https://arm.sputniknews.ru/20250908/shakhmatajin-takhtak-ev-taratsashrjany-klanelu-gvortsyntac-pvordzagety-haravajin-kvovkasi-masin-93263770.html
Շախմատային տախտակ և տարածաշրջանը կլանելու գործընթաց. փորձագետը` Հարավային Կովկասի մասին
Շախմատային տախտակ և տարածաշրջանը կլանելու գործընթաց. փորձագետը` Հարավային Կովկասի մասին
Sputnik Արմենիա
Քաղաքագետ Վլադիմիր Կիրեևը կարծում է, որ գլոբալ մակարդակում ձևավորվում է ուժի նոր, հավաքական կենտրոն, որի հիմնական խաղացողներն են Ռուսաստանը, Հնդկաստանը և... 08.09.2025, Sputnik Արմենիա
2025-09-08T21:22+0400
2025-09-08T21:22+0400
2025-09-08T21:43+0400
հայաստան
հարավային կովկաս
ռուսաստան
ադրբեջան
թուրքիա
հարավային կորեա
ամն
վլադիմիր կիրեև
https://cdn.am.sputniknews.ru/img/07e5/03/1b/26954000_0:85:1600:985_1920x0_80_0_0_d33e94e352cd60d1acc5caeb930856bd.jpg
ԵՐԵՎԱՆ, 8 սեպտեմբերի – Sputnik, Արման Վանեսքեհյան. Այն փաստը, որ Չինաստանում կայացած ՇՀԿ վերջին գագաթնաժողովում ո՛չ Հայաստանին, ո՛չ էլ Ադրբեջանին չընդունեցին կազմակերպություն, կարելի է նշանակալի իրադարձություն համարել։ Ընդ որում` դա որևէ կերպ բեմադրված չէր, որևէ մեկը նախապես չէր պայմանավորվել «ձախողել» Երևանի և Բաքվի հայտերը։ Սակայն սա ցույց է տալիս, թե որոշ երկրներ ինչպես են վերաբերվում այն փաստին, որ Հարավային Կովկասը հակառակվում է ներկայիս ընդունված համաշխարհային միտմանը։ Sputnik Արմենիայի հետ զրույցում այս տեսակետը հայտնեց քաղաքագետ Վլադիմիր Կիրեևը։Վտանգավոր խաղեր. Արեշևը՝ Հարավային Կովկասում ԱՄՆ–ի և Թուրքիայի քայլերի մասինՄիևնույն ժամանակ, ըստ փորձագետի, ԱՄՆ-ի, ԵՄ-ի և նրանց գործընկերների ազդեցությունն ու ներուժը համաշխարհային քաղաքական դաշտում նվազում են, պարզապես հալչում են աչքի առաջ։ Այսինքն` իրականանում են արևմտյան հանրության քննադատների կանխատեսումները։ Նրանք վաղուց էին պնդում, որ շուտով կգա ժամանակ, երբ արևմտյան հանրության ազդեցության աստիճանը ամբողջ աշխարհում կնվազի։ Մեր զրուցակցի խոսքով` այդ ժամանակն արդեն եկել է։Հարավային Կովկասը որոշել է հակառակվել համաշխարհային միտումներինԿիրեևի խոսքով՝ աշխարհն այսօր շարժվում է դեպի համաշխարհային ուժի նոր կենտրոն, այսպես կոչված այլընտրանքային գլոբալիզմի, որի մոդելն առաջարկել է Չինաստանի առաջնորդ Սի Ծինփինը։ Ու թեև այդ մոդելը բավական գրավիչ է ամբողջ աշխարհի համար, Հարավային Կովկասը, որքան էլ պարադոքսալ է, նախընտրում է հակառակ գործել։ Դեմ է գնում ընդհանուր հոսանքին և պնդում, որ իր կողմնորոշումը տեսնում է ԵՄ-ում և ԱՄՆ–ում։Սակայն փորձագետը կարծում է, որ Հարավային Կովկասը կլանում են ոչ թե եվրոպացիները կամ ամերիկացիները, այլ անմիջականորեն Թուրքիան։ Ընդ որում` պարադոքսալ իրավիճակ է ստեղծվում, երբ տեղի է ունենում այն, ինչից տարիներ, տասնամյակներ շարունակ վախենում էին։ Տարածաշրջան է գալիս անմիջականորեն Թուրքիան։ Ընդ որում` դա տեղի է ունենում Հայաստանի և Ադրբեջանի ղեկավարության անմիջական