Հնդկաստանն արգելափակել է ՇՀԿ-ին անդամակցելու Բաքվի հայտը. ադրբեջանական ԶԼՄ
Բաժանորդագրվել
Բաքուն կարծում է, որ Հնդկաստանը «վրեժ է լուծում» Պակիստանին օգնելու համար։
ԵՐԵՎԱՆ, 1 սեպտեմբերի - Sputnik. Հնդկաստանը արգելափակել է Շանհայի համագործակցության կազմակերպությանը (ՇՀԿ) որպես լիիրավ անդամ անդամակցելու Ադրբեջանի հայտը: Այս մասին հայտնում է ՌԻԱ Նովոստին՝ հղում անելով ադրբեջանական Axar.az պարբերականին։
«Հնդկաստանը հերթական անգամ խոչընդոտել է Շանհայի համագործակցության կազմակերպությանը (ՇՀԿ)-ին Ադրբեջանի անդամակցությանը՝ որպես լիիրավ անդամ»,-ասվում է պարբերականի հաղորդագրության մեջ:
Ադրբեջանի նախագահ Իլհամ Ալիևը Չինաստանի Թիենծին քաղաքում Պակիստանի վարչապետ Մուհամեդ Շահբազ Շարիֆի հետ հանդիպման ժամանակ, անդրադառնալով թեմային, հայտարարել է, որ Հնդկաստանը փորձում է միջազգային կազմակերպություններում Բաքվից վրեժ լուծել Պակիստանին օգնելու համար:
«Ի պատասխան Ադրբեջանի կողմից Պակիստանին ցուցաբերված աջակցության՝ Հնդկաստանը փորձում է վրեժ լուծել Ադրբեջանից միջազգային կազմակերպություններում։ Ադրբեջան-Պակիստան հարաբերությունները հիմնված են եղբայրության վրա։ Շնորհավորում եմ Պակիստանին Հնդկաստանի նկատմամբ հաղթանակի առթիվ»,-Ալիևի խոսքը մեջբերում է «Ազերթաջ» գործակալությունը։
Ավելի վաղ հայտնի էր դարձել, որ Պակիստանն էլ արգելափակել է Հայաստանի հայտը` ՇՀԿ–ի լիիրավ անդամ դառնալու։
ՇՀԿ-ն միջազգային կազմակերպություն է, որը հիմնադրվել է 2001 թվականին: Այն ներառում է Հնդկաստանը, Իրանը, Ղազախստանը, Չինաստանը, Ղրղզստանը, Ռուսաստանը, Տաջիկստանը, Պակիստանը և Ուզբեկստանը, իսկ 2024 թվականի հուլիսի 4-ին Աստանայի գագաթնաժողովում կազմակերպությանը պաշտոնապես միացավ Բելառուսը։ Դիտորդ երկրներ են Աֆղանստանը և Մոնղոլիան, ՇՀԿ երկխոսության գործընկեր երկրներ են Հայաստանը, Ադրբեջանը, Բահրեյնը, Եգիպտոսը, Կամբոջան, Կատարը, Քուվեյթը, Մալդիվները, Մյանման, Նեպալը, Արաբական Միացյալ Էմիրությունները, Սաուդյան Արաբիան, Թուրքիան, Շրի Լանկան:
ՇՀԿ-ն միջազգային կազմակերպություն է, որը հիմնադրվել է 2001 թվականին: Այն ներառում է Հնդկաստանը, Իրանը, Ղազախստանը, Չինաստանը, Ղրղզստանը, Ռուսաստանը, Տաջիկստանը, Պակիստանը և Ուզբեկստանը, իսկ 2024 թվականի հուլիսի 4-ին Աստանայի գագաթնաժողովում կազմակերպությանը պաշտոնապես միացավ Բելառուսը։ Դիտորդ երկրներ են Աֆղանստանը և Մոնղոլիան, ՇՀԿ երկխոսության գործընկեր երկրներ են Հայաստանը, Ադրբեջանը, Բահրեյնը, Եգիպտոսը, Կամբոջան, Կատարը, Քուվեյթը, Մալդիվները, Մյանման, Նեպալը, Արաբական Միացյալ Էմիրությունները, Սաուդյան Արաբիան, Թուրքիան, Շրի Լանկան:
