https://arm.sputniknews.ru/20250811/amenashatn-ankaran-e-gvoh-mnacel-turqagety-amnum-stvoragrvats-pastatghti-masin-92205850.html
Ամենաշատն Անկարան է գոհ մնացել. թուրքագետը` ԱՄՆ–ում ստորագրված փաստաթղթի մասին
Ամենաշատն Անկարան է գոհ մնացել. թուրքագետը` ԱՄՆ–ում ստորագրված փաստաթղթի մասին
Sputnik Արմենիա
Աբրահամյանը Sputnik Արմենիայի հետ զրույցում հիշեցրել է` Թուրքիան տարածաշրջանում ԱՄՆ–ի դաշնակիցն է, ՆԱՏՕ–ի անդամ երկիր։ Սա թույլ է տալիս եզրակացնել, որ Սյունիքի... 11.08.2025, Sputnik Արմենիա
2025-08-11T21:09+0400
2025-08-11T21:09+0400
2025-08-11T21:09+0400
թուրքիա
ամն
թրամփի ուղի (tripp)
հայաստան
«զանգեզուրի միջանցք»
իրանի իսլամական հանրապետություն
հայ-ադրբեջանական
ադրբեջան
խաղաղության պայմանագիր
ռեջեփ թայիփ էրդողան
https://cdn.am.sputniknews.ru/img/07e9/04/07/87588080_0:57:1600:957_1920x0_80_0_0_f4d767a625b5e9c5494ce2620e3def45.jpg
ԵՐԵՎԱՆ, 11 օգոստոսի – Sputnik. Հայաստանի և Ադրբեջանի միջև խաղաղության և միջպետական հարաբերությունների հաստատման համաձայնագրի նախաստորագրման հարցում բավական մեծ է եղել Թուրքիայի դերը։ Sputnik Արմենիայի հետ զրույցում նման կարծիք է հայտնել թուրքագետ Մհեր Աբրահամյանը` հիշեցնելով թուրքական կողմի` ստորագրմանը հաջորդած արձագանքները և դրան նախորդած տեղեկատվական արտահոսքերը թուրքական կողմի «քավորության» մասին։«Համադրելով այս փաստերը` կարծում եմ, որ Թուրքիայի դերակատարությունն այս հարցում բավականին մեծ է եղել և ամենաշատը Թուրքիան է գոհ մնացել այս փաստաթղթից»,– նկատում է Աբրահամյանը։Ինչպես հայտնի է, օգոստոսի 8-ին ԱՄՆ–ում ստորագրված փաստաթուղթն առաջինը և բավականին բուռն կերպով ողջունեց Թուրքիայի ԱԳՆ–ն։ Թուրքիայի արտգործնախարար Հաքան Ֆիդանն ավելի ուշ անթաքույց հայտարարեց, որ փաստաթուղթը հնարավորություն է ստեղծում «Զանգեզուրի միջանցքով» կապ հաստատել թյուրքական աշխարհի հետ։ Իսկ օգոստսի 11-ին ՀՀ վարչապետ Նիկոլ Փաշինյանի հետ հեռախոսազրույցում Թուրքիայի նախագահ Ռեջեփ Թայիփ Էրդողանն ասել է, որ վաշինգտոնյան բանակցություններից հետո հայ–թուրքական պայմանավորվածությունների իրագործման համար նպաստավոր մթնոլորտ է ձևավորվել։Թուրքական կողմի վերջին հայտարարությունները դիտարկելով 2020թ–ի պատերազմից հետո ՀՀ իշխանություններին պարտադրված նախապայմանների համատեքստում` Մհեր Աբրահամյանը նկատում է, որ Թուրքիան գոհունակությամբ է ընդունում դրանց կատարումը։ Հետևաբար, նաև հայ–թուրքական հարաբերությունների կարգավորման մասին հայտարարությունը, Աբրահամյանի համոզմամբ, բխում է այդ բոլոր նախապայմանների կատարումից։Ինչ վերաբերում է հայ–թուրքական սահմանը երրորդ երկրների քաղաքացիների և դիվանագիտական անձնագրերով անձանց համար բացելու պայմանավորվածությանը, Մհեր Աբրահամյանն այն համարում է խայծ ՀՀ իշխանության համար` արձանագրելով, որ այդ ուղղությամբ Թուրքիան որևէ քայլ չի կատարում։Փաշինյանն ու Էրդողանը զրուցել են հեռախոսով. ի՞նչ են քննարկելԱնդրադառնալով Սյունիքի ճանապարհի վերահսկողությունն ամերիկյան կազմակերպությանը արտապատվիրակելու պայմանավորվածությանը` թուրքագետը հիշեցնում է, որ Թուրքիան տարածաշրջանում ԱՄՆ–ի դաշնակիցն է և ՆԱՏՕ–ի անդամ երկիր։ Այս հանգամանքը մեր զրուցակցին թույլ է տալիս եզրակացնելու, որ իրականում Թուրքիայի դերակատարումը տարածաշրջանում գնալով էլ ավելի է աճելու։«Հաշվի առնելով այն հանգամանքը, որ այսօր Իրանն ու Ռուսաստանը գտնվում են պատերազմական իրավիճակներում, Թուրքիան իր ազդեցությունը Հարավային Կովկասում մեծացնելու համար, փորձելու է առիթից օգտվել ու դուրս մղել այդ երկու գլխավոր խաղացողներին` ՌԴ–ին ու Իրանին»,– նշում է Մհեր Աբրահամյանը։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրել են յոթ կետից բաղկացած համատեղ հռչակագիր, որը ամրագրում է կողմերի խաղաղության ձգտումը` առանց մանրամասները ներկայացնելու։ Փաստաթղթի տակ ստորագրություն է դրել նաև ԱՄՆ նախագահ Դոնալդ Թրամփը։Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։
թուրքիա
ամն
իրանի իսլամական հանրապետություն
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թուրքիա, ամն, թրամփի ուղի (tripp), հայաստան, «զանգեզուրի միջանցք», իրանի իսլամական հանրապետություն, հայ-ադրբեջանական, ադրբեջան, խաղաղության պայմանագիր, ռեջեփ թայիփ էրդողան
թուրքիա, ամն, թրամփի ուղի (tripp), հայաստան, «զանգեզուրի միջանցք», իրանի իսլամական հանրապետություն, հայ-ադրբեջանական, ադրբեջան, խաղաղության պայմանագիր, ռեջեփ թայիփ էրդողան
Ամենաշատն Անկարան է գոհ մնացել. թուրքագետը` ԱՄՆ–ում ստորագրված փաստաթղթի մասին
Աբրահամյանը Sputnik Արմենիայի հետ զրույցում հիշեցրել է` Թուրքիան տարածաշրջանում ԱՄՆ–ի դաշնակիցն է, ՆԱՏՕ–ի անդամ երկիր։ Սա թույլ է տալիս եզրակացնել, որ Սյունիքի նկատմամբ ԱՄՆ–ի միջոցով վերահսկողություն ստանալով` Անկարան փորձելու է տարածաշրջանից դուրս մղել Իրանին ու ՌԴ–ին։
ԵՐԵՎԱՆ, 11 օգոստոսի – Sputnik. Հայաստանի և Ադրբեջանի միջև խաղաղության և միջպետական հարաբերությունների հաստատման համաձայնագրի նախաստորագրման հարցում բավական մեծ է եղել Թուրքիայի դերը։
Sputnik Արմենիայի հետ զրույցում նման կարծիք է հայտնել թուրքագետ Մհեր Աբրահամյանը` հիշեցնելով թուրքական կողմի` ստորագրմանը հաջորդած արձագանքները և դրան նախորդած տեղեկատվական արտահոսքերը թուրքական կողմի «քավորության» մասին։
«Համադրելով այս փաստերը` կարծում եմ, որ Թուրքիայի դերակատարությունն այս հարցում բավականին մեծ է եղել և ամենաշատը Թուրքիան է գոհ մնացել այս փաստաթղթից»,– նկատում է Աբրահամյանը։
Ինչպես հայտնի է, օգոստոսի 8-ին ԱՄՆ–ում
ստորագրված փաստաթուղթն առաջինը և բավականին բուռն կերպով ողջունեց Թուրքիայի ԱԳՆ–ն։ Թուրքիայի արտգործնախարար Հաքան Ֆիդանն ավելի ուշ
անթաքույց հայտարարեց, որ փաստաթուղթը հնարավորություն է ստեղծում «Զանգեզուրի միջանցքով» կապ հաստատել թյուրքական աշխարհի հետ։ Իսկ օգոստսի 11-ին ՀՀ վարչապետ Նիկոլ Փաշինյանի հետ հեռախոսազրույցում Թուրքիայի նախագահ Ռեջեփ Թայիփ Էրդողանն ասել է, որ վաշինգտոնյան բանակցություններից հետո հայ–թուրքական պայմանավորվածությունների իրագործման համար նպաստավոր մթնոլորտ է ձևավորվել։
Թուրքական կողմի վերջին հայտարարությունները դիտարկելով 2020թ–ի պատերազմից հետո ՀՀ իշխանություններին պարտադրված նախապայմանների համատեքստում` Մհեր Աբրահամյանը նկատում է, որ Թուրքիան գոհունակությամբ է ընդունում դրանց կատարումը։ Հետևաբար, նաև հայ–թուրքական հարաբերությունների կարգավորման մասին հայտարարությունը, Աբրահամյանի համոզմամբ, բխում է այդ բոլոր նախապայմանների կատարումից։
«Անցյալում Թուրքիան Հայաստանի հետ հարաբերություների հիմքում դնում էր Արցախյան խնդրի նախապայմանը, որն այս իշխանությունը լուծեց հօգուտ Թուրքիայի և Ադրբեջանի, Ցեղասպանության հարցից հրաժարումն էր, որն իրականացնում է այս իշխանությունը տարատեսակ հայտարարություններով, և միջանցքի` Ադրբեջանի ու Նախիջևանի կապն է, որը ևս իրականացվում է այս իշխանության կողմից։ Կարծում եմ, որ դեռևս կան նոր պայմաններ, որոնք ևս այս իշխանությունն ի կատար կածի, նոր միայն Թուրքիան ամենավերջում իր հարաբերությունները կբարելավի Հայաստանի հետ կամ կփորձի բացել սահմանը, եթե այլևս չտեսնի իրեն հակադրվող որևէ գործառույթ»,– կարծում է թուրքագետը։
Ինչ վերաբերում է հայ–թուրքական սահմանը երրորդ երկրների քաղաքացիների և դիվանագիտական անձնագրերով անձանց համար բացելու պայմանավորվածությանը, Մհեր Աբրահամյանն այն համարում է խայծ ՀՀ իշխանության համար` արձանագրելով, որ այդ ուղղությամբ Թուրքիան որևէ քայլ չի կատարում։
Անդրադառնալով Սյունիքի ճանապարհի վերահսկողությունն ամերիկյան կազմակերպությանը արտապատվիրակելու պայմանավորվածությանը` թուրքագետը հիշեցնում է, որ Թուրքիան տարածաշրջանում ԱՄՆ–ի դաշնակիցն է և ՆԱՏՕ–ի անդամ երկիր։ Այս հանգամանքը մեր զրուցակցին թույլ է տալիս եզրակացնելու, որ իրականում Թուրքիայի դերակատարումը տարածաշրջանում գնալով էլ ավելի է աճելու։
«Հաշվի առնելով այն հանգամանքը, որ այսօր Իրանն ու Ռուսաստանը գտնվում են պատերազմական իրավիճակներում, Թուրքիան իր ազդեցությունը Հարավային Կովկասում մեծացնելու համար, փորձելու է առիթից օգտվել ու դուրս մղել այդ երկու գլխավոր խաղացողներին` ՌԴ–ին ու Իրանին»,– նշում է Մհեր Աբրահամյանը։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրել են յոթ կետից բաղկացած
համատեղ հռչակագիր, որը ամրագրում է կողմերի խաղաղության ձգտումը` առանց մանրամասները ներկայացնելու։ Փաստաթղթի տակ ստորագրություն է դրել նաև ԱՄՆ նախագահ Դոնալդ Թրամփը։
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
