https://arm.sputniknews.ru/20250802/rdn-kveranaji-tsarajutjunneri-volvortum-otarerkracinerin-ashkhatanqi-yndunelu-kanvonnery-91932524.html
ՌԴ–ն կվերանայի ծառայությունների ոլորտում օտարերկրացիներին աշխատանքի ընդունելու կանոնները
ՌԴ–ն կվերանայի ծառայությունների ոլորտում օտարերկրացիներին աշխատանքի ընդունելու կանոնները
Sputnik Արմենիա
Խոսքը վիզային երկրներից քվոտայով Ռուսաստան ժամանող միգրանտների մասին է։ 02.08.2025, Sputnik Արմենիա
2025-08-02T18:59+0400
2025-08-02T18:59+0400
2025-08-02T19:01+0400
միգրանտ
աշխատանք
ռուսաց լեզու
ռուսաստան
քվոտա
https://cdn.am.sputniknews.ru/img/07e9/05/14/89141618_0:0:3460:1947_1920x0_80_0_0_144d07a5ef4720a81500d19da536904f.jpg
ԵՐԵՎԱՆ, 2 օգոստոսի - Sputnik. Ռուսաստանում մտադիր են վերանայել վիզային երկրներից քվոտայով ժամանող օտարերկրյա աշխատողներին ծառայությունների ոլորտում աշխատանքի ընդունելու պայմանները։ Այս մասին գրում է «Կոմերսանտը»:ՌԴ աշխատանքի նախարարությունն առաջարկել է առանց ռուսաց լեզվի իմացության միգրանտներին աշխատանքի չվերցնել վաճառողների, վարորդների և բժիշկների հաստիքներում` այնտեղ, որտեղ սոցիալական հաղորդակցություն է պահանջվում:Նշվում է, որ տվյալ միջոցի ձեռնարկումն «ուղղված է մատուցվող ծառայությունների որակի բարելավմանը»:ՌԴ–ն ցանկանում է սահմանափակել միգրանտների կողմից ռուսաց լեզվի թեստը հանձնելու փորձերի թիվըՆերկայում քվոտայով Ռուսաստան ժամանող օտարերկրացիներն ազատված են ռուսաց լեզվի քննություն հանձնելու պահանջից։ Գերատեսչությունում կարծում են, որ այդ հանգամանքը պետք է վերանայվի։Մանրածախ շուկայի փորձագետների ասոցիացիայի խորհրդի նախագահ Անդրեյ Կարպովի կարծիքով` նոր պահանջը պետք է ճշգրտվի, իսկ կտրուկ սահմանափակումները կարող են հանգեցնել ծախսերի աճի:Ուստի ամբողջովին հրաժարվելը, ըստ նրա, նպատակահարմար չէր լինի, քանի որ դա ազդում է և՛ աշխատավարձերի, և՛ ընկերությունների ծախսերի վրա։ Ի վերջո, ցանկացած ծախս արտացոլվում է ապրանքի արժեքի մեջ:«Բիզնեսում ցանկացած խնդիր առաջացնում է ծախսեր, որոնք պետք է փակվեն ինչ-որ մեկի հաշվին։ Սովորաբար դա ընկնում է սպառողի ուսերի վրա», - ասել է Կարպովը։Պուտինը ստորագրել է միգրանտների՝ ռուսերեն չիմացող երեխաներին դպրոց չընդունելու օրենքը2025 թվականին աշխատանքի քվոտան կազմում է գրեթե 235 հազար թույլտվություն և գործում է միայն վիզային երկրներից ժամանող անձանց համար։ Դրանց թվում են Չինաստանը, Հնդկաստանը և Թուրքիան։ Մեխանիզմը կոնկրետ աշխատողին ամրագրում է կոնկրետ գործատուի: Որակավորման հաստատումը պարտադիր պայման է: Ավելին` արդյունաբերական ձեռնարկությունների և ենթակառուցվածքային նախագծերի փորձառու աշխատողները կազմում են քվոտայի մոտ 94%-ը:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միգրանտ, աշխատանք, ռուսաց լեզու, ռուսաստան, քվոտա
միգրանտ, աշխատանք, ռուսաց լեզու, ռուսաստան, քվոտա
ՌԴ–ն կվերանայի ծառայությունների ոլորտում օտարերկրացիներին աշխատանքի ընդունելու կանոնները
18:59 02.08.2025 (Թարմացված է: 19:01 02.08.2025) Խոսքը վիզային երկրներից քվոտայով Ռուսաստան ժամանող միգրանտների մասին է։
ԵՐԵՎԱՆ, 2 օգոստոսի - Sputnik. Ռուսաստանում մտադիր են վերանայել վիզային երկրներից քվոտայով ժամանող օտարերկրյա աշխատողներին ծառայությունների ոլորտում աշխատանքի ընդունելու պայմանները։ Այս մասին գրում է «Կոմերսանտը»:
ՌԴ աշխատանքի նախարարությունն առաջարկել է առանց ռուսաց լեզվի իմացության միգրանտներին աշխատանքի չվերցնել վաճառողների, վարորդների և բժիշկների հաստիքներում` այնտեղ, որտեղ սոցիալական հաղորդակցություն է պահանջվում:
Նշվում է, որ տվյալ միջոցի ձեռնարկումն «ուղղված է մատուցվող ծառայությունների որակի բարելավմանը»:
Ներկայում քվոտայով Ռուսաստան ժամանող օտարերկրացիներն ազատված են ռուսաց լեզվի քննություն հանձնելու պահանջից։ Գերատեսչությունում կարծում են, որ այդ հանգամանքը պետք է վերանայվի։
Մանրածախ շուկայի փորձագետների ասոցիացիայի խորհրդի նախագահ Անդրեյ Կարպովի կարծիքով` նոր պահանջը պետք է ճշգրտվի, իսկ կտրուկ սահմանափակումները կարող են հանգեցնել ծախսերի աճի:
«Մանրածախ առևտրի ոլորտում կան մեծ թվով տարբեր մասնագիտություններ։ Կարելի է սահմանափակել օտարերկրյա աշխատողների թիվը առևտրում, օրինակ՝ զրոյացնել այն ուղղությունները, որոնք ենթադրում են գնորդի հետ հաղորդակցություն և պահպանել այնտեղ, որտեղ կոմունիկացիայի պահանջ չկա, օրինակ՝ բաշխիչ կենտրոնում», - նշել է Կարպովը։
Ուստի ամբողջովին հրաժարվելը, ըստ նրա, նպատակահարմար չէր լինի, քանի որ դա ազդում է և՛ աշխատավարձերի, և՛ ընկերությունների ծախսերի վրա։ Ի վերջո, ցանկացած ծախս արտացոլվում է ապրանքի արժեքի մեջ:
«Բիզնեսում ցանկացած խնդիր առաջացնում է ծախսեր, որոնք պետք է փակվեն ինչ-որ մեկի հաշվին։ Սովորաբար դա ընկնում է սպառողի ուսերի վրա», - ասել է Կարպովը։
2025 թվականին աշխատանքի քվոտան կազմում է գրեթե 235 հազար թույլտվություն և գործում է միայն վիզային երկրներից ժամանող անձանց համար։ Դրանց թվում են Չինաստանը, Հնդկաստանը և Թուրքիան։ Մեխանիզմը կոնկրետ աշխատողին ամրագրում է կոնկրետ գործատուի: Որակավորման հաստատումը պարտադիր պայման է: Ավելին` արդյունաբերական ձեռնարկությունների և ենթակառուցվածքային նախագծերի փորձառու աշխատողները կազմում են քվոտայի մոտ 94%-ը:
