Լարսի ճանապարհը բացվել է բոլոր տրանսպորտային միջոցների համար
00:02 08.08.2025 (Թարմացված է: 00:09 08.08.2025)
Բաժանորդագրվել
Հուլիսի 31-ին էլ Վերին Լարսի անցակետը բոլոր տրանսպորտային միջոցների համար փակվել էր սելավի պատճառով։
ԵՐԵՎԱՆ, 8 օգոստոսի – Sputnik. Լարս տանող ճանապարհը բացվել է բոլոր տեսակի տրանսպորտային միջոցների համար։ Այս մասին հայտնում է Հյուսիսային Օսեթիայի ճանապարհային կառավարման կենտրոնը։
Ավելի վաղ գերատեսչությունը հայտնել էր, որ Վրաստանի տարածքում եղանակային պայմանների վատթարացման, սելավահոսքի սպառնալիքի, ավտոտրանսպորտային միջոցների անվտանգ երթևեկությունն ապահովելու անհնարինության պատճառով, ինչպես նաև հաշվի առնելով Վրաստանի սահմանապահ ոստիկանության հանձնարարականները՝ արգելվում է բոլոր տեսակի ավտոտրանսպորտային միջոցների երթևեկությունը Վլադիկավկազ-Լարս հատվածում։
Հիշեցնենք՝ հուլիսի 31-ին էլ Վերին Լարսի անցակետը բոլոր տրանսպորտային միջոցների համար փակվել էր սելավի պատճառով։ Վրաստանի ավտոճանապարհների դեպարտամենտից Sputnik Արմենիային հայտնել էին, որ սելավը հեղեղել է դեպի Վերին Լարս տանող ճանապարհը «Կազբեկ» անցակետի մոտ։
