https://arm.sputniknews.ru/20250916/garegin-bn-hrvomi-papin-e-nerkajacrel-arcakhahajeri-ev-gerineri-khndirnery-93500993.html
Գարեգին Բ–ն Հռոմի պապին է ներկայացրել արցախահայերի և գերիների խնդիրները
Գարեգին Բ–ն Հռոմի պապին է ներկայացրել արցախահայերի և գերիների խնդիրները
Sputnik Արմենիա
Ամենայն հայոց կաթողիկոսը Հռոմի պապին Հայաստան է հրավիրել։ 16.09.2025, Sputnik Արմենիա
2025-09-16T15:54+0400
2025-09-16T15:54+0400
2025-09-16T15:59+0400
վատիկան
հռոմի պապ
հռոմի պապ լևոն xiv
ամենայն հայոց կաթողիկոս գարեգին բ
գերի
հայ գերիներ, անհետ կորածներ
https://cdn.am.sputniknews.ru/img/07e9/09/10/93497033_0:135:1600:1035_1920x0_80_0_0_0ac5acba6152274c10faf19480383670.jpg
ԵՐԵՎԱՆ, 16 սեպտեմբերի – Sputnik․ Ամենայն հայոց կաթողիկոս Գարեգին Բ-ն Հռոմի պապի ամառային նստավայր Կաստել Գանդոլֆոյում հանդիպել է Լևոն 14-րդ Պապի հետ։ Տեղեկությունը հայտնում է Մայր աթոռի տեղեկատվական համակարգը։Զրույցի ընթացքում երկու հովվապետներն անդրադարձել են աշխարհում տեղի ունեցող արհավիրքներին ու մտահոգիչ զարգացումներին, Հայաստանի և հայ ժողովրդի առջև ծառացած մարտահրավերներին ու փորձություններին։ Հայոց վեհափառը Հռոմի պապին է ներկայացրել Արցախից՝ իրենց բնօրրանից տեղահանված արցախահայության հիմնախնդիրները, Արցախում ոչնչացման վտանգի առաջ կանգնած հայ հոգևոր և մշակութային ժառանգության պահպանության, ռազմագերիների և պատանդառվածների ազատ արձակման հրամայականը։Կաթողիկոսը հիշեցրել է երկու եկեղեցիների միջև ստեղծված ամուր կապերը, որոնք ամրապնդվել են երջանկահիշատակ երկու պապերի՝ 2001թ․Հովհաննես Պողոս Երկրորդի և 2016թ․ Ֆրանցիսկոս պապի Հայաստան այցելություններով։Գարեգին Երկրորդը հիշեցրել է նաև, որ 2015թ–ին` Հայոց ցեղասպանության հարյուրերորդ տարելիցի կապակցությամբ, Սուրբ Պետրոսի տաճարում մատուցվել է սրբազան պատարագ, իսկ Հայոց եկեղեցու մեծագույն սրբերից Գրիգոր Նարեկացին հռչակվել է որպես Տիեզերական եկեղեցու վարդապետ։«Հովվապետները կարևորեցին եկեղեցիների առաքելությունը աշխարհում արդարության ու խաղաղության հաստատման, ժողովուրդների համերաշխ գոյակցության ապահովման գործում՝ հավատարիմ տերունավանդ կոչման՝ առատացնելու մարդկանց սրտերում հավատը, հույսը և սերը։ Ընդգծվեց անհրաժեշտությունը` միավորելու եկեղեցիների ջանքերը հանուն Ավետարանի լույսի տարածման, մարդկանց իրավունքների պաշտպանության և բարօր ու ապահով աշխարհի կերտման»,- նշված է հաղորդագրության մեջ։Հայոց վեհափառը Հռոմի պապին նաև Հայաստան է հրավիրել։Հանդիպման ավարտին Ամենայն հայոց կաթողիկոսի պատվիրակության անդամները ստացել են Հռոմի պապի օրհնությունը։Վատիկան այցի շրջանակներում Գարեգին Բ-ն Հռոմի Սուրբ Մարիամ բազիլիկում աղոթել է Ֆրանցիսկոս պապի շիրիմի առջև։
