https://arm.sputniknews.ru/20250916/hisus-qristvosi-ardzani-teghadrmany-juraqanchjur-cankacvogh-karvogh-e-masnakcel-tsarukjan-93514022.html

Հիսուս Քրիստոսի արձանի տեղադրմանը յուրաքանչյուր ցանկացող կարող է մասնակցել․ Ծառուկյան

Հիսուս Քրիստոսի արձանի տեղադրմանը յուրաքանչյուր ցանկացող կարող է մասնակցել․ Ծառուկյան

Sputnik Արմենիա

Ծառուկյանը խոստովանեց՝ թեպետ քննադատություններ եղել են ու կան, բայց դրանցից չի վիրավորվում, ժամանակը ցույց կտա։ 16.09.2025, Sputnik Արմենիա

2025-09-16T20:00+0400

2025-09-16T20:00+0400

2025-09-16T20:09+0400

հայաստան

հատիս

հիսուս քրիստոս

արձան

https://cdn.am.sputniknews.ru/img/07e9/09/10/93511927_0:99:1600:1000_1920x0_80_0_0_a017c3b5913c87ef96b3731f1040ac72.jpg

ԵՐԵՎԱՆ, 16 սեպտեմբերի – Sputnik․ Հատիսի բարձունքում Հիսուս Քրիստոսի արձանի տեղադրման համար կամավորագրում է հայտարարվել․ յուրաքանչյուր ցանկացող կարող է գալ, մասնակցել աշխատանքներին ու իր ներդրումն ունենալ արձանի կառուցման աշխատանքներում։ Քրիստոսի արձանի կառուցման տեղեկատվական գրասենյակի և կայքի շնորհանդեսի ժամանակ այս մասին ասաց «Բարգավաճ Հայաստան» կուսակցության առաջնորդ, արձանի ստեղծման գաղափարի հեղինակ Գագիկ Ծառուկյանը։Նա նշեց, որ շատերն են նամակներ գրել, զանգահարել, դիմել՝ արձանի կառուցմանը որևէ կերպ մասնակցելու ցանկություն հայտնելով։Հիսուս Քրիստոսի արձանն արդեն պատրաստ է, 4 կտորից է բաղկացած։ Բուն քանդակը 33 մետր է, իսկ պատվանդանի հետ միասին լինելու է 101 մետր՝ այդպիսով դառնալով Հիսուս Քրիստոսի աշխարհի ամենաբարձր արձանը։Իր ողջույնի խոսքում Ծառուկյանը խոսեց նաև արձանի ստեղծման նախապատմության մասին։Նրա խոսքով՝ արձանի տեղադրման վայրը որդու հետ են որոշել՝ Հատիսի բարձունք։«Էդտեղից նայում ես, ամբողջ Երևանը երևում է, հոգի կա, շունչ կա, երբ բարձրանում ես էնտեղ։ Որ մի անգամ բարձրանաք, չի կարող պատահել, որ շաբաթը մեկ չուզեք բարձրանալ, տեսնել էդ գեղեցկությունը»,- ասաց Ծառուկյանը։Նա նշեց, որ տարածքն էլ ընկերն է նվիրել՝ անվարձահատույց։ Ծառուկյանի խոսքով՝ Հատիսի շրջակա գյուղերում հողատարածքի արժեքը բազմապատկվել է։«Եթե առաջ 500, 1000 դոլար էր, հիմա 30-50 հազար է։ Մարդիկ, որոնք հեռացել էին, հետ են եկել, կառուցում են, սարքում են, կյանք կա, մարդիկ սպասում են, որ լավ ա լինելու, տուրիզմ ա զարգանալու»,– հավելեց նա։Ծառուկյանը նշեց՝ թեպետ գործի քննադատություններ էլ են եղել, բայց ինքը քննադատողներից չի վիրավորվում։ Նա վստահ է՝ ժամանակը ցույց կտա, թե