https://arm.sputniknews.ru/20250818/hffn-hvordvorum-e-hajastan-pvortugalia-handipman-tvomser-chgnel-shukajic-92491512.html
ՀՖՖ–ն հորդորում է Հայաստան-Պորտուգալիա հանդիպման տոմսեր չգնել շուկայից
ՀՖՖ–ն հորդորում է Հայաստան-Պորտուգալիա հանդիպման տոմսեր չգնել շուկայից
Sputnik Արմենիա
ՀՖՖ-ն հայտնում է, որ պատասխանատու չէ այլ անձանց վաճառած տոմսի համար: 18.08.2025, Sputnik Արմենիա
2025-08-18T16:47+0400
2025-08-18T16:47+0400
2025-08-18T16:47+0400
հայաստան
ֆուտբոլ
սպորտ
տոմս
պորտուգալիա
https://cdn.am.sputniknews.ru/img/07e5/09/0a/28965855_0:85:1600:985_1920x0_80_0_0_8db469cc39e3a9306a218ec9f803a049.jpg
ԵՐԵՎԱՆ, 18 օգոստոսի – Sputnik. Հայաստանի ֆուտբոլի ֆեդերացիան հորդորում է Հայաստան-Պորտուգալիա հանդիպման տոմսեր չգնել շուկայից` հետագա բարդություններից խուսափելու համար: Այս մասին հայտնում է ՀՖՖ մամուլի ծառայությունը։«Շատերը ՀՖՖ-ին մեղադրում են, որ չեն կարողացել տոմս գնել: «Հանրապետական» մարզադաշտը կարող է ընդունել առավելագույնը 14․000 երկրպագու: Տոմս ձեռք բերելու հայտ է ներկայացրել 470․000 մարդ։ 1 երկրպագուն կարող էր գնել 2 տոմսից ոչ ավելի, հետևաբար հնարավոր է եղել բավարարել մոտ 7000 հայտի պահանջ: Բնականաբար, շուրջ 463․000 երկրպագու կարող է բողոքել, որ չի կարողացել տոմս գնել»,– պարզաբանել է ֆեդերացիան։ՀՖՖ–ն տեղեկացրել է,որ տոմսերի պաշտոնական վաճառքից դեռ ամիսներ առաջ համացանցում եղել են վաճառքի վերաբերյալ ոչ պաշտոնական հայտարարություններ, հիմա էլ ոմանք աստղաբաշխական գներով տոմսեր են վաճառում:14․000 նստատեղով մարզադաշտի մոտ 7․000 տոմս վաճառվել է 1000-3000 դրամով: Շուկայում այժմ այդ տոմսերը վաճառում են տասնապատիկ թանկ:Ընդգծվում է, որ ՀՖՖ-ն պատասխանատու չէ այլ անձանց վաճառած տոմսի համար: Վերավաճառողից տոմս չգնելով՝ ֆուտբոլի երկրպագուները կօգնեն, որպեսզի հետագայում հայկական ֆուտբոլից իսպառ վերանա այդ բացասական երևույթը:Հիշեցնենք` աշխարհի 2026 թվականի առաջնության որակավորման փուլի Հայաստան–Պորտուգալիա հանդիպումը կկայանա սեպտեմբերի 6-ին՝ ժամը 20:00-ին, Վազգեն Սարգսյանի անվան «Հանրապետական» մարզադաշտում:Օգոստոսի 14-ին հայտնի դարձավ, որ տոմսերի վաճառքի մեկնարկից կարճ ժամանակ անց երկրպագուները չեն կարողանում Հայաստան-Պորտուգալիա խաղի տոմսեր գնել։ ՀՖՖ–ն հայտնեց, որ պատճառը տեխնիկական խափանումն է։
պորտուգալիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ֆուտբոլ, սպորտ , տոմս, պորտուգալիա
հայաստան, ֆուտբոլ, սպորտ , տոմս, պորտուգալիա
ՀՖՖ–ն հորդորում է Հայաստան-Պորտուգալիա հանդիպման տոմսեր չգնել շուկայից
ՀՖՖ-ն հայտնում է, որ պատասխանատու չէ այլ անձանց վաճառած տոմսի համար:
ԵՐԵՎԱՆ, 18 օգոստոսի – Sputnik. Հայաստանի ֆուտբոլի ֆեդերացիան հորդորում է Հայաստան-Պորտուգալիա հանդիպման տոմսեր չգնել շուկայից` հետագա բարդություններից խուսափելու համար: Այս մասին հայտնում է
ՀՖՖ մամուլի ծառայությունը։
«Շատերը ՀՖՖ-ին մեղադրում են, որ չեն կարողացել տոմս գնել: «Հանրապետական» մարզադաշտը կարող է ընդունել առավելագույնը 14․000 երկրպագու: Տոմս ձեռք բերելու հայտ է ներկայացրել 470․000 մարդ։ 1 երկրպագուն կարող էր գնել 2 տոմսից ոչ ավելի, հետևաբար հնարավոր է եղել բավարարել մոտ 7000 հայտի պահանջ: Բնականաբար, շուրջ 463․000 երկրպագու կարող է բողոքել, որ չի կարողացել տոմս գնել»,– պարզաբանել է ֆեդերացիան։
ՀՖՖ–ն տեղեկացրել է,որ տոմսերի պաշտոնական վաճառքից դեռ ամիսներ առաջ համացանցում եղել են վաճառքի վերաբերյալ ոչ պաշտոնական հայտարարություններ, հիմա էլ ոմանք աստղաբաշխական գներով տոմսեր են վաճառում:
14․000 նստատեղով մարզադաշտի մոտ 7․000 տոմս վաճառվել է 1000-3000 դրամով: Շուկայում այժմ այդ տոմսերը վաճառում են տասնապատիկ թանկ:
«ՀՖՖ-ի վաճառած բոլոր տոմսերի QR կոդերը ակտիվանալու են հանդիպման օրը՝ սեպտեմբերի 6-ին: Վերավաճառողները տոմսերը կարող են վաճառել մի քանի անձի, բայց ակտիվանալու է միայն մեկ QR կոդ: Այս դեպքում ևս կարող է լինել բողոքի մեծ ալիք, որի հետ ՀՖՖ-ն որևէ առնչություն չունի»,– նշված է հաղորդագրության մեջ
Ընդգծվում է, որ ՀՖՖ-ն պատասխանատու չէ այլ անձանց վաճառած տոմսի համար: Վերավաճառողից տոմս չգնելով՝ ֆուտբոլի երկրպագուները կօգնեն, որպեսզի հետագայում հայկական ֆուտբոլից իսպառ վերանա այդ բացասական երևույթը:
Հիշեցնենք` աշխարհի 2026 թվականի առաջնության որակավորման փուլի Հայաստան–Պորտուգալիա հանդիպումը կկայանա սեպտեմբերի 6-ին՝ ժամը 20:00-ին, Վազգեն Սարգսյանի անվան «Հանրապետական» մարզադաշտում:
Օգոստոսի 14-ին հայտնի դարձավ, որ տոմսերի վաճառքի մեկնարկից կարճ ժամանակ անց
երկրպագուները չեն կարողանում Հայաստան-Պորտուգալիա խաղի տոմսեր գնել։ ՀՖՖ–ն հայտնեց, որ պատճառը տեխնիկական խափանումն է։
