https://arm.sputniknews.ru/20250811/pashinjann-u-putiny-zrucel-en-herakhvosvov-manramasner-92196500.html
Փաշինյանն ու Պուտինը զրուցել են հեռախոսով. մանրամասներ
Փաշինյանն ու Պուտինը զրուցել են հեռախոսով. մանրամասներ
Sputnik Արմենիա
Զրույցը տեղի է ունեցել հայկական կողմի նախաձեռնությամբ: 11.08.2025, Sputnik Արմենիա
2025-08-11T14:28+0400
2025-08-11T14:28+0400
2025-08-11T15:12+0400
հայաստան
ռուսաստան
վլադիմիր պուտին
նիկոլ փաշինյան
ամն
բանակցություն
https://cdn.am.sputniknews.ru/img/07e8/0a/09/81641602_0:0:3073:1730_1920x0_80_0_0_cff15e3f9ebd8b25b068b218d631cff0.jpg
ԵՐԵՎԱՆ, 11 օգոստոսի – Sputnik. ՀՀ վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինին հետ և ներկայացրել վաշինգտոնյան բանակցությունների արդյունքները։ Տեղեկությունը հայտնում է ՀՀ վարչապետի մամուլի ծառայությունը։Փաշինյանը համոզմունք է հայտնել, որ Հայաստանի և Ադրբեջանի միջև խաղաղության հաստատումը նոր հնարավորություններ է բացում ոչ միայն Հայաստանի և Ադրբեջանի, այլև տարածաշրջանի բոլոր երկրների համար։ Զրուցակիցները պայմանավորվել են շարունակել ակտիվ շփումները և քաղաքական երկխոսությունը։Կրեմլի մամուլի ծառայությունն իր հերթին հայտնում է, որ զրույցը տեղի է ունեցել հայկական կողմի նախաձեռնությամբ:«Նիկոլ Փաշինյանը մանրամասն ներկայացրել է օգոստոսի 8-ին Վաշինգտոնում ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ հանդիպման արդյունքները: Վլադիմիր Պուտինը կարևորել է Երևանի և Բաքվի միջև կայուն խաղաղության ապահովմանը նպաստող քայլերը»,- ասված է Կրեմլի հաղորդագրության մեջ ։Զրույցի ընթացքում նշվել է, որ ռուսական կողմը պատրաստ է 2020-2022 թթ. ձեռք բերված եռակողմ պայմանավորվածություններին համապատասխան աջակցել հայ – ադրբեջանական հարաբերությունների համալիր կարգավորմանը` ներառյալ տարածաշրջանում տրանսպորտային հաղորդակցությունների ապաշրջափակմանը։Պուտինը պատմել է ԱՄՆ նախագահի հատուկ բանագնաց Սթիվեն Ուիտկոֆի հետ զրույցի հիմնական արդյունքների և Ալյասկայում Դոնալդ Թրամփի հետ հանդիպման նախապատրաստման մասին:Բացի այդ, ըստ Մոսկվայի հաղորդագրության, զրուցակիցներն անդրադարձել են երկկողմ օրակարգի որոշ արդիական հարցերի՝ շեշտադրելով Եվրասիական տնտեսական միության շրջանակում առևտրաներդրումային համագործակցության և փոխգործակցության հետագա զարգացումը։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրել են յոթ կետից բաղկացած համատեղ հռչակագիր, որը ամրագրում է կողմերի խաղաղության ձգտումը` առանց մանրամասները ներկայացնելու։ Փաստաթղթի տակ ստորագրություն է դրել նաև ԱՄՆ նախագահ Դոնալդ Թրամփը։Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը, որի տեքստը կհրապարակվի օգոստոսի 11-ին։
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, վլադիմիր պուտին, նիկոլ փաշինյան, ամն, բանակցություն
հայաստան, ռուսաստան, վլադիմիր պուտին, նիկոլ փաշինյան, ամն, բանակցություն
Փաշինյանն ու Պուտինը զրուցել են հեռախոսով. մանրամասներ
14:28 11.08.2025 (Թարմացված է: 15:12 11.08.2025) Զրույցը տեղի է ունեցել հայկական կողմի նախաձեռնությամբ:
ԵՐԵՎԱՆ, 11 օգոստոսի – Sputnik. ՀՀ վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինին հետ և ներկայացրել վաշինգտոնյան բանակցությունների արդյունքները։ Տեղեկությունը հայտնում է ՀՀ վարչապետի մամուլի ծառայությունը։
«Վարչապետը ՌԴ նախագահին ներկայացրել է օգոստոսի 8-ին ԱՄՆ մայրաքաղաք Վաշիգնտոնում տեղի ունեցած բանակցությունների արդյունքները, մասնավորապես «Հայաստանի և Ադրբեջանի միջև խաղաղության և միջպետական հարաբերությունների մասին համաձայնագրի» նախաստորագրումը, ԵԱՀԿ ՄԽ մեխանիզմները լուծարելու մասին ԵԱՀԿ-ին ուղղված համատեղ դիմումը, տարածաշրջանային կոմունիկացիաների ապաշրջափակումը երկրների տարածքային ամբողջականության, ինքնիշխանության, իրավազորության սկզբունքների շրջանակում և փոխադարձության հիման վրա, ինչպես նաև «Թրամփի ուղի՝ հանուն միջազգային խաղաղության և բարգավաճման» նախագիծը»,– ասված է հաղորդագրությունում։
Փաշինյանը համոզմունք է հայտնել, որ Հայաստանի և Ադրբեջանի միջև խաղաղության հաստատումը նոր հնարավորություններ է բացում ոչ միայն Հայաստանի և Ադրբեջանի, այլև տարածաշրջանի բոլոր երկրների համար։
Զրուցակիցները պայմանավորվել են շարունակել ակտիվ շփումները և քաղաքական երկխոսությունը։
Կրեմլի մամուլի ծառայությունն իր հերթին հայտնում է, որ զրույցը տեղի է ունեցել հայկական կողմի նախաձեռնությամբ:
«Նիկոլ Փաշինյանը մանրամասն ներկայացրել է օգոստոսի 8-ին Վաշինգտոնում ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ հանդիպման արդյունքները: Վլադիմիր Պուտինը կարևորել է Երևանի և Բաքվի միջև կայուն խաղաղության ապահովմանը նպաստող քայլերը»,- ասված է Կրեմլի հաղորդագրության մեջ ։
Զրույցի ընթացքում նշվել է, որ ռուսական կողմը պատրաստ է 2020-2022 թթ. ձեռք բերված եռակողմ պայմանավորվածություններին համապատասխան աջակցել հայ – ադրբեջանական հարաբերությունների համալիր կարգավորմանը` ներառյալ տարածաշրջանում տրանսպորտային հաղորդակցությունների ապաշրջափակմանը։
Պուտինը պատմել է ԱՄՆ նախագահի հատուկ բանագնաց Սթիվեն Ուիտկոֆի հետ զրույցի հիմնական արդյունքների և Ալյասկայում Դոնալդ Թրամփի հետ հանդիպման նախապատրաստման մասին:
«Հայաստանի վարչապետը ողջունել է ուկրաինական ճգնաժամի խաղաղ կարգավորմանն ուղղված քայլերը»,– ասված է Կրեմլի հաղորդագրությունում։
Բացի այդ, ըստ Մոսկվայի հաղորդագրության, զրուցակիցներն անդրադարձել են երկկողմ օրակարգի որոշ արդիական հարցերի՝ շեշտադրելով Եվրասիական տնտեսական միության շրջանակում առևտրաներդրումային համագործակցության և փոխգործակցության հետագա զարգացումը։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրել են յոթ կետից բաղկացած
համատեղ հռչակագիր, որը ամրագրում է կողմերի խաղաղության ձգտումը` առանց մանրամասները ներկայացնելու։ Փաստաթղթի տակ ստորագրություն է դրել նաև ԱՄՆ նախագահ Դոնալդ Թրամփը։
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը, որի տեքստը կհրապարակվի օգոստոսի 11-ին։
