Թրամփի կինը նամակ է գրել Պուտինին. Fox News-ը հրապարակել է տեքստը
11:48 17.08.2025 (Թարմացված է: 11:55 17.08.2025)
Վլադիմիր Պուտինի հանդիպումը Դոնալդ Թրամփի և Մելայնա Թրամփի հետ. 2018թ. Հելսինկի. Արխիվային լուսանկար
© AP Photo / Alexei Nikolsky / Kremlin Pool Photo vía AP
Բաժանորդագրվել
ԱՄՆ-ում բացահայտել են Մելանյա Թրամփի նամակի բովանդակությունը:
ԵՐԵՎԱՆ, 17 օգոստոսի — Sputnik. Fox News-ը հրապարակել է «խաղաղության նամակի» տեքստը, որն ԱՄՆ–ի առաջին տիկին Մելանյա Թրամփն ամուսնու միջոցով փոխանցել է Ռուսաստանի նախագահին: Նամակում նա գրել է այն մասին, թե ինչպես են բոլոր երեխաները երազում սիրո, անվտանգության և հնարավորությունների մասին:
Ավելի վաղ Reuters գործակալությունը, հղում անելով Սպիտակ տան երկու պաշտոնյաների, հայտնել էր, որ Թրամփն անձամբ է Պուտինին փոխանցել Մելանյայի նամակը:
«Որպես ծնողներ՝ մենք պատասխանատվություն ունենք սնուցելու հաջորդ սերնդի հույսը։ Որպես առաջնորդներ՝ մենք պատասխանատվություն ունենք աջակցելու մեր երեխաներին ոչ միայն մեր մերձավոր շրջապատում, այլև շատ ավելի լայն իմաստով»,- նշել է առաջին տիկինը։
«Որպես ծնողներ՝ մենք պատասխանատվություն ունենք սնուցելու հաջորդ սերնդի հույսը։ Որպես առաջնորդներ՝ մենք պատասխանատվություն ունենք աջակցելու մեր երեխաներին ոչ միայն մեր մերձավոր շրջապատում, այլև շատ ավելի լայն իմաստով»,- նշել է առաջին տիկինը։
Նա գրում է, որ յուրաքանչյուր սերունդը սկսում է իր կյանքը մաքրությամբ՝ անմեղությամբ, որը վեր է աշխարհագրությունից, իշխանությունից կամ գաղափարախոսությունից։ Եվ այնուամենայնիվ, այսօրվա աշխարհում որոշ երեխաներ ստիպված են իրենց մեջ կրել լուռ ծիծաղ, որը չի դիպչում շրջապատող խավարին՝ լուռ դիմադրություն այն ուժերի դեմ, որոնք կարող են խլել նրանց ապագան։
Fox News опубликовал текст "письма мира", которое первая леди Мелания Трамп через мужа передала российскому президенту
© Photo
«Այս երեխաների անմեղությունը պաշտպանելով՝ դուք կանեք ավելին, քան պարզապես ծառայել Ռուսաստանին. դուք կծառայեք ամբողջ մարդկությանը։ Նման համարձակ գաղափարը գերազանցում է մարդկային բոլոր բաժանումները, և հենց Դուք, պարոն Պուտին, կարող եք այս տեսլականը իրականություն դարձնել այսօր մեկ ստորագրությամբ։ Ժամանակը եկել է», - ասվում է նամակում։
Կրեմլում Մելանյայի ուղերձի մասին տեղեկությունը դեռ չեն մեկնաբանել: Ուկրաինայի նախագահի գրասենյակի ղեկավար Անդրեյ Երմակը շնորհակալություն է հայտնել ԱՄՆ առաջնորդի տիկնոջը երեխաների հարցը բարձրացնելու համար:
Հիշեցնենք` օգոստոսի 15-ին Ալյասկայում կայացել են Ռուսաստանի և ԱՄՆ–ի նախագահներ Վլադիմիր Պուտինի և Դոնալդ Թրամփի բանակցությունները: Առաջնորդների հանդիպումը տեղի է ունեցել Էլմենդորֆ-Ռիչարդսոն ռազմաբազայում։ Ընդհանուր առմամբ, Ռուսաստանի նախագահի այցը Ալյասկա տևել է հինգ ժամ: ՌԴ–ի և ԱՄՆ–ի առաջնորդների` «Երեքը երեքի դիմաց» ձևաչափով նեղ կազմով բանակցությունները տևել են 2 ժամ 45 րոպե: Բացի Պուտինից ու Թրափից, հանդիպմանը մասնակցել են ՌԴ արտաքին գործերի նախարար Սերգեյ Լավրովը և նախագահի օգնական Յուրի Ուշակովը, ԱՄՆ պետքարտուղար Մարկո Ռուբիոն և հատուկ բանագնաց Սթիվ Ուիտկոֆը։ Հանդիպումից հետո Պուտինը հայտարարել է, որ Թրամփի հետ բանակցություններն անցել են կառուցողական մթնոլորտում, իսկ Թրամփն իր հերթին ասել է, որ ՌԴ առաջնորդի հետ հանդիպումից հետո մի շարք, այդ թվում՝ ուկրաինական թեմային և միջուկային համաձայնագրերին վերաբերող հարցերում հսկայական առաջընթաց է գրանցվել։
