https://arm.sputniknews.ru/20250624/stanislavsku-anvan-tatrvony-masnakcel-e-chekhvovi-paratvonin-shahverdjany-manramasner-patmec-90567200.html
Ստանիսլավսկու անվան թատրոնը մասնակցել է «Չեխովի» փառատոնին. Շահվերդյանը մանրամասներ պատմեց
Ստանիսլավսկու անվան թատրոնը մասնակցել է «Չեխովի» փառատոնին. Շահվերդյանը մանրամասներ պատմեց
Sputnik Արմենիա
Թատրոնի տնօրենի խոսքով` ներկայացման գլխավոր ուղերձը հետևյալն էր` «Պարոնայք, մենք բոլորս Աստծո աչքի ներքո ենք», այսինքն` երբ քայլ ենք կատարում, երկար պետք է... 24.06.2025, Sputnik Արմենիա
2025-06-24T13:52+0400
2025-06-24T13:52+0400
2025-06-24T14:43+0400
ստանիսլավսկու անվան ռուսական դրամատիկական թատրոն
մոսկվա
փառատոն
https://cdn.am.sputniknews.ru/img/1948/91/19489157_0:85:1600:985_1920x0_80_0_0_dafca06c58a8512d69a315e912d8fe45.jpg
ԵՐԵՎԱՆ, 24 հունիսի – Sputnik. Ստանիսլավսկու անվան ռուսական դրամատիկական թատրոնի ստեղծագործական կազմը մեծ տպավորություններով է վերադարձել Մոսկվայում մեկնարկած «Չեխովի» անվան միջազգային թատերական փառատոնից։ Այդ մասին այսօր լրագրողների հետ հանդիպմանն ասաց թատրոնի տնօրեն Սուրեն Շահվերդյանը։Շահվերդյանը պատմեց, որ փառատոնի 12 օրերում Ռուսաստանի տարբեր քաղաքներում ներկայացրել են Իվան Գոնչարովի «Սովորական պատմություն» վեպի հիման վրա բեմադրած «Փող, կիրք, իշխանություն» ներկայացումը։Նրա խոսքով` ներկայացման գլխավոր ուղերձը հետևյալն էր` «Պարոնայք, մենք բոլորս Աստծո աչքի ներքո ենք», այսինքն` երբ քայլ ենք կատարում, երկար պետք է մտածենք` արդյոք ճի՞շտ ենք վարվում, թե՞ ոչ, արդյոք պե՞տք է գնալ այնտեղ, ուր գնում ենք։«Բոլոր ժամանակներում, ցավոք, ամեն ինչ պտտվում է փողի, իշխանության, կրքի շուրջ, և այդ ամենի մասին մենք խոսում ենք ներկայացման մեջ։ Ներկայացումը շատ դաստիարակչական ուղղվածություն ունի հատկապես երիտասարդության համար. այն նայելիս երիտասարդները կտեսնեն ու կհասկանան` ինչ ճակատագիր է ունենում երիտասարդ տղան, որը գավառից գալիս է մայրաքաղաք։ Վստահաբար, նրանց մեջ ինչ–որ բան կփոխվի։ Այսինքն` ստոր քայլեր անելիս, պետք է հասկանալ, որ դրա պատասխանը մի օր ստանալու ենք, եթե ոչ մենք, ապա մեր երեխաներն ու թոռները»,– նշեց Շահվերդյանը։Ի դեպ, այս ներկայացումը ՀՀ–ում ևս բարձր գնահատականի է արժանացել. այս տարի այն «Արտավազդ» մրցանակաբաշխությունից 3 մրցանակ է ստացել` լավագույն ռեժիսուրա, լավագույն սցենար, լավագույն 2–րդ պլանի դերակատար անվանակարգերում։Նշենք, որ Ա. Պ. Չեխովի անվան XVII միջազգային թատերական փառատոնն այս տարի մեկնարկել է մայիսի 27–ից և կտևի մինչև հուլիսի 25-ը։
մոսկվա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ստանիսլավսկու անվան ռուսական դրամատիկական թատրոն, մոսկվա, փառատոն
ստանիսլավսկու անվան ռուսական դրամատիկական թատրոն, մոսկվա, փառատոն
Ստանիսլավսկու անվան թատրոնը մասնակցել է «Չեխովի» փառատոնին. Շահվերդյանը մանրամասներ պատմեց
13:52 24.06.2025 (Թարմացված է: 14:43 24.06.2025) Թատրոնի տնօրենի խոսքով` ներկայացման գլխավոր ուղերձը հետևյալն էր` «Պարոնայք, մենք բոլորս Աստծո աչքի ներքո ենք», այսինքն` երբ քայլ ենք կատարում, երկար պետք է մտածենք` արդյոք ճի՞շտ ենք վարվում, թե՞ ոչ։
ԵՐԵՎԱՆ, 24 հունիսի – Sputnik. Ստանիսլավսկու անվան ռուսական դրամատիկական թատրոնի ստեղծագործական կազմը մեծ տպավորություններով է վերադարձել Մոսկվայում մեկնարկած «Չեխովի» անվան միջազգային թատերական փառատոնից։ Այդ մասին այսօր լրագրողների հետ հանդիպմանն ասաց թատրոնի տնօրեն Սուրեն Շահվերդյանը։
Շահվերդյանը պատմեց, որ փառատոնի 12 օրերում Ռուսաստանի տարբեր քաղաքներում ներկայացրել են Իվան Գոնչարովի «Սովորական պատմություն» վեպի հիման վրա բեմադրած «Փող, կիրք, իշխանություն» ներկայացումը։
«Ստեղծագործությունը գրվել է 150 տարի առաջ, սակայն այն արդիական է նաև այսօր։ Դասական տեքստերին իմ մոտեցումը միշտ հետևյալն է` արդիականացնել ու հերոսներին տեղափոխել այն ժամանակաշրջան, որտեղ մենք ենք ապրում։ Փառատոնի շրջանակում ներկայացման մասին կարծիքները շատ դրական էին, շատ լավ ընդունեցին մեզ»,– նշեց Շահվերդյանը։
Նրա խոսքով` ներկայացման գլխավոր ուղերձը հետևյալն էր` «Պարոնայք, մենք բոլորս Աստծո աչքի ներքո ենք», այսինքն` երբ քայլ ենք կատարում, երկար պետք է մտածենք` արդյոք ճի՞շտ ենք վարվում, թե՞ ոչ, արդյոք պե՞տք է գնալ այնտեղ, ուր գնում ենք։
«Բոլոր ժամանակներում, ցավոք, ամեն ինչ պտտվում է փողի, իշխանության, կրքի շուրջ, և այդ ամենի մասին մենք խոսում ենք ներկայացման մեջ։ Ներկայացումը շատ դաստիարակչական ուղղվածություն ունի հատկապես երիտասարդության համար. այն նայելիս երիտասարդները կտեսնեն ու կհասկանան` ինչ ճակատագիր է ունենում երիտասարդ տղան, որը գավառից գալիս է մայրաքաղաք։ Վստահաբար, նրանց մեջ ինչ–որ բան կփոխվի։ Այսինքն` ստոր քայլեր անելիս, պետք է հասկանալ, որ դրա պատասխանը մի օր ստանալու ենք, եթե ոչ մենք, ապա մեր երեխաներն ու թոռները»,– նշեց Շահվերդյանը։
Թատրոնի տնօրենի խորհրդական, նախագծի ղեկավար Մարիաննա Մխիթարյանն իր հերթին ասաց, որ «Փող, կիրք, իշխանություն» ներկայացման համար թատրոնն արդեն 3–րդ տարին է` ֆինանսավորում է ստանում «Ռուսկիե սեզոնի» կազմակերպության կողմից, իսկ փառատոնին կարողացել են մասնակցել ՀՀ ԿԳՄՍ նախարարության աջակցությամբ։ Թատրոնին աջակցել է նաև ՌԴ–ում ՀՀ դեսպանությունը։
Ի դեպ, այս ներկայացումը ՀՀ–ում ևս բարձր գնահատականի է արժանացել. այս տարի այն «Արտավազդ» մրցանակաբաշխությունից 3 մրցանակ է ստացել` լավագույն ռեժիսուրա, լավագույն սցենար, լավագույն 2–րդ պլանի դերակատար անվանակարգերում։
Նշենք, որ Ա. Պ. Չեխովի անվան XVII միջազգային թատերական փառատոնն այս տարի մեկնարկել է մայիսի 27–ից և կտևի մինչև հուլիսի 25-ը։
