https://arm.sputniknews.ru/20250811/3vov-khaghaghutjan-pajmanagir-chi-karvogh-linel-baghajin-kvovkasum-artaqin-khaghacvoghneri-masin-92199824.html
3–ով խաղաղության պայմանագիր չի կարող լինել. Բաղային՝ Կովկասում արտաքին խաղացողների մասին
3–ով խաղաղության պայմանագիր չի կարող լինել. Բաղային՝ Կովկասում արտաքին խաղացողների մասին
Sputnik Արմենիա
Իրանը դեմ է Անդրկովկասում արտատարածաշրջանային տերությունների միջամտությանը։ 11.08.2025, Sputnik Արմենիա
2025-08-11T15:54+0400
2025-08-11T15:54+0400
2025-08-11T15:57+0400
իսմայիլ բաղայի
իրանի իսլամական հանրապետություն
հայաստան
հայ-ադրբեջանական
ամն
ադրբեջան
խաղաղության պայմանագիր
https://cdn.am.sputniknews.ru/img/07e9/06/1e/90785395_0:78:1200:753_1920x0_80_0_0_343b82c72684f881b7f6c248e4081fb8.jpg
ԵՐԵՎԱՆ, 11 օգոստոսի - Sputnik. Իրանը ոչ մի կերպ ձեռնտու չի համարում արտատարածաշրջանային պետությունների միջամտությունը Հարավային Կովկասի անվտանգության համար և ուղղակիորեն հայտարարում է դրա հետ իր անհամաձայնության մասին: Fars գործակալության հաղորդմամբ՝ այս մասին մամուլի ասուլիսի ժամանակ հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։Նա ընդգծել է, որ տարածաշրջանից դուրս գտնվող ուժերի միջամտությունը կարող է բացասական լինել միջազգային անվտանգության համար, և Իրանը բացահայտորեն դիմակայում է դրան:Բաղային հիշեցրել է, որ Իրանը միշտ հանդես է եկել այն բանի օգտին, որ տարածաշրջանին վերաբերող ցանկացած համաձայնագիր չհակասի միջազգային իրավունքին և չխախտի միջազգայնորեն ճանաչված սահմանները: Նա նշել է, որ ՀՀ ԱԳ նախարար Արարատ Միրզոյանը իրանական կողմին հավաստիացումներ է տվել, որ Հայաստանը կկանխի որևէ միջոց, որը կարող է մտահոգիչ կամ անբարենպաստ լինել Իրանի համար: Իր հերթին Իրանը սերտ կապի մեջ կմնա Հայաստանի և Ադրբեջանի հետ՝ քննարկելու այն հարցերը, որոնք կարող են ուղղակիորեն կամ անուղղակիորեն հակասել Թեհրանի շահերին։Իրանի ԱԳՆ ներկայացուցիչը նշել է, որ հաշվի առնելով Հարավային Կովկասի աշխարհաքաղաքական, քաղաքական և տնտեսական նշանակությունը, Իրանը մշտապես ակտիվ դերակատարություն է ունեցել այդ տարածաշրջանի իրադարձություններում և սերտ կապեր է պահպանում ինչպես Ադրբեջանի, այնպես էլ Հայաստանի հետ:ՀՀ վարչապետ Նիկոլ Փաշինյանն այսօր հեռախոսազրույց է ունեցել Իրանի նախագահ Մասուդ Փեզեշքիանի հետ՝ վստահեցնելով, որ տարածաշրջանային հաղորդակցությունները գործելու են տարածքային ամբողջականության, ինքնիշխանության, երկրների իրավասության սկզբունքների շրջանակում և փոխադարձության հիման վրա:Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրել են յոթ կետից բաղկացած համատեղ հռչակագիր, որը ամրագրում է կողմերի խաղաղության ձգտումը` առանց մանրամասները ներկայացնելու։ Փաստաթղթի տակ ստորագրություն է դրել նաև ԱՄՆ նախագահ Դոնալդ Թրամփը։Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը, որի տեքստը կհրապարակվի օգոստոսի 11-ին։
իրանի իսլամական հանրապետություն
ամն
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իսմայիլ բաղայի, իրանի իսլամական հանրապետություն, հայաստան, հայ-ադրբեջանական, ամն, ադրբեջան, խաղաղության պայմանագիր
իսմայիլ բաղայի, իրանի իսլամական հանրապետություն, հայաստան, հայ-ադրբեջանական, ամն, ադրբեջան, խաղաղության պայմանագիր
3–ով խաղաղության պայմանագիր չի կարող լինել. Բաղային՝ Կովկասում արտաքին խաղացողների մասին
15:54 11.08.2025 (Թարմացված է: 15:57 11.08.2025) Իրանը դեմ է Անդրկովկասում արտատարածաշրջանային տերությունների միջամտությանը։
ԵՐԵՎԱՆ, 11 օգոստոսի - Sputnik. Իրանը ոչ մի կերպ ձեռնտու չի համարում արտատարածաշրջանային պետությունների միջամտությունը Հարավային Կովկասի անվտանգության համար և ուղղակիորեն հայտարարում է դրա հետ իր անհամաձայնության մասին: Fars գործակալության հաղորդմամբ՝ այս մասին մամուլի ասուլիսի ժամանակ հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։
«Գոյություն չունի «եռակողմ խաղաղության համաձայնագիր» հասկացություն։ Զարմանալի չէ, որ որոշ ուժեր, այդ թվում՝ սիոնիստական ռեժիմը, փորձում են օգտագործել այս իրավիճակը», - ասել է նա՝ մեկնաբանելով Հայաստանի, Ադրբեջանի և ԱՄՆ-ի միջև ստորագրված խաղաղության մասին հռչակագիրը։
Նա ընդգծել է, որ տարածաշրջանից դուրս գտնվող ուժերի միջամտությունը կարող է բացասական լինել միջազգային անվտանգության համար, և Իրանը բացահայտորեն դիմակայում է դրան:
Բաղային հիշեցրել է, որ Իրանը միշտ հանդես է եկել այն բանի օգտին, որ տարածաշրջանին վերաբերող ցանկացած համաձայնագիր չհակասի միջազգային իրավունքին և չխախտի միջազգայնորեն ճանաչված սահմանները: Նա նշել է, որ ՀՀ ԱԳ նախարար Արարատ Միրզոյանը իրանական կողմին հավաստիացումներ է տվել, որ Հայաստանը կկանխի որևէ միջոց, որը կարող է մտահոգիչ կամ անբարենպաստ լինել Իրանի համար: Իր հերթին Իրանը սերտ կապի մեջ կմնա Հայաստանի և Ադրբեջանի հետ՝ քննարկելու այն հարցերը, որոնք կարող են ուղղակիորեն կամ անուղղակիորեն հակասել Թեհրանի շահերին։
Իրանի ԱԳՆ ներկայացուցիչը նշել է, որ հաշվի առնելով Հարավային Կովկասի աշխարհաքաղաքական, քաղաքական և տնտեսական նշանակությունը, Իրանը մշտապես ակտիվ դերակատարություն է ունեցել այդ տարածաշրջանի իրադարձություններում և սերտ կապեր է պահպանում ինչպես Ադրբեջանի, այնպես էլ Հայաստանի հետ:
ՀՀ վարչապետ Նիկոլ Փաշինյանն այսօր հեռախոսազրույց է ունեցել Իրանի նախագահ Մասուդ Փեզեշքիանի հետ՝ վստահեցնելով, որ տարածաշրջանային հաղորդակցությունները գործելու են տարածքային ամբողջականության, ինքնիշխանության, երկրների իրավասության սկզբունքների շրջանակում և փոխադարձության հիման վրա:
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրել են յոթ կետից բաղկացած
համատեղ հռչակագիր, որը ամրագրում է կողմերի խաղաղության ձգտումը` առանց մանրամասները ներկայացնելու։ Փաստաթղթի տակ ստորագրություն է դրել նաև ԱՄՆ նախագահ Դոնալդ Թրամփը։
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը, որի տեքստը կհրապարակվի օգոստոսի 11-ին։
