https://arm.sputniknews.ru/20250903/44orja-paterazmi-masin-qnnich-handznazhvoghvovi-zekujcn-ugharkvel-e-azh-nakhagahin-93115607.html

44–օրյա պատերազմի մասին քննիչ հանձնաժողովի զեկույցն ուղարկվել է ԱԺ նախագահին

44–օրյա պատերազմի մասին քննիչ հանձնաժողովի զեկույցն ուղարկվել է ԱԺ նախագահին

Sputnik Արմենիա

Զեկույցի հրապարակման ժամկետները բազմիցս են հետաձգվել։ 03.09.2025, Sputnik Արմենիա

2025-09-03T16:47+0400

2025-09-03T16:47+0400

2025-09-03T16:47+0400

44-օրյա պատերազմի հանգամանքներն ուսումնասիրող քննիչ հանձնաժողով

արցախ

արցախյան պատերազմ

հայ-ադրբեջանական

ադրբեջան

ադրբեջանցի

ադրբեջանական ագրեսիան արցախում - 2020

աժ (ազգային ժողով)

https://cdn.am.sputniknews.ru/img/07e4/0b/18/25487359_0:68:1600:968_1920x0_80_0_0_5c685b8a2d59d5a14cc87d85583be78b.jpg

ԵՐԵՎԱՆ, 3 սեպտեմբերի – Sputnik. 2020 թ. սեպտեմբերի 27–ին Ադրբեջանի սանձազերծած 44–օրյա ռազմական գործողությունների հանգամանքների ուսումնասիրման նպատակով ստեղծված քննիչ հանձնաժողովի զեկույցն ուղարկվել է Ազգային Ժողովի նախագահին։ Այս մասին տեղեկություն է հրապարակել ՀՀ ԱԺ պաշտպանության և անվտանգության հարցերի մշտական հանձնաժողովը։«Համաձայն Հայաստանի Հանրապետության «Ազգային Ժողովի կանոնակարգ» սահմանադրական օրենքի 25–րդ հոդվածի` Ազգային Ժողովի նախագահին ուղարկվեց 2020 թվականի սեպտեմբերի 27–ին սանձազերծված 44–օրյա ռազմական գործողությունների հանգամանքների ուսումնասիրման նպատակով ստեղծված քննիչ հանձնաժողովի զեկույցը»,– ասված է հաղորդագրության մեջ:Հիշեցնենք` այս տարվա ապրիլին հանձնաժողովի նախագահ Անդրանիկ Քոչարյանը հայտարարել էր, որ զեկույցը կհրապարակվի սեպտեմբերի 27–ին հաջորդող խորհրդարանական նստաշրջանի առաջին կամ երկրորդ օրը։Եվ դա այն դեպքում, երբ քննիչ հանձնաժողովի անդամ, «Քաղաքացիական պայմանագիր» խմբակցության պատգամավոր Քրիստինե Պողոսյանը դեռ 2023–ի դեկտեմբերի 1–ին Sputnik Արմենիայի հետ զրույցում ասել էր, որ 44-օրյա պատերազմի հանգամանքներն ուսումնասիրող քննիչ հանձնաժողովը առաջիկա 1.5–2 ամսվա ընթացքում կկազմի զեկույց և կներկայացնի ՀՀ ազգային ժողովին։Հիշեցնենք նաև, որ 44-օրյա պատերազմի պատճառներն ու հանգամանքներն ուսումնասիրող հանձնաժողովը ստեղծվեց 2022 թվականի հոկտեմբերի 10-ին։ Ուսումնասիրությանը մասնակցել են հրավիրված մասնագետներ` նախկին և գործող զինվորականներ, քաղաքական բարձրաստիճան գործիչներ և այլն։ Հանձնաժողովում անհատական կարգով նյութեր են ներկայացրել նաև պատերազմի մասնակիցներն ու զոհվածների հարազատները։

ադրբեջան

2025

Լուրեր

am_HY

44-օրյա պատերազմի հանգամանքներն ուսումնասիրող քննիչ հանձնաժողով, արցախ, արցախյան պատերազմ, հայ-ադրբեջանական, ադրբեջան, ադրբեջանցի, ադրբեջանական ագրեսիան արցախում - 2020, աժ (ազգային ժողով)