մասնակցությամբ։Ինչպիսի՞ն է Ռուսաստանի դիրքորոշումը տարածաշրջանի վերաբերյալԻնչ վերաբերում է Ռուսաստանին և Հարավային Կովկասի նկատմամբ նրա դիրքորոշմանը, ապա, անշուշտ, կա այն գիտակցումը, որ այս տարածաշրջանը շատ կարևոր է։ Սակայն, Կիրիևի խոսքով, պետք է խոստովանել, որ ՌԴ–ի դիրքորոշումն այս ուղղությամբ դեռ բավականաչափ ակտիվ չէ։Հարավային Կովկասի իրավիճակն այժմ բավական անբարենպաստ է Ռուսաստանի համար։ Իրավիճակի նկատմամբ վերահսկողությունը փորձում են խլել բացահայտ թշնամական ուժերը։ Եթե ԱՄՆ-ն ինչ-որ կերպ հավասարակշռում է, ապա ԵՄ-ն ուղղակիորեն սուր բախման է գնում Ռուսաստանի հետ։ Այս իրավիճակում Հարավային Կովկասը միանշանակ կօգտագործվի որպես ՌԴ–ի վրա ճնշում գործադրելու հարթակ։Ինչ վերաբերում է տարածաշրջանի երկրներին, ապա Վլադիմիր Կիրեևը համոզված է, որ որևէ բարենպաստ իրավիճակ այստեղ ևս չկա։ Տնտեսական աճի կամ անվտանգության մակարդակի բարձրացման մասին այժմ նույնիսկ երազել չի կարելի։ Իրավիճակը զարգանում է այնպես, որ Հարավային Կովկասի երկրները խաղաքար են դառնում խոշոր խաղացողների գլոբալ խաղում, իսկ բուն տարածաշրջանը` շախմատային մեծ տախտակ։
հարավային կովկաս
ադրբեջան
թուրքիա
հարավային կորեա
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հարավային կովկաս, ռուսաստան, ադրբեջան, թուրքիա, հարավային կորեա, ամն, վլադիմիր կիրեև
հայաստան, հարավային կովկաս, ռուսաստան, ադրբեջան, թուրքիա, հարավային կորեա, ամն, վլադիմիր կիրեև
Շախմատային տախտակ և տարածաշրջանը կլանելու գործընթաց. փորձագետը` Հարավային Կովկասի մասին
21:22 08.09.2025 (Թարմացված է: 21:43 08.09.2025) Քաղաքագետ Վլադիմիր Կիրեևը կարծում է, որ գլոբալ մակարդակում ձևավորվում է ուժի նոր, հավաքական կենտրոն, որի հիմնական խաղացողներն են Ռուսաստանը, Հնդկաստանը և Չինաստանը։ Սակայն Հարավային Կովկասը հոսանքին հակառակ է գնում։
ԵՐԵՎԱՆ, 8 սեպտեմբերի – Sputnik, Արման Վանեսքեհյան. Այն փաստը, որ Չինաստանում կայացած ՇՀԿ վերջին գագաթնաժողովում ո՛չ
Հայաստանին, ո՛չ էլ Ադրբեջանին չընդունեցին կազմակերպություն, կարելի է նշանակալի իրադարձություն համարել։ Ընդ որում` դա որևէ կերպ բեմադրված չէր, որևէ մեկը նախապես չէր պայմանավորվել «ձախողել» Երևանի և Բաքվի հայտերը։ Սակայն սա ցույց է տալիս, թե որոշ երկրներ ինչպես են վերաբերվում այն փաստին, որ Հարավային Կովկասը հակառակվում է ներկայիս ընդունված համաշխարհային միտմանը։
Sputnik Արմենիայի հետ զրույցում այս տեսակետը հայտնեց քաղաքագետ Վլադիմիր Կիրեևը։
«Գլոբալ մակարդակում մենք այժմ տեսնում ենք, որ ուժի հավաքական կենտրոն է ձևավորվում, ինչպիսիք են ՇՀԿ-ն և ԲՐԻԿՍ-ը։ Դա Գլոբալ Հարավն է և Գլոբալ Արևելքը։ Դրանք այն երկրներն են, որոնք նախկինում երրորդ և չորրորդ աշխարհի ներկայացուցիչներ էին համարվում։ Այսօր հենց նրանք են միավորվում և ձևավորում նոր աշխարհաքաղաքական ուժային կենտրոն, որի հիմնական խաղացողներն են Ռուսաստանը, Հնդկաստանը և Չինաստանը», – ասաց Կիրեևը։
