https://arm.sputniknews.ru/20250809/fransian-kvoghm-e-lgh-harcvov-eahk-minski-khmbi-lutsarmany-92143535.html
Ֆրանսիան կողմ է ԼՂ հարցով ԵԱՀԿ Մինսկի խմբի լուծարմանը
Ֆրանսիան կողմ է ԼՂ հարցով ԵԱՀԿ Մինսկի խմբի լուծարմանը
Sputnik Արմենիա
Ֆրանսիան, որպես ԵԱՀԿ Մինսկի խմբի անդամ, միացել է այն լուծարելու կոչին, Գերմանիան էլ հայտարարել է խաղաղ գործընթացին աջակցելու պատրաստակամության մասին։ 09.08.2025, Sputnik Արմենիա
2025-08-09T03:53+0400
2025-08-09T03:53+0400
2025-08-09T23:43+0400
ֆրանսիա
եահկ մինսկի խումբ
արցախ
լեռնային ղարաբաղ
հռչակագիր
https://cdn.am.sputniknews.ru/img/1063/18/10631832_0:84:1601:984_1920x0_80_0_0_4209d7b92f81fe2ae3c2cdaeb5a8ff9c.jpg
ԵՐԵՎԱՆ, 9 օգոստոսի- Sputnik. Ֆրանսիան ողջունել է ԱՄՆ նախագահ Դոնալդ Թրամփի միջնորդությամբ Վաշինգտոնում Հայաստանի և Ադրբեջանի ղեկավարների միջև ձեռք բերված համաձայնությունը և միացել է ԵԱՀԿ Մինսկի խմբի կառույցների լուծարմանը ձեռնամուխ լինելու` կողմերի կոչին:Ֆրանսիական կողմը նաև նշել է, որ պայմանավորվածությունները նպաստում են տարածաշրջանային կապերին, սահմանների բացմանը և պետությունների ինքնիշխանության ամրապնդմանը՝ 1991 թվականի Ալմա Աթայի հռչակագրի սկզբունքների հիման վրա:Գերմանիայի արտգործնախարար Յոհան Վադեֆուլն իր հերթին ողջունել է ԱՄՆ–ում Հայաստանի և Ադրբեջանի համատեղ հռչակագրի ստորագրումը՝ այդ օրն անվանելով երկու երկրների պատմության մեջ «նոր գլխի» սկիզբ:Նա նշել է, որ ԱՄՆ նախագահի նախաձեռնությամբ նախաստորագրված փաստաթուղթը «հույս է տալիս այն մարդկանց, ովքեր տարիներ շարունակ հակամարտություններ ու տեղաշարժեր են ապրել»: Նրա խոսքով ՝ Բեռլինը տարիներ ի վեր աջակցել է վստահության ամրապնդման միջոցառումներին, տրամադրել է 27,5 մլն եվրոյի մարդասիրական օգնություն և քաղաքացիական անձնակազմ է ուղարկել տարածաշրջան՝ ներառյալ մասնակցությունը Հայաստանում ԵՄ առաքելությանը: Վադեֆուլն ընդգծել է, որ Գերմանիան պատրաստ է այսուհետ ևս աջակցել Երևանին և Բաքվին կայուն խաղաղության ճանապարհին։Ավելի վաղ Վաշինգտոնում Ալիևն ու Փաշինյանը ստորագրել էին յոթ կետից բաղկացած համատեղ հռչակագիր, որն ամրագրում է կողմերի խաղաղության ձգտումը՝ առանց դրա մանրամասները ներկայացնելու։ Փաստաթղթի տակ որպես վկա ստորագրություն է դրել ԱՄՆ նախագահ Դոնալդ Թրամփը։Հիշեցնենք, որ ԵԱՀԿ Մինսկի խումբը ստեղծվել է 1992 թվականին՝ Լեռնային Ղարաբաղի հակամարտության խաղաղ կարգավորմանն աջակցելու նպատակով: Դրա համանախագահներն էին Ռուսաստանը, ԱՄՆ-ն և Ֆրանսիան, իսկ կազմի մեջ էին մտնում նաև Բելառուսը, Գերմանիան, Իտալիան, Շվեդիան, Ֆինլանդիան, Թուրքիան, Հայաստանն ու Ադրբեջանը։ Խմբի հիմնական խնդիրն էր կազմակերպել բանակցություններ և պատրաստել խաղաղության համաձայնագրի վերաբերյալ առաջարկություններ: 2020 թվականի 44-օրյա պատերազմից հետո Մինսկի խմբի դերը փաստացի վերացավ։ 2022 թվականից, Ռուսաստանի և Արևմուտքի միջև հարաբերությունների կտրուկ վատթարացման ֆոնին, նրա գործունեությունը սառեցվել է, իսկ համանախագահների միջև շփումները դադարել են։
ֆրանսիա
լեռնային ղարաբաղ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ֆրանսիա, եահկ մինսկի խումբ, արցախ, լեռնային ղարաբաղ, հռչակագիր
ֆրանսիա, եահկ մինսկի խումբ, արցախ, լեռնային ղարաբաղ, հռչակագիր
Ֆրանսիան կողմ է ԼՂ հարցով ԵԱՀԿ Մինսկի խմբի լուծարմանը
03:53 09.08.2025 (Թարմացված է: 23:43 09.08.2025) Ֆրանսիան, որպես ԵԱՀԿ Մինսկի խմբի անդամ, միացել է այն լուծարելու կոչին, Գերմանիան էլ հայտարարել է խաղաղ գործընթացին աջակցելու պատրաստակամության մասին։
ԵՐԵՎԱՆ, 9 օգոստոսի- Sputnik. Ֆրանսիան ողջունել է ԱՄՆ նախագահ Դոնալդ Թրամփի միջնորդությամբ Վաշինգտոնում Հայաստանի և Ադրբեջանի ղեկավարների միջև ձեռք բերված համաձայնությունը և միացել է ԵԱՀԿ Մինսկի խմբի կառույցների լուծարմանը ձեռնամուխ լինելու` կողմերի կոչին:
Ֆրանսիայի ԱԳՆ-ում հայտարարել են, որ հարաբերությունների կարգավորումը և խաղաղության պայմանագրի շուտափույթ ստորագրումը պետք է կարևոր քայլ դառնան Հարավային Կովկասը խաղաղության և բարգավաճման տարածք դարձնելու ուղղությամբ:
Ֆրանսիական կողմը նաև նշել է, որ պայմանավորվածությունները նպաստում են տարածաշրջանային կապերին, սահմանների բացմանը և պետությունների ինքնիշխանության ամրապնդմանը՝ 1991 թվականի Ալմա Աթայի հռչակագրի սկզբունքների հիման վրա:
Գերմանիայի արտգործնախարար Յոհան Վադեֆուլն իր հերթին ողջունել է ԱՄՆ–ում Հայաստանի և Ադրբեջանի համատեղ
հռչակագրի ստորագրումը՝ այդ օրն անվանելով երկու երկրների պատմության մեջ «նոր գլխի» սկիզբ:
Նա նշել է, որ ԱՄՆ նախագահի նախաձեռնությամբ նախաստորագրված փաստաթուղթը «հույս է տալիս այն մարդկանց, ովքեր տարիներ շարունակ հակամարտություններ ու տեղաշարժեր են ապրել»: Նրա խոսքով ՝ Բեռլինը տարիներ ի վեր աջակցել է վստահության ամրապնդման միջոցառումներին, տրամադրել է 27,5 մլն եվրոյի մարդասիրական օգնություն և քաղաքացիական անձնակազմ է ուղարկել տարածաշրջան՝ ներառյալ մասնակցությունը Հայաստանում ԵՄ առաքելությանը: Վադեֆուլն ընդգծել է, որ Գերմանիան պատրաստ է այսուհետ ևս աջակցել Երևանին և Բաքվին կայուն խաղաղության ճանապարհին։
Ավելի վաղ Վաշինգտոնում Ալիևն ու Փաշինյանը ստորագրել էին յոթ կետից բաղկացած
համատեղ հռչակագիր, որն ամրագրում է կողմերի խաղաղության ձգտումը՝ առանց դրա մանրամասները ներկայացնելու։ Փաստաթղթի տակ որպես վկա ստորագրություն է դրել ԱՄՆ նախագահ Դոնալդ Թրամփը։
Հիշեցնենք, որ ԵԱՀԿ Մինսկի խումբը ստեղծվել է 1992 թվականին՝ Լեռնային Ղարաբաղի հակամարտության խաղաղ կարգավորմանն աջակցելու նպատակով: Դրա համանախագահներն էին Ռուսաստանը, ԱՄՆ-ն և Ֆրանսիան, իսկ կազմի մեջ էին մտնում նաև Բելառուսը, Գերմանիան, Իտալիան, Շվեդիան, Ֆինլանդիան, Թուրքիան, Հայաստանն ու Ադրբեջանը։ Խմբի հիմնական խնդիրն էր կազմակերպել բանակցություններ և պատրաստել խաղաղության համաձայնագրի վերաբերյալ առաջարկություններ: 2020 թվականի 44-օրյա պատերազմից հետո Մինսկի խմբի դերը փաստացի վերացավ։ 2022 թվականից, Ռուսաստանի և Արևմուտքի միջև հարաբերությունների կտրուկ վատթարացման ֆոնին, նրա գործունեությունը սառեցվել է, իսկ համանախագահների միջև շփումները դադարել են։
.jpg){kind=link}