վատիկան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վատիկան, հռոմի պապ, հռոմի պապ լևոն xiv, ամենայն հայոց կաթողիկոս գարեգին բ, գերի, հայ գերիներ, անհետ կորածներ
վատիկան, հռոմի պապ, հռոմի պապ լևոն xiv, ամենայն հայոց կաթողիկոս գարեգին բ, գերի, հայ գերիներ, անհետ կորածներ
Գարեգին Բ–ն Հռոմի պապին է ներկայացրել արցախահայերի և գերիների խնդիրները
15:54 16.09.2025 (Թարմացված է: 15:59 16.09.2025) Ամենայն հայոց կաթողիկոսը Հռոմի պապին Հայաստան է հրավիրել։
ԵՐԵՎԱՆ, 16 սեպտեմբերի – Sputnik․ Ամենայն հայոց կաթողիկոս Գարեգին Բ-ն Հռոմի պապի ամառային նստավայր Կաստել Գանդոլֆոյում հանդիպել է Լևոն 14-րդ Պապի հետ։ Տեղեկությունը հայտնում է Մայր աթոռի տեղեկատվական համակարգը։
Զրույցի ընթացքում երկու հովվապետներն անդրադարձել են աշխարհում տեղի ունեցող արհավիրքներին ու մտահոգիչ զարգացումներին, Հայաստանի և հայ ժողովրդի առջև ծառացած մարտահրավերներին ու փորձություններին։ Հայոց վեհափառը Հռոմի պապին է ներկայացրել Արցախից՝ իրենց բնօրրանից տեղահանված արցախահայության հիմնախնդիրները, Արցախում ոչնչացման վտանգի առաջ կանգնած հայ հոգևոր և մշակութային ժառանգության պահպանության, ռազմագերիների և պատանդառվածների ազատ արձակման հրամայականը։
Կաթողիկոսը հիշեցրել է երկու եկեղեցիների միջև ստեղծված ամուր կապերը, որոնք ամրապնդվել են երջանկահիշատակ երկու պապերի՝ 2001թ․Հովհաննես Պողոս Երկրորդի և 2016թ․ Ֆրանցիսկոս պապի Հայաստան այցելություններով։
Գարեգին Երկրորդը հիշեցրել է նաև, որ 2015թ–ին` Հայոց ցեղասպանության հարյուրերորդ տարելիցի կապակցությամբ, Սուրբ Պետրոսի տաճարում մատուցվել է սրբազան պատարագ, իսկ Հայոց եկեղեցու մեծագույն սրբերից Գրիգոր Նարեկացին հռչակվել է որպես Տիեզերական եկեղեցու վարդապետ։
«Հովվապետները կարևորեցին եկեղեցիների առաքելությունը աշխարհում արդարության ու խաղաղության հաստատման, ժողովուրդների համերաշխ գոյակցության ապահովման գործում՝ հավատարիմ տերունավանդ կոչման՝ առատացնելու մարդկանց սրտերում հավատը, հույսը և սերը։ Ընդգծվեց անհրաժեշտությունը` միավորելու եկեղեցիների ջանքերը հանուն Ավետարանի լույսի տարածման, մարդկանց իրավունքների պաշտպանության և բարօր ու ապահով աշխարհի կերտման»,- նշված է հաղորդագրության մեջ։
Հայոց վեհափառը Հռոմի պապին նաև Հայաստան է հրավիրել։
Հանդիպման ավարտին Ամենայն հայոց կաթողիկոսի պատվիրակության անդամները ստացել են Հռոմի պապի օրհնությունը։
Վատիկան այցի շրջանակներում Գարեգին Բ-ն Հռոմի Սուրբ Մարիամ բազիլիկում աղոթել է Ֆրանցիսկոս պապի շիրիմի առջև։