ինչքան լավ բան է արվում։«Սա պետք է լինի ազգային վերածննդի, ներքին համերաշխության խորհրդանիշ։ Պետք է խաղաղություն լինի, վերջ տանք իրար վրա ցեխ շպրտելուն, վիրավորելուն։ Կարաս՝ արա, մի՛ նստի, սպասի, մի՛ բամբասի, մի՛ վիրավորի, ամեն մեկն իր չափով է անում»,- ասաց Ծառուկյանը։Թե երբ տեղի կունենա արձանի բացումը, դեռ հայտնի չէ։ Հիմա արդեն Հատիսի բարձունքում շինարարական աշխատանքներ են իրականացվում։ Տեղեկատվական գրասենյակում գրանցված մարդիկ սեպտեմբերի 26-ից կկարողանան բարձրանալ, հետևել ու մասնակցել աշխատանքներին։Հիշեցնենք` Ծառուկյանը Հայաստանում Հիսուսի արձան տեղադրելու մասին տեղեկացրել էր 2022 հունվարի 14-ին։ Մարտի 24-ին Հայ առաքելական եկեղեցին հանդես եկավ հայտարարությամբ` Գագիկ Ծառուկյանին հորդորելով զերծ մնալ Հիսուս Քրիստոսի արձանի պատրաստումից։ Նշվում էր, որ նման արձանը հակասում է Հայաստանյայց առաքելական սուրբ եկեղեցու ավանդույթին։ Սակայն եկեղեցու դիրքորոշումը Ծառուկյանին հետ չպահեց իր մտքից, ավելին` նա ի պատասխան 3 հակափաստարկ ներկայացրեց ու շարունակեց նախագծի իրագործումը։Բա հիմա ո՞ւր դնեմ այս արձանը․ օրենքով Հատիսը պաշտպանված է, իրականում անպաշտպան է մնացելՀՀ վարչապետ Նիկոլ Փաշինյանը հուլիսի 7-ին կառավարության նիստում հայտարարեց, որ դեմ չեն Հատիս լեռան վրա Հիսուս Քրիստոսի արձանը կանգնեցնելու նախաձեռնությանը: Ավելին` Փաշինյանը պետական կառավարման մարմիններին հանձնարարեց սեղմ ժամկետում ընդունել ենթաօրենսդրական ակտեր, որոնք անհրաժեշտ են նախաձեռնությունը իրականացնելու համար:Հիսուս Քրիստոսի արձանի կառուցման աշխատանքները մեկնարկեցին հուլիսի 9-ին։ԿԳՄՍ նախարարությունը հուլիսի 11-ին հայտարարեց, որ ընդունելի համարելով Հիսուս Քրիստոս մոնումենտալ արձանի գաղափարը` պահանջում է դադարեցնել ցանկացած գործունեություն Հատիսի հնավայր-ամրոցի տարածքում, որը հակասում է գործող օրենսդրությանը և կարգերին։Ըստ տեղեկությունների` «Գագիկ Ծառուկյան» բարեգործական հիմնադրամը սեփականության իրավունքով ձեռք է բերել Հատիս լեռան գագաթին գտնվող 9 հողակտոր, որոնք ներառում են նաև Հատիսի բերդ կոչվող հնագիտական վայրը։2022 թ.-ի օգոստոսի 10-ին հայտնի դարձավ, որ հիմնադրամին է օտարվել Հատիս լեռան լանջին` Սուրբ Պետրոս եկեղեցուց հյուսիս-արևմուտք գտնվող ևս 7 հա հողատարածք։

https://arm.sputniknews.ru/20240826/hisus-qristvosi-ardzany-90-tvokvosvov-patrast-e-bajc-te-erb-kteghadrvi-hajtni-che-79816115.html

հատիս

2025

Լուրեր

am_HY

հայաստան, հատիս, հիսուս քրիստոս, արձան