https://arm.sputniknews.ru/20250714/diana-gasparjani-amusnu-gazalcakajanum-katarvats-spanutjuny-pvordzel-en-kvotskel-91307837.html
Դիանա Գասպարյանի ամուսնու գազալցակայանում կատարված սպանությունը փորձել են կոծկել
Դիանա Գասպարյանի ամուսնու գազալցակայանում կատարված սպանությունը փորձել են կոծկել
Sputnik Արմենիա
Հերթափոխի պետը գազալիցքավորողին հրահանգել է ջրով լվանալ արյան հետքերը, հավաքել և կրակոցների հետևանքով թափված պարկուճները նետել զուգարանակոնքը։ 14.07.2025, Sputnik Արմենիա
2025-07-14T13:21+0400
2025-07-14T13:21+0400
2025-07-14T13:21+0400
հայաստան
դիանա գասպարյան
հհ քննչական կոմիտե
գազալցակայան
սպանություն
https://cdn.am.sputniknews.ru/img/1187/25/11872504_0:55:1000:618_1920x0_80_0_0_3d0298acfc93b6f04476d68e6e5c0e07.jpg
ԵՐԵՎԱՆ, 14 հուլիսի – Sputnik․ Արմավիրի մարզում գործող գազալցակայանում տեղի ունեցած սպանության դեպքից հետո գազալցակայանի 2 աշխատակից կատարել է հանցագործությունների պարտակում: Այս մասին հաղորդագրություն է տարածել ՀՀ քննչական կոմիտեն։Գազալցակայանի հերթափոխի պետի նկատմամբ հանրային քրեական հետապնդում է հարուցվել Քրեական օրենսգրքի 46-474-րդ հոդվածի 1-ին մասով (հանցանք կատարած անձին աջակցելը կազմակերպելը), գազալիցքավորողի նկատմամբ՝ 474-րդ հոդվածի 1-ին մասով (հանցանք կատարած անձին աջակցելը):Այս տարվա մարտի 22-ին հայտնի դարձավ, որ Դիանա Գասպարյանի ամուսնուն պատկանող գազալցակայանում կրակոց է հնչել, 36-ամյա տղամարդ է մահացել։ Ըստ ԶԼՄ-ների՝ իրավապահները սպանության գործով փնտրում են Արմավիրի մարզում «ՃԱՊ» մականունով հայտնի 33-ամյա Կարեն Բադալյանին (ՔԿ հաղորդագրության մեջ նշված է Կ․Բ․)։ Ըստ տեղեկությունների՝ մարտի 25-ին կատարված սպանության գործով իրավապահները խուզարկություն են կատարել Դիանա Գասպարյանի տանը։Մայիսի 15-ին Դիանա Գասպարյանը հայտարարություն տարածեց, որ պատրաստվում է հրաժարականի դիմում ներկայացնել։ Հաջորդ օրը ԶԼՄ-ներում տեղեկություններ տարածվեցին, որ Գասպարյանի ամուսնուն կարող են ձերբակալել՝ նրա անվան հետ կապված աղմկահարույց պատմության պատճառով։Հավելենք, որ Դիանա Գասպարյանի ամուսինը Վաղարշապատի ավագանու «Քաղաքացիական պայմանագիր» խմբակցության անդամ էր։ Նրանց ընտանիքը նախկինում ևս հայտնվել էր սկանդալների կենտրոնում։ Դեռ 2023 թվականին լրատվամիջոցները գրում էին, որ Դիանա Գասպարյանի սկեսուրը Վաղարշապատում ապօրինի շինարարությամբ է զբաղվում։ Այն ժամանակ ևս Հակակոռուպցիոն կոմիտեում նախաձեռնվել էր վարույթ, Դիանա Գասպարյանը հարցաքննվել էր։ Մարտին հայտնի դարձավ նաև, որ Վաղարշապատի համայնքապետը 13,6 մլն դրամի գնման պայմանագիր է կնքել իր սկեսրայրի՝ Աշոտ Միրզոյանի հետ, և այդ փաստով Կոռուպցիայի կանխարգելման հանձնաժողովը վարչական իրավախախտման վերաբերյալ վարույթ է հարուցել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դիանա գասպարյան, հհ քննչական կոմիտե, գազալցակայան, սպանություն
հայաստան, դիանա գասպարյան, հհ քննչական կոմիտե, գազալցակայան, սպանություն
Դիանա Գասպարյանի ամուսնու գազալցակայանում կատարված սպանությունը փորձել են կոծկել
Հերթափոխի պետը գազալիցքավորողին հրահանգել է ջրով լվանալ արյան հետքերը, հավաքել և կրակոցների հետևանքով թափված պարկուճները նետել զուգարանակոնքը։
ԵՐԵՎԱՆ, 14 հուլիսի – Sputnik․ Արմավիրի մարզում գործող գազալցակայանում տեղի ունեցած սպանության դեպքից հետո գազալցակայանի 2 աշխատակից կատարել է հանցագործությունների պարտակում: Այս մասին հաղորդագրություն է տարածել
ՀՀ քննչական կոմիտեն։
«Գազալցակայանի հերթափոխի պետը սպանություն կատարած անձի բացահայտմանը խոչընդոտելու նպատակով գազալիցքավորողին հրահանգել է ջրով լվանալ գազալցակայանի տարածքում թափված արյան հետքերը, հավաքել և զուգարանակոնքը նետել կրակոցների արդյունքում տարածքում թափված պարկուճները, այնուհետև կրկին լվանալ արյան հետքերը՝ այդկերպ կազմակերպելով և ղեկավարելով գազալիցքավորողի կողմից Կ.Բ.-ի կատարած հանցագործությունների պարտակումը»,- նշված է հաղորդագրության մեջ։
Գազալցակայանի հերթափոխի պետի նկատմամբ հանրային քրեական հետապնդում է հարուցվել Քրեական օրենսգրքի 46-474-րդ հոդվածի 1-ին մասով (հանցանք կատարած անձին աջակցելը կազմակերպելը), գազալիցքավորողի նկատմամբ՝ 474-րդ հոդվածի 1-ին մասով (հանցանք կատարած անձին աջակցելը):
Թեպետ ՀՀ քննչական կոմիտեն որևէ մանրամասներ չի հայտնել ո՛չ կատարված սպանության ժամանակահատվածի, ո՛չ էլ գազալցակայանի՝ գտնվելու վայրի վերաբերյալ, սակայն, համադրելով հաղորդագրության մեջ հրապարակված տվյալները, պարզ է դառնում, որ խոսքը Վաղարշապատի նախկին համայնքապետ Դիանա Գասպարյանի ամուսնուն պատկանող գազալցակայանի մասին է։
Այս տարվա մարտի 22-ին հայտնի դարձավ, որ Դիանա Գասպարյանի ամուսնուն պատկանող գազալցակայանում
կրակոց է հնչել, 36-ամյա տղամարդ է մահացել։ Ըստ ԶԼՄ-ների՝ իրավապահները սպանության գործով փնտրում են Արմավիրի մարզում «ՃԱՊ» մականունով հայտնի 33-ամյա Կարեն Բադալյանին (ՔԿ հաղորդագրության մեջ նշված է Կ․Բ․)։ Ըստ տեղեկությունների՝ մարտի 25-ին կատարված սպանության գործով իրավապահները խուզարկություն են կատարել Դիանա Գասպարյանի տանը։
Մայիսի 15-ին Դիանա Գասպարյանը հայտարարություն տարածեց, որ
պատրաստվում է հրաժարականի դիմում ներկայացնել։ Հաջորդ օրը ԶԼՄ-ներում տեղեկություններ տարածվեցին, որ Գասպարյանի ամուսնուն կարող են ձերբակալել՝ նրա անվան հետ կապված աղմկահարույց պատմության պատճառով։
Հավելենք, որ Դիանա Գասպարյանի ամուսինը Վաղարշապատի ավագանու «Քաղաքացիական պայմանագիր» խմբակցության անդամ էր։ Նրանց ընտանիքը նախկինում ևս հայտնվել էր սկանդալների կենտրոնում։ Դեռ 2023 թվականին լրատվամիջոցները գրում էին, որ Դիանա Գասպարյանի սկեսուրը Վաղարշապատում ապօրինի շինարարությամբ է զբաղվում։ Այն ժամանակ ևս Հակակոռուպցիոն կոմիտեում նախաձեռնվել էր վարույթ, Դիանա Գասպարյանը հարցաքննվել էր։ Մարտին հայտնի դարձավ նաև, որ Վաղարշապատի համայնքապետը 13,6 մլն դրամի գնման պայմանագիր է կնքել իր սկեսրայրի՝ Աշոտ Միրզոյանի հետ, և այդ փաստով Կոռուպցիայի կանխարգելման հանձնաժողովը վարչական իրավախախտման վերաբերյալ վարույթ է հարուցել։
