https://arm.sputniknews.ru/20250829/rusastany-chi-arajarkel-artataratsqajin-mijancq-hajastanvov-zakharvova-92898655.html
Ռուսաստանը չի առաջարկել արտատարածքային միջանցք Հայաստանով. Զախարովա
Ռուսաստանը չի առաջարկել արտատարածքային միջանցք Հայաստանով. Զախարովա
Sputnik Արմենիա
ՌԴ ԱԳՆ պաշտոնական ներկայացուցչի խոսքով` ԵԱՏՄ-ի ընդհանուր տարածքը հաշվի առնելով՝ արտատարածքային ռեժիմը նույնիսկ տեսականորեն չէր կարող դիտարկվել... 29.08.2025, Sputnik Արմենիա
2025-08-29T16:57+0400
2025-08-29T16:57+0400
2025-08-29T17:06+0400
թրամփի ուղի (tripp)
մարիա զախարովա
հայաստան
«զանգեզուրի միջանցք»
https://cdn.am.sputniknews.ru/img/07e9/08/1d/92882746_0:0:1280:720_1920x0_80_0_0_20e279a8f0c0107389db52bd5fbf2da0.jpg
ԵՐԵՎԱՆ, 29 օգոստոսի - Sputnik. Ռուսաստանը արտատարածքային միջանցք չի առաջարկել Ադրբեջանի հետ հաղորդակցությունների ապաշրջափակման համատեքստում Հայաստանի տարածքով ուղևորների և բեռների տարանցման համար։ Այս մասին ճեպազրույցի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։Զախարովան նշել է, որ Վաշինգտոնի հռչակագրում ամրագրված «Թրամփի ուղու» իրականացման հարցում տարածքային ամբողջականության և սահմանների անձեռնմխելիության սկզբունքի վերաբերյալ դրույթները հիմնարար դրույթներ են, որոնք համաձայնեցվել են Վաշինգտոնի հռչակագրից դեռ երկու տարի առաջ։ Դրանք համաձայնեցվել են Հայաստանի, Ռուսաստանի և Ադրբեջանի փոխվարչապետների համանախագահությամբ եռակողմ աշխատանքային խմբի շրջանակներում։ՌԴ ԱԳՆ-ն արձագանքել է Փաշինյանի՝ նոյեմբերի 9-ի փաստաթղթի մասին հայտարարությանըՆրա խոսքով` ռուսական կողմը «Թրամփի ուղու» վերաբերյալ մանրամասների չի տիրապետում, բայց որքանով կարելի է հասկանալ, ուղևորների և բեռների տարանցման, երթևեկության անվտանգության վերաբերյալ մանրամասները դեռևս համաձայնեցված չեն։Զախարովան նշել է, որ եռակողմ աշխատանքային խմբի շրջանակում հնարավոր է եղել կոնկրետ համաձայնությունների հասնել Սյունիքի տարածքով երկաթուղային տարանցման, էլեկտրոնային մաքսային հսկողության համակարգերի, մասնավորապես՝ նավիգացիոն կապարակնիքների կիրառման վերաբերյալ։ Դրանց կիրառումն այժմ ակտիվորեն փորձարկվում է երկկողմ առևտրում։ՌԴ ԱԳՆ պաշտոնական ներկայացուցիչն ասել է, որ ԵԱՏՄ-ի ընդհանուր տարածքը հաշվի առնելով՝ արտատարածքային ռեժիմը նույնիսկ տեսականորեն չէր կարող դիտարկվել հաղորդակցությունների ապաշրջափակման համատեքստում։ Միևնույն ժամանակ, ռուսական կողմը տեսնում է, թե որքան անհուսալի տեղեկատվություն է շրջանառվում այս թեմայի վերաբերյալ։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թրամփի ուղի (tripp), մարիա զախարովա, հայաստան, «զանգեզուրի միջանցք»
թրամփի ուղի (tripp), մարիա զախարովա, հայաստան, «զանգեզուրի միջանցք»
Ռուսաստանը չի առաջարկել արտատարածքային միջանցք Հայաստանով. Զախարովա
16:57 29.08.2025 (Թարմացված է: 17:06 29.08.2025) ՌԴ ԱԳՆ պաշտոնական ներկայացուցչի խոսքով` ԵԱՏՄ-ի ընդհանուր տարածքը հաշվի առնելով՝ արտատարածքային ռեժիմը նույնիսկ տեսականորեն չէր կարող դիտարկվել հաղորդակցությունների ապաշրջափակման համատեքստում։
ԵՐԵՎԱՆ, 29 օգոստոսի - Sputnik. Ռուսաստանը արտատարածքային միջանցք չի առաջարկել Ադրբեջանի հետ հաղորդակցությունների ապաշրջափակման համատեքստում Հայաստանի տարածքով ուղևորների և բեռների տարանցման համար։ Այս մասին ճեպազրույցի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
Զախարովան նշել է, որ Վաշինգտոնի հռչակագրում ամրագրված «Թրամփի ուղու» իրականացման հարցում տարածքային ամբողջականության և սահմանների անձեռնմխելիության սկզբունքի վերաբերյալ դրույթները հիմնարար դրույթներ են, որոնք համաձայնեցվել են Վաշինգտոնի հռչակագրից դեռ երկու տարի առաջ։ Դրանք համաձայնեցվել են Հայաստանի, Ռուսաստանի և Ադրբեջանի փոխվարչապետների համանախագահությամբ եռակողմ աշխատանքային խմբի շրջանակներում։
Նրա խոսքով` ռուսական կողմը «Թրամփի ուղու» վերաբերյալ մանրամասների չի տիրապետում, բայց որքանով կարելի է հասկանալ, ուղևորների և բեռների տարանցման, երթևեկության անվտանգության վերաբերյալ մանրամասները դեռևս համաձայնեցված չեն։
Զախարովան նշել է, որ եռակողմ աշխատանքային խմբի շրջանակում հնարավոր է եղել կոնկրետ համաձայնությունների հասնել Սյունիքի տարածքով երկաթուղային տարանցման, էլեկտրոնային մաքսային հսկողության համակարգերի, մասնավորապես՝ նավիգացիոն կապարակնիքների կիրառման վերաբերյալ։ Դրանց կիրառումն այժմ ակտիվորեն փորձարկվում է երկկողմ առևտրում։
ՌԴ ԱԳՆ պաշտոնական ներկայացուցիչն ասել է, որ ԵԱՏՄ-ի ընդհանուր տարածքը հաշվի առնելով՝ արտատարածքային ռեժիմը նույնիսկ տեսականորեն չէր կարող դիտարկվել հաղորդակցությունների ապաշրջափակման համատեքստում։ Միևնույն ժամանակ, ռուսական կողմը տեսնում է, թե որքան անհուսալի տեղեկատվություն է շրջանառվում այս թեմայի վերաբերյալ։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
