https://arm.sputniknews.ru/20250808/pek-nakhkin-ghekavar-vardan-harutjunjany-erku-amsvov-kalanavvorvec-pastaban-92115723.html
ՊԵԿ նախկին ղեկավար Վարդան Հարությունյանը երկու ամսով կալանավորվեց. փաստաբան
ՊԵԿ նախկին ղեկավար Վարդան Հարությունյանը երկու ամսով կալանավորվեց. փաստաբան
Sputnik Արմենիա
Փաստաբանական խումբը պատրաստվում է վերաքննիչ բողոք ներկայացնել և համապատասխան հայտարարությամբ հանդես գալ։ 08.08.2025, Sputnik Արմենիա
2025-08-08T16:51+0400
2025-08-08T16:51+0400
2025-08-08T17:57+0400
հայաստան
վարդան հարությունյան
կալանք
https://cdn.am.sputniknews.ru/img/573/13/5731348_0:0:1600:901_1920x0_80_0_0_38c6d142c47030e2614c9f72c884a2b0.jpg
ԵՐԵՎԱՆ, 8 օգոստոսի – Sputnik. Պետական եկամուտների կոմիտեի նախկին ղեկավար Վարդան Հարությունյանը երկու ամսով կալանավորվեց։ Դատական նիստից հետո լրագրողների հետ զրույցում այս մասին հայտնեց նրա փաստաբան Արմեն Անդրիկյանը։Այսօր հայտնի դարձավ, որ Վարդան Հարությունյանը ձերբակալվել է ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներով։Փաստաբանի խոսքով` հարուցված քրեական գործը վերաբերում է «Նորֆոլկ» ընկերությանը։ Ըստ նրա` նախաքննական մարմինը նշել է, որ Հարությունյանն այս ընկերության հետ կապ է ունեցել, մինչդեռ իրականում 2018 թվականին այս ընկերության հետ կապված քննություն է իրականացվել, և այդ կապն ամբողջությամբ հերքվել է։Փաստաբանական խումբը պատրաստվում է վերաքննիչ բողոք ներկայացնել և համապատասխան հայտարարությամբ հանդես գալ։Հիշեցնենք, որ վերջին տարիներին բեռնափոխադրումների մաքսային կարգո ծառայությունների ոլորտում աշխատող «Նորֆոլկ քոնսալթինգ» ընկերությունն այդ բնագավառում գերիշխող դիրք ուներ։2018թ-ի մայիսին ՀՀ ԱԱԾ քննչական վարչությունում հարուցվել էր քրեական գործ, «Նորֆոլկ Քոնսալթինգ» ՍՊԸ գլխավոր տնօրեն Արմեն Ունանյանը և պատասխանատու ևս երեք աշխատակիցներ ձերբակալվել էին, քրեական գործով որպես վկա հարցաքննության էին կանչվել ՀՀ ՊԵԿ նախագահի երկու նախկին տեղակալներ:Վարդան Հարությունյանը ՊԵԿ նախագահ է եղել 2016–2018թթ․-ին։ Դեռ նախորդ տարի ՀՀ գլխավոր դատախազությունը հայտնել էր, որ պահանջում է ՊԵԿ նախկին նախագահից բռնագանձել 23 անշարժ գույք, 9 տրանսպորտային միջոց, 473 հազար դոլար ավանդ, 6 մլն 239 հազար դոլարի և 219 մլն 880 հազար դրամի չափով տրված փոխառության պահանջի իրավունք, Լոնդոնում ձեռք բերված գույքի ձեռքբերման արժեքի (ապօրինի մասի) չափով գումար, որը կազմում է 242 մլն 128 հազար դրամ, 1 մլրդ 61 մլն 438 հազար դրամ՝ որպես ապօրինի ծագում ունեցող գույքի օգտագործումից ստացված եկամտի մնացորդ, 4 մլրդ 975 մլն 318 հազար դրամ, որը չի հիմնավորվում օրինական եկամուտներով, ունի ապօրինի ծագում և ուսումնասիրվող ժամանակահատվածի ընթացքում փոխանցվել է բարեխիղճ ձեռքբերողների կամ այն անհնար է նույնականացնել:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, վարդան հարությունյան, կալանք
հայաստան, վարդան հարությունյան, կալանք
ՊԵԿ նախկին ղեկավար Վարդան Հարությունյանը երկու ամսով կալանավորվեց. փաստաբան
16:51 08.08.2025 (Թարմացված է: 17:57 08.08.2025) Փաստաբանական խումբը պատրաստվում է վերաքննիչ բողոք ներկայացնել և համապատասխան հայտարարությամբ հանդես գալ։
ԵՐԵՎԱՆ, 8 օգոստոսի – Sputnik. Պետական եկամուտների կոմիտեի նախկին ղեկավար Վարդան Հարությունյանը երկու ամսով կալանավորվեց։ Դատական նիստից հետո լրագրողների հետ զրույցում այս մասին հայտնեց նրա փաստաբան Արմեն Անդրիկյանը։
Այսօր հայտնի դարձավ, որ Վարդան Հարությունյանը ձերբակալվել է ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներով։ Փաստաբանի խոսքով` հարուցված քրեական գործը վերաբերում է
«Նորֆոլկ» ընկերությանը։ Ըստ նրա` նախաքննական մարմինը նշել է, որ Հարությունյանն այս ընկերության հետ կապ է ունեցել, մինչդեռ իրականում 2018 թվականին այս ընկերության հետ կապված քննություն է իրականացվել, և այդ կապն ամբողջությամբ հերքվել է։
«Այդ ենթադրյալ կապը հիմք ընդունելով` Հարությունյանի նկատմամբ մեղադրանք է առաջադրվել պաշտոնեական դիրքի չարաշահման, ապօրինի տնտեսական գործունեության ներգրավման, հակամրցակցային և փողերի լվացման համաձայնության հոդվածներով։ Այս հոդվածներով քննիչն ուսումնասիրություն էր անցկացրել դեռ 2018 թվականին ու նման հանցանք չէր հայտնաբերել։ Մենք գործ ունենք մի իրավիճակի հետ, երբ քննություն է իրականցվել, և 2018 թվականին այս գործն ամբողջովին կարճվել է։ Սա իրավական առումով աբսուրդ պրոցես է»,– ընդգծեց Անդրիկյանը։
Փաստաբանական խումբը պատրաստվում է վերաքննիչ բողոք ներկայացնել և համապատասխան հայտարարությամբ հանդես գալ։
Հիշեցնենք, որ վերջին տարիներին բեռնափոխադրումների մաքսային կարգո ծառայությունների ոլորտում աշխատող «Նորֆոլկ քոնսալթինգ» ընկերությունն այդ բնագավառում գերիշխող դիրք ուներ։
2018թ-ի մայիսին ՀՀ ԱԱԾ քննչական վարչությունում հարուցվել էր քրեական գործ, «Նորֆոլկ Քոնսալթինգ» ՍՊԸ գլխավոր տնօրեն Արմեն Ունանյանը և պատասխանատու ևս երեք աշխատակիցներ ձերբակալվել էին, քրեական գործով որպես վկա հարցաքննության էին կանչվել ՀՀ ՊԵԿ նախագահի երկու նախկին տեղակալներ:
Վարդան Հարությունյանը ՊԵԿ նախագահ է եղել 2016–2018թթ․-ին։ Դեռ նախորդ տարի
ՀՀ գլխավոր դատախազությունը հայտնել էր, որ պահանջում է ՊԵԿ նախկին նախագահից բռնագանձել 23 անշարժ գույք, 9 տրանսպորտային միջոց, 473 հազար դոլար ավանդ, 6 մլն 239 հազար դոլարի և 219 մլն 880 հազար դրամի չափով տրված փոխառության պահանջի իրավունք, Լոնդոնում ձեռք բերված գույքի ձեռքբերման արժեքի (ապօրինի մասի) չափով գումար, որը կազմում է 242 մլն 128 հազար դրամ, 1 մլրդ 61 մլն 438 հազար դրամ՝ որպես ապօրինի ծագում ունեցող գույքի օգտագործումից ստացված եկամտի մնացորդ, 4 մլրդ 975 մլն 318 հազար դրամ, որը չի հիմնավորվում օրինական եկամուտներով, ունի ապօրինի ծագում և ուսումնասիրվող ժամանակահատվածի ընթացքում փոխանցվել է բարեխիղճ ձեռքբերողների կամ այն անհնար է նույնականացնել:
