https://arm.sputniknews.ru/20250814/trampy-khvosel-e-putini-het-nakhatesvvogh-handipman-masin-92326452.html
Թրամփը խոսել է Պուտինի հետ նախատեսվող հանդիպման մասին
Թրամփը խոսել է Պուտինի հետ նախատեսվող հանդիպման մասին
Sputnik Արմենիա
ԱՄՆ նախագահը Վլադիմիր Պուտինի հետ հանդիպելու համար Ալյասկա կմեկնի օգոստոսի 15-ի առավոտյան: 14.08.2025, Sputnik Արմենիա
2025-08-14T19:12+0400
2025-08-14T19:12+0400
2025-08-14T19:12+0400
ամն
ռուսաստան
դոնալդ թրամփ
վլադիմիր պուտին
https://cdn.am.sputniknews.ru/img/07e9/08/08/92092736_0:0:1600:901_1920x0_80_0_0_773ef0051c17c2a5a85736498947e92e.jpg
ԵՐԵՎԱՆ, 14 օգոստոսի – Sputnik. ԱՄՆ նախագահ Դոնալդ Թրամփը վստահ չէ, որ ՌԴ նախագահ Վլադիմիր Պուտինի հետ հանդիպման արդյունքում հնարավոր կլինի ռուս–ուկրաինական հակամարտությունում անհապաղ հրադադար հաստատելու շուրջ համաձայնության հասնել, բայց կարծում է` 25 տոկոս է հավանականությունը, որ բանակցություններն անհաջող կավարտվեն։ Նա այդ մասին ասել է լրագրողներին։ԱՄՆ նախագահը նշել է` մտադիր է Ռուսաստանին և Ուկրաինային հնարավորություն տալ, որ ինքնուրույն քննարկեն կարգավորման հարցը:Թրամփը Պուտինի հետ հանդիպումից հետո երկրորդ հանդիպում կազմակերպելու համար կզանգի Զելենսկուն։ Հանդիպման համար դիտարկվում են երեք հնարավոր վայրեր: ԱՄՆ նախագահի խոսքով՝ ամենահեշտը կլինի այդ հանդիպումը նույնպես անցկացնել Ալյասկայում։Նա հավելել է` ինքն ամենադժվար ընդդիմախոսն է, որի հետ երբևէ գործ է ունեցել Պուտինը, և ՌԴ նախագահը գիտի այդ մասին։Թրամփը հաստատել է` ԱՄՆ-ն մտադիր է պատժամիջոցների դիմել, եթե Ալյասկայում Պուտինի հետ հանդիպումն անհաջողությամբ պսակվի։Ավելի վաղ Սպիտակ տունը հայտարարել էր, որ Թրամփը չի ցանկանում նոր պատժամիջոցներ սահմանել Ռուսաստանի դեմ, նրա առաջնահերթությունը դիվանագիտությունն է: Նշվել էր նաև, որ Պուտինի հետ հանդիպմանը Թրամփը ցանկանում է բոլոր հնարավոր տարբերակներն օգտագործել ուկրաինական հակամարտության խաղաղ հանգուցալուծման համար։ԱՄՆ-ի և Ռուսաստանի նախագահները կհանդիպեն օգոստոսի 15-ին Ալյասկայի Էլմենդորֆ-Ռիչարդսոն ռազմաբազայում: Բանակցությունները կսկսվեն տեղական ժամանակով 11: 30-ին (Երևանի ժամանակով 23:30-ին):Նախագահները սկզբում առանձնազրույց կունենան (ներկա կլինեն միայն թարգմանիչները), ապա աշխատանքային նախաճաշին նրանց կմիանան պատվիրակությունների մյուս անդամները:
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, ռուսաստան, դոնալդ թրամփ, վլադիմիր պուտին
ամն, ռուսաստան, դոնալդ թրամփ, վլադիմիր պուտին
Թրամփը խոսել է Պուտինի հետ նախատեսվող հանդիպման մասին
ԱՄՆ նախագահը Վլադիմիր Պուտինի հետ հանդիպելու համար Ալյասկա կմեկնի օգոստոսի 15-ի առավոտյան:
ԵՐԵՎԱՆ, 14 օգոստոսի – Sputnik. ԱՄՆ նախագահ Դոնալդ Թրամփը վստահ չէ, որ ՌԴ նախագահ Վլադիմիր Պուտինի հետ հանդիպման արդյունքում հնարավոր կլինի ռուս–ուկրաինական հակամարտությունում անհապաղ հրադադար հաստատելու շուրջ համաձայնության հասնել, բայց կարծում է` 25 տոկոս է հավանականությունը, որ բանակցություններն անհաջող կավարտվեն։ Նա այդ մասին ասել է լրագրողներին։
«Կարծում եմ՝ Պուտինն ուզում է դա անել: Ուկրաինայի հակամարտությունը կանգնեցնելը հավանաբար ամենադժվարն է», - ասել է Թրամփը։
ԱՄՆ նախագահը նշել է` մտադիր է Ռուսաստանին և Ուկրաինային հնարավորություն տալ, որ ինքնուրույն քննարկեն կարգավորման հարցը:
Թրամփը Պուտինի հետ հանդիպումից հետո երկրորդ հանդիպում կազմակերպելու համար կզանգի Զելենսկուն։ Հանդիպման համար դիտարկվում են երեք հնարավոր վայրեր: ԱՄՆ նախագահի խոսքով՝ ամենահեշտը կլինի այդ հանդիպումը նույնպես անցկացնել Ալյասկայում։
Նա հավելել է` ինքն ամենադժվար ընդդիմախոսն է, որի հետ երբևէ գործ է ունեցել Պուտինը, և ՌԴ նախագահը գիտի այդ մասին։
Թրամփը հաստատել է` ԱՄՆ-ն մտադիր է պատժամիջոցների դիմել, եթե Ալյասկայում Պուտինի հետ հանդիպումն անհաջողությամբ պսակվի։
Ավելի վաղ Սպիտակ տունը հայտարարել էր, որ Թրամփը չի ցանկանում նոր պատժամիջոցներ սահմանել Ռուսաստանի դեմ, նրա առաջնահերթությունը դիվանագիտությունն է: Նշվել էր նաև, որ Պուտինի հետ հանդիպմանը Թրամփը ցանկանում է բոլոր հնարավոր տարբերակներն օգտագործել ուկրաինական հակամարտության խաղաղ հանգուցալուծման համար։
ԱՄՆ-ի և Ռուսաստանի նախագահները կհանդիպեն օգոստոսի 15-ին Ալյասկայի Էլմենդորֆ-Ռիչարդսոն ռազմաբազայում: Բանակցությունները
կսկսվեն տեղական ժամանակով 11: 30-ին (Երևանի ժամանակով 23:30-ին):
Նախագահները սկզբում առանձնազրույց կունենան (ներկա կլինեն միայն թարգմանիչները), ապա աշխատանքային նախաճաշին նրանց կմիանան
պատվիրակությունների մյուս անդամները:
