https://arm.sputniknews.ru/20250618/hangecnelu-e-sakagneri-atshi-pvordzagety-hecn-azgajanacnelu-hetevanqneri-masin-90293895.html
Հանգեցնելու է սակագների աճի. փորձագետը` ՀԷՑ–ն ազգայնացնելու հետևանքների մասին
Հանգեցնելու է սակագների աճի. փորձագետը` ՀԷՑ–ն ազգայնացնելու հետևանքների մասին
Sputnik Արմենիա
Փորձագետը վստահեցնում է, որ ՀՀ էներգետիկ համակարգը պարզապես չի կարող դուրս գալ եկամտաբերության այնպիսի մակարդակի, որպեսզի սեփական ուժերով սպասարկի վարկերը։ 18.06.2025, Sputnik Արմենիա
2025-06-18T15:04+0400
2025-06-18T15:04+0400
2025-06-18T17:23+0400
հայաստան
հայաստանի էլեկտրական ցանցեր (հէց)
սամվել կարապետյան
սակագին
վահե դավթյան
https://cdn.am.sputniknews.ru/img/2086/74/20867477_0:0:1600:901_1920x0_80_0_0_c301fa71fa1f92ddf89064dccd3e8d16.jpg
ԵՐԵՎԱՆ, 18 հունիսի – Sputnik. «Հայաստանի էլեկտրական ցանցեր» ընկերության հնարավոր պետականացումն առավել քան հակասում է էլեկտրաէներգետիկ շուկայի ազատականացման քաղաքականությանը, որը որդեգրել է գործող իշխանությունը։ Telegram–ում այս մասին գրել է քաղաքական գիտությունների դոկտոր, էներգետիկ անվտանգության հարցերով փորձագետ Վահե Դավթյանը։«Ավելին` ազատականացմանն է հակասում նույնիսկ պետականացման մասին որևէ հիշատակում, առավել ևս` քաղաքական համատեքստում։ Սա հերթական անգամ վկայում է այն մասին, որ Հայաստանի կառավարումն իրականացվում է հակահամակարգային «ручной режим»-ով»,– նշել է նա։Դավթյանի խոսքով` ինչպես ցանկացած խոշոր ենթակառուցվածքային ընկերություն, ՀԷՑ–ը ևս առանձնանում է բազմաթիվ խնդիրներով։Նա հարց է տվել` ինչպե՞ս է կառավարությունն իրականացնելու համակարգի պերմանենտ մոդեռնիզացման համար անհրաժեշտ ներդրումային ծրագիրը։«Իհարկե, միջազգային ինստիտուտներից վարկային միջոցների ներգրավման ճանապարհով։ Դա հանգեցնելու է պետական պարտքի աճի, որը սպասարկելու համար կառավարությունը ստիպված է լինելու բարձրացնել սակագները»,– պարզաբանել է Դավթյանը։Փորձագետն ընդգծել է` Հայաստանում էլեկտրաէներգիայի սպառման համեստ ցուցանիշների, առևտրի ու ծառայությունների վրա խարսխված հակաինդուստրիալ տնտեսության, էլեկտրաէներգիայի արտահանման հետզհետե կրճատվող հնարավորությունների պայմաններում երկրի էներգետիկ համակարգը պարզապես ի վիճակի չէ դուրս գալու եկամտաբերության այնպիսի մակարդակի, որպեսզի սեփական ուժերով սպասարկի այդ վարկերը։«Այսպիսով, տեղի ունեցողն իր մեջ էներգետիկ, տնտեսական և ավելի լայն` ազգային անվտանգության ռիսկեր է պարունակում»,– եզրափակել է նա։Հիշեցնենք` «Հայաստանի էլեկտրական ցանցեր» ՓԲԸ-ի սեփականատերը հայտնի գործարար Սամվել Կարապետյանն է, որի տանը հունիսի 17-ին խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա:Կարապետյանի հայտարարությունից հետո ՀՀ վարչապետ Նիկոլ Փաշինյանը Սամվել Կարապետյանին ուղղված վիրավորական և սպառնալի գրառումներ արեց սոցցանցերում։Գործարարի` Երևանում գտնվող տան մոտից տասնյակ մարդիկ տեղափոխվեցին ոստիկանական բաժանմունք։ Արդեն կեսգիշերն անց ՆԳՆ տեղափոխվեցին Սամվել և Կարեն Կարապետյան եղբայրները։ Կարեն Կարապետյանը մի քանի ժամ անց դուրս եկավ Կազմակերպված հանցավորության դեմ պայքարի գլխավոր վարչության (6-րդ վարչություն) շենքից, իսկ Սամվել Կարապետյանը տեղափոխվեց ՔԿ, այնտեղից էլ` դատարան։Ըստ ՔԿ–ի պաշտոնական հաղորդագրության` 422-րդ հոդվածի 2-րդ մասով նախաձեռնվել է քրեական վարույթ այն կապակցությամբ, որ Սամվել Կարապետյանը զանգվածային լրատվության միջոցով հարցազրույց տալու ընթացքում հնչեցրել է իշխանությունը զավթելուն՝ ՀՀ սահմանադրությամբ չնախատեսված եղանակով ՀՀ կառավարության լիազորություններին տիրանալուն ուղղված հրապարակային կոչ: Հունիսի 18-ին նա ձերբակալվել է, նրա նկատմամբ կալանք կիրառելու միջնորդություն է ներկայացվել դատարան։Փաշինյանն այսօր հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի), և դա տեղի կունենա արագ։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հայաստանի էլեկտրական ցանցեր (հէց), սամվել կարապետյան, սակագին, վահե դավթյան
հայաստան, հայաստանի էլեկտրական ցանցեր (հէց), սամվել կարապետյան, սակագին, վահե դավթյան
Հանգեցնելու է սակագների աճի. փորձագետը` ՀԷՑ–ն ազգայնացնելու հետևանքների մասին
15:04 18.06.2025 (Թարմացված է: 17:23 18.06.2025) Փորձագետը վստահեցնում է, որ ՀՀ էներգետիկ համակարգը պարզապես չի կարող դուրս գալ եկամտաբերության այնպիսի մակարդակի, որպեսզի սեփական ուժերով սպասարկի վարկերը։
ԵՐԵՎԱՆ, 18 հունիսի – Sputnik. «Հայաստանի էլեկտրական ցանցեր» ընկերության հնարավոր պետականացումն առավել քան հակասում է էլեկտրաէներգետիկ շուկայի ազատականացման քաղաքականությանը, որը որդեգրել է գործող իշխանությունը։ Telegram–ում այս մասին գրել է քաղաքական գիտությունների դոկտոր, էներգետիկ անվտանգության հարցերով փորձագետ Վահե Դավթյանը։
«Ավելին` ազատականացմանն է հակասում նույնիսկ պետականացման մասին որևէ հիշատակում, առավել ևս` քաղաքական համատեքստում։ Սա հերթական անգամ վկայում է այն մասին, որ Հայաստանի կառավարումն իրականացվում է հակահամակարգային «ручной режим»-ով»,– նշել է նա։
Դավթյանի խոսքով` ինչպես ցանկացած խոշոր ենթակառուցվածքային ընկերություն, ՀԷՑ–ը ևս առանձնանում է բազմաթիվ խնդիրներով։
«Սակայն անթույլատրելի եմ համարում երկրի էներգետիկ անվտանգության առանցքային ինստիտուտներից մեկը քաղաքական կոնյուկտուրային նպատակներով օգտագործելը։ Միաժամանակ ակնհայտ է, որ ընկերության հնարավոր պետականացումը հանգեցնելու է Հայաստանում սակագների աճի»,– ընդգծել է փորձագետը։
Նա հարց է տվել` ինչպե՞ս է կառավարությունն իրականացնելու համակարգի պերմանենտ մոդեռնիզացման համար անհրաժեշտ ներդրումային ծրագիրը։
«Իհարկե, միջազգային ինստիտուտներից վարկային միջոցների ներգրավման ճանապարհով։ Դա հանգեցնելու է պետական պարտքի աճի, որը սպասարկելու համար կառավարությունը ստիպված է լինելու բարձրացնել սակագները»,– պարզաբանել է Դավթյանը։
Փորձագետն ընդգծել է` Հայաստանում էլեկտրաէներգիայի սպառման համեստ ցուցանիշների, առևտրի ու ծառայությունների վրա խարսխված հակաինդուստրիալ տնտեսության, էլեկտրաէներգիայի արտահանման հետզհետե կրճատվող հնարավորությունների պայմաններում երկրի էներգետիկ համակարգը պարզապես ի վիճակի չէ դուրս գալու եկամտաբերության այնպիսի մակարդակի, որպեսզի սեփական ուժերով սպասարկի այդ վարկերը։
«Այսպիսով, տեղի ունեցողն իր մեջ էներգետիկ, տնտեսական և ավելի լայն` ազգային անվտանգության ռիսկեր է պարունակում»,– եզրափակել է նա։
Հիշեցնենք` «Հայաստանի էլեկտրական ցանցեր» ՓԲԸ-ի սեփականատերը հայտնի գործարար Սամվել Կարապետյանն է, որի տանը հունիսի 17-ին
խուզարկություն իրականացվեց այն բանից հետո, երբ նա հրապարակավ
աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա:
Կարապետյանի հայտարարությունից հետո ՀՀ վարչապետ Նիկոլ Փաշինյանը Սամվել Կարապետյանին ուղղված վիրավորական և սպառնալի գրառումներ արեց սոցցանցերում։
Գործարարի` Երևանում գտնվող տան մոտից տասնյակ մարդիկ
տեղափոխվեցին ոստիկանական բաժանմունք։ Արդեն կեսգիշերն անց
ՆԳՆ տեղափոխվեցին Սամվել և Կարեն Կարապետյան եղբայրները։ Կարեն Կարապետյանը մի քանի ժամ անց
դուրս եկավ Կազմակերպված հանցավորության դեմ պայքարի գլխավոր վարչության (6-րդ վարչություն) շենքից, իսկ Սամվել Կարապետյանը տեղափոխվեց ՔԿ, այնտեղից էլ` դատարան։
Ըստ ՔԿ–ի պաշտոնական հաղորդագրության` 422-րդ հոդվածի 2-րդ մասով նախաձեռնվել է քրեական վարույթ այն կապակցությամբ, որ Սամվել Կարապետյանը զանգվածային լրատվության միջոցով հարցազրույց տալու ընթացքում հնչեցրել է իշխանությունը զավթելուն՝ ՀՀ սահմանադրությամբ չնախատեսված եղանակով ՀՀ կառավարության լիազորություններին տիրանալուն ուղղված հրապարակային կոչ: Հունիսի 18-ին նա ձերբակալվել է, նրա նկատմամբ կալանք կիրառելու միջնորդություն է ներկայացվել դատարան։
Փաշինյանն այսօր
հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի), և դա տեղի կունենա արագ։
