https://arm.sputniknews.ru/20250829/israjely-gazajum-vochnchacrel-e-islamakan-petutjan-paghestinjan-tevi-ghekavarin-92915158.html
Իսրայելը Գազայում ոչնչացրել է «Իսլամական պետության» պաղեստինյան թևի ղեկավարին
Իսրայելը Գազայում ոչնչացրել է «Իսլամական պետության» պաղեստինյան թևի ղեկավարին
Sputnik Արմենիա
Իսրայելցի զինվորականները վստահեցրել են` ՑԱԽԱԼ–ը կշարունակի պայքարել Գազայի հատվածում ահաբեկչական կազմակերպությունների դեմ։ 29.08.2025, Sputnik Արմենիա
2025-08-29T22:57+0400
2025-08-29T22:57+0400
2025-08-29T22:59+0400
իսրայել
գազայի հատված
«իսլամական պետություն»
https://cdn.am.sputniknews.ru/img/07e7/0b/07/68314312_0:0:1024:577_1920x0_80_0_0_1618e9ea322c44c5dd5c5a4889d84f42.jpg
ԵՐԵՎԱՆ, 29 օգոստոսի – Sputnik. Իսրայելի պաշտպանության բանակը (ՑԱԽԱԼ) հայտարարել է, որ ոչնչացրել է Գազայի հատվածում «Իսլամական պետություն» (արգելված է Ռուսաստանում) խմբավորման մեջ ամենաբարձր պաշտոնը զբաղեցնող ահաբեկչին։ Տեղեկությունը հայտնում է ՏԱՍՍ–ը։«ՑԱԽԱԼ–ը ոչնչացրել է Գազայի հատվածում ԻՊ ահաբեկչական կազմակերպության պաղեստինյան թևի ղեկավար Մուհամմեդ Աբդ ալ-Ազիզ Աբու Զուբեյդային Բուրեյջ շրջանում (Գազայի հատվածի կենտրոնական մասում գտնվող պաղեստինյան փախստականների ճամբար)», – ասվում է հայտարարության մեջ։Ըստ բանակի մամուլի ծառայության` Աբու Զուբեյդան բարձր պաշտոն էր զբաղեցնում Գազայի հատվածում ԻՊ ահաբեկչական կազմակերպությունում և Հրեաստանում և Սամարիայում (Հորդանան գետի արևմտյան ափի իսրայելական անվանումը. խմբ.), Գազայի հատվածում և Սինայի թերակղզում ԻՊ ահաբեկչական կազմակերպության քաղաքականության մշակման, գործունեության պլանավորման և վերահսկման պատասխանատուն էր։Իսրայելցի զինվորականները վստահեցրել են` ՑԱԽԱԼ–ը կշարունակի պայքարել Գազայի հատվածում ահաբեկչական կազմակերպությունների դեմ։Հիշեցնենք` 2023 թ. հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Դրանից հետո պաղեստինյան ՀԱՄԱՍ շարժման գրոհայինները ներխուժեցին սահմանամերձ շրջաններ՝ կրակ բացելով զինվորականների և քաղաքացիական անձանց վրա։ Նրանք պատանդ վերցրին ավելի քան 200 անձանց: Իշխանությունների տվյալներով՝ իսրայելական կողմից այդ ժամանակ զոհվեց մոտ 1,2 հազար մարդ։Իսրայելի պաշտպանության բանակն ի պատասխան սկսեց «Երկաթե թրեր» գործողությունը և հայտարարեց Գազայի հատվածի ամբողջական շրջափակման մասին. դադարեցվեցին ջրի, էլեկտրականության, վառելիքի, սննդամթերքի և դեղորայքի մատակարարումները:
իսրայել
գազայի հատված
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իսրայել, գազայի հատված, «իսլամական պետություն»
իսրայել, գազայի հատված, «իսլամական պետություն»
Իսրայելը Գազայում ոչնչացրել է «Իսլամական պետության» պաղեստինյան թևի ղեկավարին
22:57 29.08.2025 (Թարմացված է: 22:59 29.08.2025) Իսրայելցի զինվորականները վստահեցրել են` ՑԱԽԱԼ–ը կշարունակի պայքարել Գազայի հատվածում ահաբեկչական կազմակերպությունների դեմ։
ԵՐԵՎԱՆ, 29 օգոստոսի – Sputnik. Իսրայելի պաշտպանության բանակը (ՑԱԽԱԼ) հայտարարել է, որ ոչնչացրել է Գազայի հատվածում «Իսլամական պետություն» (արգելված է Ռուսաստանում) խմբավորման մեջ ամենաբարձր պաշտոնը զբաղեցնող ահաբեկչին։ Տեղեկությունը հայտնում է
ՏԱՍՍ–ը։
«ՑԱԽԱԼ–ը ոչնչացրել է Գազայի հատվածում ԻՊ ահաբեկչական կազմակերպության պաղեստինյան թևի ղեկավար Մուհամմեդ Աբդ ալ-Ազիզ Աբու Զուբեյդային Բուրեյջ շրջանում (Գազայի հատվածի կենտրոնական մասում գտնվող պաղեստինյան փախստականների ճամբար)», – ասվում է հայտարարության մեջ։
Ըստ բանակի մամուլի ծառայության` Աբու Զուբեյդան բարձր պաշտոն էր զբաղեցնում Գազայի հատվածում ԻՊ ահաբեկչական կազմակերպությունում և Հրեաստանում և Սամարիայում (Հորդանան գետի արևմտյան ափի իսրայելական անվանումը. խմբ.), Գազայի հատվածում և Սինայի թերակղզում ԻՊ ահաբեկչական կազմակերպության քաղաքականության մշակման, գործունեության պլանավորման և վերահսկման պատասխանատուն էր։
«ԻՊ ահաբեկչական կազմակերպությունը ակտիվ մասնակցություն է ունեցել Գազայի հատվածում Իսրայելի պաշտպանության բանակի զորքերի դեմ մարտական գործողություններում, ինչպես նաև ռազմական տեխնիկայի տեղափոխման և Հրեաստանից ու Սամարիայից Գազայի հատված ահաբեկչությունը ֆինանսավորելու համար զգալի միջոցների հավաքագրման հարցում», – ասված է հաղորդագրությունում։
Իսրայելցի զինվորականները վստահեցրել են` ՑԱԽԱԼ–ը կշարունակի պայքարել Գազայի հատվածում ահաբեկչական կազմակերպությունների դեմ։
Հիշեցնենք` 2023 թ. հոկտեմբերի 7-ի առավոտյան Իսրայելը Գազայի հատվածից աննախադեպ
հրթիռային հարձակման ենթարկվեց։ Դրանից հետո պաղեստինյան ՀԱՄԱՍ շարժման գրոհայինները ներխուժեցին սահմանամերձ շրջաններ՝ կրակ բացելով զինվորականների և քաղաքացիական անձանց վրա։ Նրանք պատանդ վերցրին ավելի քան 200 անձանց: Իշխանությունների տվյալներով՝ իսրայելական կողմից այդ ժամանակ զոհվեց մոտ 1,2 հազար մարդ։
Իսրայելի պաշտպանության բանակն ի պատասխան սկսեց «Երկաթե թրեր» գործողությունը և հայտարարեց Գազայի հատվածի ամբողջական շրջափակման մասին. դադարեցվեցին ջրի, էլեկտրականության, վառելիքի, սննդամթերքի և դեղորայքի մատակարարումները:
