https://arm.sputniknews.ru/20250730/hajastanum-hashmandamutjun-unecvogh-andzanc-hamar-ktvogharkvi-nvor-ab-ognakan-samarjan-91579211.html
Հայաստանում հաշմանդամություն ունեցող անձանց համար կթողարկվի նոր ԱԲ-օգնական. Սամարյան
Հայաստանում հաշմանդամություն ունեցող անձանց համար կթողարկվի նոր ԱԲ-օգնական. Սամարյան
Sputnik Արմենիա
Ծրագիրը քարտեզի վրա կնշի հասարակական վայրերը (սրճարաններ, բանկեր, խանութներ և այլն), ինչպես նաև հաշմանդամություն ունեցող անձանց համար կահավորված տրանսպորտը: 30.07.2025, Sputnik Արմենիա
2025-07-30T08:55+0400
2025-07-30T08:55+0400
2025-07-30T08:55+0400
հաշմանդամ
անվասայլակ
ստարտափ
հավելված
արհեստական բանականություն
https://cdn.am.sputniknews.ru/img/07e9/07/16/91576517_0:0:1600:901_1920x0_80_0_0_29fd0eaca0969f35c471f9f4ff050549.jpg
Հայաստանում մտադիր են թողարկել արհեստական բանականության (ԱԲ) օգնականով հավելված, որը կօգնի հաշմանդամություն ունեցող մարդկանց տեղաշարժվել քաղաքում: Քարտեզի վրա կցուցադրվեն տեղաշարժման սահմանափակ հնարավորություններ ունեցող մարդկանց համար մատչելիության միջոցներով հագեցած բոլոր օբյեկտները՝ սրճարաններ, բանկեր, տրանսպորտի կանգառներ, զուգարաններ: Եթե խոսենք վերջիններիս մասին, ապա ամբողջ Երևանում կա ընդամենը չորսը, Sputnik Արմենիային ասաց «Jack Bot» ստարտափի համահիմնադիր Ռուբեն Սամարյանը։Նրա խոսքով՝ ստարտափն, իհարկե, ի զորու չէ կառուցել հաշմանդամություն ունեցող անձանց համար կահավորված նոր օբյեկտներ, բայց գոնե կարող է դրանք ցույց տալ քարտեզի վրա, հատկապես որ քաղաքում համապատասխան ցուցանակներ չկան:Հիմնական տվյալները կներբեռնվեն քարտեզի վրա, ընդ որում ծրագիրը օգտատերերի հետադարձ կապ ստեղծելու համար տվյալներ կհավաքի։ Օրինակ, քաղաքում արդեն կան որոշակի քանակությամբ թեքահարթակներ, և դրանք կարող են քարտեզագրվել: Որոշները չափազանց նեղ են, մյուսներն ունեն չափազանց կտրուկ անկյուն՝ անվասայլակը կարող է հետ կամ կողքից ընկնել: Անցումներում կան անվասայլակների համար նախատեսված վերելակներ, սակայն պարզվում է՝ դրանց մի մասը կոտրված է։ Հաշմանդամների համար կայանման ցուցանակներ կան, բայց դրանք հաճախ զբաղեցնում են այլ մեքենաներ:Օգտատերերը ծրագրում կկարողանան որոնումներն իրականացնել ինչպես գրավոր, այնպես էլ ձայնային հրահանգներով։ ԱԲ մոդուլը կգեներացնի պատասխաններ, ինչպես նաև լսողության խնդիրներ ունեցողների համար սովորական լեզուն կվերափոխի ժեստերի լեզվի: Ծրագիրը կգործարկվի երեք լեզվով, բայց ուշադրության կենտրոնում լինելու է հայերեն տարբերակը։«Չմոռանանք, որ Հայաստանում այս կամ այն տեսակի և աստիճանի հաշմանդամություն ունի մոտ 190 հազար մարդ։ Հույս ունենք, որ նման ուղեցույցը կհեշտացնի նրանց կյանքը, գուցե նույնիսկ կօգնի աշխատանք գտնել», - նշեց Սամարյանը։ԱԲ կենտրոնի հետ Հայաստանը կմտնի 1 շնչի հաշվով բարձր հզորության չիպերի համաշխարհային թոփ-10Այժմ ստարտափը բանակցություններ է վարում տաքսի ագրեգատորների հետ, որպեսզի ծրագրի օգտատերերի համար բացվի առանձին բաժին՝ «տաքսի հաշմանդամություն ունեցող անձանց համար» (նման մեքենաներ քաղաքում համեմատաբար քիչ են, բայց կան): Քարտեզի վրա նախատեսվում է նաև ցուցադրել նոր ավտոբուսներ՝ հետ քաշվող հարթակներով և հաշմանդամների համար նախատեսված տեղերով:Առայժմ ծրագրի նախնական՝ բետա տարբերակը ստարտափի հիմնադիրները փորձարկում են հաշմանդամություն ունեցող անձանց թվից մի խումբ ակտիվ օգտատերերի միջոցով։ Վերջնական տեսքով ծրագիրը մտադիր են թողարկել առաջիկա ամիսներին։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հաշմանդամ, անվասայլակ, ստարտափ, հավելված, արհեստական բանականություն
հաշմանդամ, անվասայլակ, ստարտափ, հավելված, արհեստական բանականություն
Հայաստանում հաշմանդամություն ունեցող անձանց համար կթողարկվի նոր ԱԲ-օգնական. Սամարյան
Ծրագիրը քարտեզի վրա կնշի հասարակական վայրերը (սրճարաններ, բանկեր, խանութներ և այլն), ինչպես նաև հաշմանդամություն ունեցող անձանց համար կահավորված տրանսպորտը:
Հայաստանում մտադիր են թողարկել արհեստական բանականության (ԱԲ) օգնականով հավելված, որը կօգնի հաշմանդամություն ունեցող մարդկանց տեղաշարժվել քաղաքում: Քարտեզի վրա կցուցադրվեն տեղաշարժման սահմանափակ հնարավորություններ ունեցող մարդկանց համար մատչելիության միջոցներով հագեցած բոլոր օբյեկտները՝ սրճարաններ, բանկեր, տրանսպորտի կանգառներ, զուգարաններ: Եթե խոսենք վերջիններիս մասին, ապա ամբողջ Երևանում կա ընդամենը չորսը,
Sputnik Արմենիային ասաց «Jack Bot» ստարտափի համահիմնադիր Ռուբեն Սամարյանը։
Նրա խոսքով՝ ստարտափն, իհարկե, ի զորու չէ կառուցել հաշմանդամություն ունեցող անձանց համար կահավորված նոր օբյեկտներ, բայց գոնե կարող է դրանք ցույց տալ քարտեզի վրա, հատկապես որ քաղաքում համապատասխան ցուցանակներ չկան:
Հիմնական տվյալները կներբեռնվեն քարտեզի վրա, ընդ որում ծրագիրը օգտատերերի հետադարձ կապ ստեղծելու համար տվյալներ կհավաքի։ Օրինակ, քաղաքում արդեն կան որոշակի քանակությամբ թեքահարթակներ, և դրանք կարող են քարտեզագրվել: Որոշները չափազանց նեղ են, մյուսներն ունեն չափազանց կտրուկ անկյուն՝ անվասայլակը կարող է հետ կամ կողքից ընկնել: Անցումներում կան անվասայլակների համար նախատեսված վերելակներ, սակայն պարզվում է՝ դրանց մի մասը կոտրված է։ Հաշմանդամների համար կայանման ցուցանակներ կան, բայց դրանք հաճախ զբաղեցնում են այլ մեքենաներ:
«Քաղաքում հաշմանդամների համար կան հարյուրավոր խոչընդոտներ, որոնք կողքից տեսանելի չեն։ Հաշմանդամ ընկերոջս հետ զբոսանքներից մեկի արդյունքում ծնվեց առցանց էկոհամակարգ ստեղծելու գաղափարը՝ օգնելու նրան և իր նմաններին: Դա կարող է զգալ նույնիսկ սովորական մարդը, ով, օրինակ, երեխային տանում է մանկասայլակով։ Հիշենք թեկուզ դեպի Խանջյան՝ Վերնիսաժի անցումը. թեքահարթակ կա, բայց այնքան նեղ է, որ սայլակ չի տեղավորվում այնտեղ։ Եվ այդպիսի վայրեր քաղաքում տասնյակներով են», - պատմում է Ռուբենը։
Օգտատերերը ծրագրում կկարողանան որոնումներն իրականացնել ինչպես գրավոր, այնպես էլ ձայնային հրահանգներով։ ԱԲ մոդուլը կգեներացնի պատասխաններ, ինչպես նաև լսողության խնդիրներ ունեցողների համար սովորական լեզուն կվերափոխի ժեստերի լեզվի: Ծրագիրը կգործարկվի երեք լեզվով, բայց ուշադրության կենտրոնում լինելու է հայերեն տարբերակը։
«Չմոռանանք, որ Հայաստանում այս կամ այն տեսակի և աստիճանի հաշմանդամություն ունի մոտ 190 հազար մարդ։ Հույս ունենք, որ նման ուղեցույցը կհեշտացնի նրանց կյանքը, գուցե նույնիսկ կօգնի աշխատանք գտնել», - նշեց Սամարյանը։
Այժմ ստարտափը բանակցություններ է վարում տաքսի ագրեգատորների հետ, որպեսզի ծրագրի օգտատերերի համար բացվի առանձին բաժին՝ «տաքսի հաշմանդամություն ունեցող անձանց համար» (նման մեքենաներ քաղաքում համեմատաբար քիչ են, բայց կան): Քարտեզի վրա նախատեսվում է նաև ցուցադրել նոր ավտոբուսներ՝ հետ քաշվող հարթակներով և հաշմանդամների համար նախատեսված տեղերով:
Առայժմ ծրագրի նախնական՝ բետա տարբերակը ստարտափի հիմնադիրները փորձարկում են հաշմանդամություն ունեցող անձանց թվից մի խումբ ակտիվ օգտատերերի միջոցով։ Վերջնական տեսքով ծրագիրը մտադիր են թողարկել առաջիկա ամիսներին։
