Ռուսաստանը ողջունում է Հայաստանի և Ադրբեջանի ուղիղ երկխոսությունը Աբու Դաբիում. Պեսկով
14:15 10.07.2025 (Թարմացված է: 14:17 10.07.2025)
© Sputnik / Илья Питалев
Բաժանորդագրվել
Կրեմլը կարծում է, որ նման պայմանագրի ստորագրումն ինքնին շատ կարևոր գործոն կդառնա։
ԵՐԵՎԱՆ, 10 հուլիսի – Sputnik. Հայաստանի և Ադրբեջանի միջև խաղաղության պայմանագրի ստորագրումը կօգնի տարածաշրջանում կայունության հաստատմանը. Ռուսաստանն աջակցում է այդ գործընթացին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։ Նրա խոսքերը մեջբերում է ՌԻԱ Նովոստին։
«Մենք բազմիցս տարբեր մակարդակներում ասել ենք, որ կողջունենք խաղաղության պայմանագրի հնարավորինս շուտ ստորագրումը։ Նման պայմանագրի ստորագրում ինքնին շատ կարևոր գործոն կլինի, որը թույլ կտա կանխատեսելիություն, կայունություն և խաղաղություն հաստատել տարածաշրջանում։ Մենք ամբողջությամբ աջակցում ենք այդ գործընթացին», – լրագրողներին ասել է Պեսկովը՝ պատասխանելով այն հարցին, թե ինչպես է Կրեմլը գնահատում այն փաստը, որ Բաքվում և Երևանում բանակցային գործընթացը հնարավորինս մոտեցել է խաղաղության պայմանագրի ստորագրմանը։
Աբու Դաբիում այսօր տեղի է ունենում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։