Միևնույն ժամանակ, ըստ փորձագետի, ԱՄՆ-ի, ԵՄ-ի և նրանց գործընկերների ազդեցությունն ու ներուժը համաշխարհային քաղաքական դաշտում նվազում են, պարզապես հալչում են աչքի առաջ։ Այսինքն` իրականանում են արևմտյան հանրության քննադատների կանխատեսումները։ Նրանք վաղուց էին պնդում, որ շուտով կգա ժամանակ, երբ արևմտյան հանրության ազդեցության աստիճանը ամբողջ աշխարհում կնվազի։ Մեր զրուցակցի խոսքով` այդ ժամանակն արդեն եկել է։
Հարավային Կովկասը որոշել է հակառակվել համաշխարհային միտումներին
Կիրեևի խոսքով՝ աշխարհն այսօր շարժվում է դեպի համաշխարհային ուժի նոր կենտրոն, այսպես կոչված այլընտրանքային գլոբալիզմի, որի մոդելն առաջարկել է Չինաստանի առաջնորդ Սի Ծինփինը։ Ու թեև այդ մոդելը բավական գրավիչ է ամբողջ աշխարհի համար, Հարավային Կովկասը, որքան էլ պարադոքսալ է, նախընտրում է հակառակ գործել։ Դեմ է գնում ընդհանուր հոսանքին և պնդում, որ իր կողմնորոշումը տեսնում է ԵՄ-ում և ԱՄՆ–ում։
«Իրականում մենք հենց հիմա տեսնում ենք, որ Թուրքիա-Ադրբեջան միության և նրանց գործընկերների կողմից Հարավային Կովկասի կլանման գործընթաց է սկսվել։ Ադրբեջանի հիմնական գործընկերներից մեկը Իսրայելն է։ Թուրքիան գործում է ԱՄՆ-ի և որոշ եվրոպական երկրների հովանավորության ներքո։ Այդ առումով բավական ակտիվ են բրիտանացիները։ Ֆրանսիան, օրինակ, հակառակն է գործում, ինչը վկայում է արևմտյան դաշինքում առկա որոշակի տարաձայնությունների մասին», – ասաց Կիրեևը։
Սակայն փորձագետը կարծում է, որ Հարավային Կովկասը կլանում են ոչ թե եվրոպացիները կամ ամերիկացիները, այլ անմիջականորեն Թուրքիան։ Ընդ որում` պարադոքսալ իրավիճակ է ստեղծվում, երբ տեղի է ունենում այն, ինչից տարիներ, տասնամյակներ շարունակ վախենում էին։ Տարածաշրջան է գալիս անմիջականորեն Թուրքիան։ Ընդ որում` դա տեղի է ունենում
Հայաստանի և Ադրբեջանի ղեկավարության անմիջական մասնակցությամբ։
Ինչպիսի՞ն է Ռուսաստանի դիրքորոշումը տարածաշրջանի վերաբերյալ
Ինչ վերաբերում է Ռուսաստանին և Հարավային Կովկասի նկատմամբ նրա դիրքորոշմանը, ապա, անշուշտ, կա այն գիտակցումը, որ այս տարածաշրջանը շատ կարևոր է։ Սակայն, Կիրիևի խոսքով, պետք է խոստովանել, որ ՌԴ–ի դիրքորոշումն այս ուղղությամբ դեռ բավականաչափ ակտիվ չէ։
Հարավային Կովկասի իրավիճակն այժմ բավական անբարենպաստ է Ռուսաստանի համար։ Իրավիճակի նկատմամբ վերահսկողությունը փորձում են խլել բացահայտ թշնամական ուժերը։ Եթե ԱՄՆ-ն ինչ-որ կերպ հավասարակշռում է, ապա ԵՄ-ն ուղղակիորեն սուր բախման է գնում Ռուսաստանի հետ։ Այս իրավիճակում Հարավային Կովկասը միանշանակ կօգտագործվի որպես ՌԴ–ի վրա ճնշում գործադրելու հարթակ։
Ինչ վերաբերում է տարածաշրջանի երկրներին, ապա Վլադիմիր Կիրեևը համոզված է, որ որևէ բարենպաստ իրավիճակ այստեղ ևս չկա։ Տնտեսական աճի կամ անվտանգության մակարդակի բարձրացման մասին այժմ նույնիսկ երազել չի կարելի։ Իրավիճակը զարգանում է այնպես, որ Հարավային Կովկասի երկրները խաղաքար են դառնում խոշոր խաղացողների գլոբալ խաղում, իսկ բուն տարածաշրջանը` շախմատային մեծ տախտակ։
