https://arm.sputniknews.ru/20250912/aram-qahanaji-kargapahakan-nkatvoghutjunn-anna-hakvobjani-het-kap-chuni-hvogevvorakan-93396277.html
Արամ քահանայի կարգապահական նկատողությունն Աննա Հակոբյանի հետ կապ չունի. հոգևորական
Արամ քահանայի կարգապահական նկատողությունն Աննա Հակոբյանի հետ կապ չունի. հոգևորական
Sputnik Արմենիա
Տեր Մուշե քահանա Վահանյանի խոսքով` քահանանները որևէ նկատողություն երբևէ չեն ստացել Աննա Հակոբյանին եկեղեցում ընդունելու համար։ 12.09.2025, Sputnik Արմենիա
2025-09-12T18:39+0400
2025-09-12T18:39+0400
2025-09-12T20:40+0400
հայաստան
քահանա
աննա հակոբյան
հոգևորական
հովհաննավանք
https://cdn.am.sputniknews.ru/img/07e9/09/0c/93398312_0:108:1600:1009_1920x0_80_0_0_60b627dcf0347e22f2a545c9280ba5e5.jpg
ԵՐԵՎԱՆ, 12 սեպտեմբերի – Sputnik․ Հովհաննավանքի հոգևոր հովիվ Տեր Արամ քահանա Ասատրյանի կարգապահական նկատողությունը ՀՀ վարչապետի կնոջը` Աննա Հակոբյանին, վանքում ընդունելու հետ կապ չունի։ Այս հայտարարությունն արել է Տեր Մուշե քահանա Վահանյանը։Սեպտեմբերի 10-ին ԱԺ–կառավարություն հարցուպատասխանի ժամանակ «Քաղաքացիական պայմանագիր» խմբակցության պատմավոր Ալխաս Ղազարյանը նշել էր, թե վերջին օրերին տեղեկություններ են տարածվել, որ Հովհաննավանքի հոգևոր հովիվ Տեր Արամը հնարավոր է` կարգալույծ արվի, քանի որ նրա հարցը Մայր աթոռի կարգապահական հանձնաժողովի օրակարգում է։ Ըստ շրջանառվող տեղեկությունների՝ պատճառն այն է, որ քահանան հրապարակայնորեն, նաև սոցիալական ցանցի իր էջում քննադատել է եկեղեցում առկա արատավոր երևույթները։Նա հավելել է, որ նման այցելություններ Աննա Հակոբյանն ունեցել է նաև այլ վանքերում և եկեղեցիներում, և ինչպես Հովհաննավանքում, այնպես էլ եկեղեցիներում հոգևորականները որևէ նկատողություն երբևէ չեն ստացել, որովհետև եկեղեցի այցելող յուրաքանչյուր անձի ընդունելը հոգևորականների հովվական ծառայության մի մասն է կազմում։ Արագածոտնի թեմը նույնպես արձագանքել է այս թեմային։«Վերջին օրերին հանրային քննարկումների ու շահարկումների առիթ են դարձել Հովհաննավանքի հոգևոր հովիվ Տ. Արամ քահանա Ասատրյանի հրապարակումները և նրան իբր կարգալույծ հռչակելու կեղծ լուրերը։ Նշենք, որ այս ամբողջ աղմուկը սկսվեց Տեր Հոր կողմից մկրտության արարողության կատարման ընթացքում թույլ տրված ծիսական կարգի աղճատման և դրսևորված կամայականության փաստից»,– ասված է հաղորդագրության մեջ։Արագածոտնի թեմը հայտնել է, որ սրբալույս մյուռոնի կանոնական գործածությունը խախտելու պատճառով թեմակալ առաջնորդ Տ. Մկրտիչ եպիսկոպոս Պռոշյանի կողմից Տ. Արամ քահանան ենթարկվել է կարգապահական նկատողության։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, քահանա, աննա հակոբյան, հոգևորական, հովհաննավանք
հայաստան, քահանա, աննա հակոբյան, հոգևորական, հովհաննավանք
