https://arm.sputniknews.ru/20250818/avinjany-minchev-tareverj-zhamanak-tvec-aghbi-veramshakman-gvortsarani-karucman-mrcujti-hamar-92472533.html
Ավինյանը մինչև տարեվերջ ժամանակ տվեց աղբի վերամշակման գործարանի կառուցման մրցույթի համար
Ավինյանը մինչև տարեվերջ ժամանակ տվեց աղբի վերամշակման գործարանի կառուցման մրցույթի համար
Sputnik Արմենիա
9 օրերի ընթացքում 2450 մեքենա հող է տեղափոխվել Նուբարաշենի աղբավայր՝ հողային շերտով ծածկելու և հրդեհավտանգ իրավիճակը վերացնելու համար, տեղում շուրջօրյա... 18.08.2025, Sputnik Արմենիա
2025-08-18T10:10+0400
2025-08-18T10:10+0400
2025-08-18T11:59+0400
նուբարաշենի աղբավայր
տիգրան ավինյան
երևան
https://cdn.am.sputniknews.ru/img/07e9/08/12/92473304_0:0:1280:720_1920x0_80_0_0_6d90b6d63b8b5c5fa03ffd3aadecd7f1.jpg
ԵՐԵՎԱՆ, 18 օգոստոսի – Sputnik․ Երևանի քաղաքապետ Տիգրան Ավինյանը քաղաքապետարանի համապատասխան ստորաբաժանումներին մինչև տարեվերջ ժամանակ տվեց աղբի վերամշակման գործարանի կառուցման համար երկփուլ մրցույթ անցկացնելու և հաղթող կազմակերպության անունը հայտնելու համար։ Նախազգուշացրեց՝ եթե նշված ժամկետում հանձնարարականը չկատարվի, ապա կադրային նոր որոշումներ կկայացնի։Քաղաքապետի խորհրդական Կամո Արեյանի խոսքով՝ 9 օր տևած աշխատանքներից հետո օգոստոսի 17-ի դրությամբ Նուբարաշենի աղբավայրում հրդեհային վտանգը վերացված է։Նա հիշեցրեց, որ Նուբարաշենի աղբավայրում հրդեհի բռնկման մասին ահազանգը ստացվել է օգոստոսի 8-ի կեսգիշերին։ Օգոստոսի 9-ի առավոտյան կրակն արդեն ամբողջությամբ մարվել էր, սակայն աղբավայրը ծխում էր ամբողջ ծավալով։ Արեյանի խոսքով՝ հաջորդող 9 օրերի ընթացքում նոր հրդեհի բռնկման ու տարածման կանխարգելման աշխատանքների համար ոչ միայն մոբիլիզացվել է Երևանի քաղաքապետարանի ամբողջ ռեսուրսը, այլև 12 վարչական շրջաններն ու մասնավոր կազմակերպություններ են միացել աշխատանքներին։ Խոսքը վերաբերում է աղբավայր հող տեղափոխելուն և տարածքով հողով ծածկելուն։«Օրական 20-22 միավոր տեխնիկա հող է տեղափոխել։ Ընդհանուր առմամբ, 9 օրերի ընթացքում 2450 մեքենա հող է տեղափոխվել»,- ասաց Արեյանը։Փրկարար ծառայության Երևան քաղաքի վարչության պետի պաշտոնակատար Զավեն Մելքոնյանի խոսքով՝ Նուբարաշենի աղբավայրում հրդեհի օջախները մարելու համար օգտագործվել է 22 035 տոննա ջուր, հրդեհաշիջման աշխատանքներին մասնակցել է 430 փրկարար։ՆԳՆ փրկարար ծառայությունը տեղում շուրջօրյա հերթապահություն է նշանակել։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նուբարաշենի աղբավայր, տիգրան ավինյան, երևան, видео
նուբարաշենի աղբավայր, տիգրան ավինյան, երևան, видео
Ավինյանը մինչև տարեվերջ ժամանակ տվեց աղբի վերամշակման գործարանի կառուցման մրցույթի համար
10:10 18.08.2025 (Թարմացված է: 11:59 18.08.2025) 9 օրերի ընթացքում 2450 մեքենա հող է տեղափոխվել Նուբարաշենի աղբավայր՝ հողային շերտով ծածկելու և հրդեհավտանգ իրավիճակը վերացնելու համար, տեղում շուրջօրյա հերթապահություն է իրականացվում։
ԵՐԵՎԱՆ, 18 օգոստոսի – Sputnik․ Երևանի քաղաքապետ Տիգրան Ավինյանը քաղաքապետարանի համապատասխան ստորաբաժանումներին մինչև տարեվերջ ժամանակ տվեց աղբի վերամշակման գործարանի կառուցման համար երկփուլ մրցույթ անցկացնելու և հաղթող կազմակերպության անունը հայտնելու համար։ Նախազգուշացրեց՝ եթե նշված ժամկետում հանձնարարականը չկատարվի, ապա կադրային նոր որոշումներ կկայացնի։
«Սա Երևանի համար ամենակարևոր ու դժվար հարցերից է, հապաղել այլևս չենք կարող»,- գործակարգավարական խորհրդակցության ժամանակ ասաց Ավինյանը՝ Նուբարաշենի աղբավայրում հերթական անգամ բռնկված հրդեհի ու դրա մարման աշխատանքների վերաբերյալ զեկույցից հետո։
Քաղաքապետի խորհրդական Կամո Արեյանի խոսքով՝ 9 օր տևած աշխատանքներից հետո օգոստոսի 17-ի դրությամբ Նուբարաշենի աղբավայրում հրդեհային վտանգը վերացված է։
Նա հիշեցրեց, որ Նուբարաշենի աղբավայրում հրդեհի բռնկման մասին ահազանգը ստացվել է օգոստոսի 8-ի կեսգիշերին։ Օգոստոսի 9-ի առավոտյան կրակն արդեն ամբողջությամբ մարվել էր, սակայն աղբավայրը ծխում էր ամբողջ ծավալով։ Արեյանի խոսքով՝ հաջորդող 9 օրերի ընթացքում նոր հրդեհի բռնկման ու տարածման կանխարգելման աշխատանքների համար ոչ միայն մոբիլիզացվել է Երևանի քաղաքապետարանի ամբողջ ռեսուրսը, այլև 12 վարչական շրջաններն ու մասնավոր կազմակերպություններ են միացել աշխատանքներին։ Խոսքը վերաբերում է աղբավայր հող տեղափոխելուն և տարածքով հողով ծածկելուն։
«Օրական 20-22 միավոր տեխնիկա հող է տեղափոխել։ Ընդհանուր առմամբ, 9 օրերի ընթացքում 2450 մեքենա հող է տեղափոխվել»,- ասաց Արեյանը։
Փրկարար ծառայության Երևան քաղաքի վարչության պետի պաշտոնակատար Զավեն Մելքոնյանի խոսքով՝ Նուբարաշենի աղբավայրում հրդեհի օջախները մարելու համար օգտագործվել է 22 035 տոննա ջուր, հրդեհաշիջման աշխատանքներին մասնակցել է 430 փրկարար։
ՆԳՆ փրկարար ծառայությունը տեղում շուրջօրյա հերթապահություն է նշանակել։
