նա բարեգործական հիմնադրամի բարի կամքի դեսպան է։
ԵՐԵՎԱՆ, 18 սեպտեմբերի - Sputnik. Հայտնի դերասանուհի և հաղորդավարուհի Սաթի Սպիվակովան գիտի մայրենի լեզուն, բայց նրանով խոսում է միայն տանը՝ դուստրերի հետ: Այս մասին նա պատմեց
Sputnik Արմենիային տված հարցազրույցում։
Սպիվակովան խոստովանեց՝ դա իր համար ցավոտ թեմա է. Երևանում ապրելու ընթացքում նա մեծացել է ռուսալեզու միջավայրում՝ ընտանիք, դպրոց և այլն, և այնքան էլ լավ չի տիրապետում մայրենի լեզվին:
«Հիշում եմ՝ բարդութավորվում էի, երբ նույնիսկ բակում ինձ անվանում էին «ռուսախոս»։ Դա ինձ վիրավորում էր: Ես ուզում էի խոսել, կարդալ ու գրել հայերեն, բայց բոլոր առարկաները ռուսերեն էին, տանը ռուսերեն էին խոսում։ Հետո գնացի Մոսկվա՝ սովորելու»,-ասաց դերասանուհին։
Սպիվակովան նշեց, որ հայերեն հասկանում է լիարժեք, խոսում է մայրենի լեզվով 70 %-ով։ Բայց նա այնքան է սիրում հայերենը, որ իրեն թույլ չի տալիս աղավաղել այն։
«Այնքան եմ սիրում հայերենը, որ իրավունք չունեմ աղավաղել այն։ Ես ինձ թույլ չեմ տալիս վատ խոսել հայերենով։ Գուցե այն պատճառով, որ ես պերֆեկցիոնիստ եմ: Այդ իսկ պատճառով նախընտրում եմ խոսել ռուսերեն։ Բայց երբեմն ինքս ինձ հարց եմ տալիս՝ գուցե եթե մեկ ամիս Երևանում ապրեմ, հայերենս վերականգնեմ»,- ասաց նա:
Հեռուստահաղորդավարուհին պատմում է, որ իր դուստրերն ավելի վատ են տիրապետում լեզվին, բայց խոսում են դրանով։ Իսկ միջնեկ աղջիկը պարապում է առցանց՝ նա շատ է ուզում հայերեն խոսել։ Ավելին, նա բարձրացել է Մասիսի գագաթը, այնտեղ ծածանել հայկական դրոշը և իր որդուն անվանել Մասիս։
«Հայերենին անցնում ենք խոհանոցում շփվելիս։ Իրար ասում ենք «ցավդ տանեմ», «ջանս»», - եզրափակեց Սպիվակովան։
Նշենք, որ Սաթի Սպիվակովան (Սաթենիկ Զարեհի Սպիվակովա) ծնվել է 1962թ. հունվարին Երևանում՝ երաժիշտների ընտանիքում: Նա 1984 թվականին ավարտել է Մոսկվայի Թատերական արվեստի ինստիտուտը (ГИТИС)։
Ինստիտուտում ուսանելու ժամանակ ծանոթացել է հայտնի ջութակահար և «Մոսկվայի վիրտուոզներ» նվագախմբի դիրիժոր Վլադիմիր Սպիվակովի հետ։ 30 տարեկանում ավարտել է Սորբոնը, որտեղ սովորել է լեզվաբանություն ու Ֆրանսիայի պատմություն։ Նա երկար տարիներ մշակութային հաղորդումներ է վարել ռուսական հեռուստատեսությամբ, իսկ այժմ խաղում է թատրոնում։