Արամ քահանայի կարգապահական նկատողությունն Աննա Հակոբյանի հետ կապ չունի. հոգևորական
18:39 12.09.2025 (Թարմացված է: 20:40 12.09.2025) Տեր Մուշե քահանա Վահանյանի խոսքով` քահանանները որևէ նկատողություն երբևէ չեն ստացել Աննա Հակոբյանին եկեղեցում ընդունելու համար։
ԵՐԵՎԱՆ, 12 սեպտեմբերի – Sputnik․ Հովհաննավանքի հոգևոր հովիվ Տեր Արամ քահանա Ասատրյանի կարգապահական նկատողությունը ՀՀ վարչապետի կնոջը` Աննա Հակոբյանին, վանքում ընդունելու հետ կապ չունի։ Այս հայտարարությունն արել է
Տեր Մուշե քահանա Վահանյանը։
Սեպտեմբերի 10-ին ԱԺ–կառավարություն հարցուպատասխանի ժամանակ «Քաղաքացիական պայմանագիր» խմբակցության պատմավոր
Ալխաս Ղազարյանը նշել էր, թե վերջին օրերին տեղեկություններ են տարածվել, որ Հովհաննավանքի հոգևոր հովիվ Տեր Արամը հնարավոր է` կարգալույծ արվի, քանի որ նրա հարցը Մայր աթոռի կարգապահական հանձնաժողովի օրակարգում է։ Ըստ շրջանառվող տեղեկությունների՝ պատճառն այն է, որ քահանան հրապարակայնորեն, նաև սոցիալական ցանցի իր էջում քննադատել է եկեղեցում առկա արատավոր երևույթները։
«Համացանցում որոշ շրջանակներ ջանքեր չեն խնայում համոզելու մարդկանց, որ Տ. Արամ քահանա Ասատրյանի նկատմամբ հալածանքներ են իրականացվում, ու փորձ է կատարվում այս ամենը կապել այն հանգամանքի հետ, թե իբր պատճառը վարչապետի տիկին Աննա Հակոբյանի` Սուրբ Հովհաննավանքում ընդունելությունն է։ Իրականում այս ընդունելությունը տեղի է ունեցել Արագածոտնի թեմի առաջնորդի գիտությամբ։ Տ. Արամ քահանա Ասատրյանը ՀՀ վարչապետի տիկնոջը Հովհաննավանքում հյուրընկալել է 2024 թ․ մայիսին, իսկ դրանից հետո որևէ գրավոր կամ բանավոր նկատողություն չի ստացել»,– ասել է Տեր Մուշե քահանա Վահանյանը։
Նա հավելել է, որ նման այցելություններ Աննա Հակոբյանն ունեցել է նաև այլ վանքերում և եկեղեցիներում, և ինչպես Հովհաննավանքում, այնպես էլ եկեղեցիներում հոգևորականները որևէ նկատողություն երբևէ չեն ստացել, որովհետև եկեղեցի այցելող յուրաքանչյուր անձի ընդունելը հոգևորականների հովվական ծառայության մի մասն է կազմում։
Արագածոտնի թեմը նույնպես
արձագանքել է այս թեմային։
«Վերջին օրերին հանրային քննարկումների ու շահարկումների առիթ են դարձել Հովհաննավանքի հոգևոր հովիվ Տ. Արամ քահանա Ասատրյանի հրապարակումները և նրան իբր կարգալույծ հռչակելու կեղծ լուրերը։ Նշենք, որ այս ամբողջ աղմուկը սկսվեց Տեր Հոր կողմից մկրտության արարողության կատարման ընթացքում թույլ տրված ծիսական կարգի աղճատման և դրսևորված կամայականության փաստից»,– ասված է հաղորդագրության մեջ։
Արագածոտնի թեմը հայտնել է, որ սրբալույս մյուռոնի կանոնական գործածությունը խախտելու պատճառով թեմակալ առաջնորդ Տ. Մկրտիչ եպիսկոպոս Պռոշյանի կողմից Տ. Արամ քահանան ենթարկվել է կարգապահական նկատողության։
