https://arm.sputniknews.ru/20250612/rd-i-u-hh-i-mvotecumnery-voch-misht-en-hamynknum-bajc-azniv-erkkhvosutjun-ka-kvopirkin-90048441.html
ՌԴ-ի ու ՀՀ-ի մոտեցումները ոչ միշտ են համընկնում, բայց ազնիվ երկխոսություն կա. Կոպիրկին
ՌԴ-ի ու ՀՀ-ի մոտեցումները ոչ միշտ են համընկնում, բայց ազնիվ երկխոսություն կա. Կոպիրկին
Sputnik Արմենիա
Հայաստանի հետ Ռուսաստանի հարաբերությունները, Կոպիրկինի խոսքով, հասուն ռազմավարական գործընկերության և դաշնակցային հարաբերությունների օրինակ են: 12.06.2025, Sputnik Արմենիա
2025-06-12T21:40+0400
2025-06-12T21:40+0400
2025-06-12T21:53+0400
սերգեյ կոպիրկին
ռուսաստան
հայաստան
հայաստան-ռուսաստան համագործակցություն
https://cdn.am.sputniknews.ru/img/07e9/06/0c/90044426_0:0:1600:901_1920x0_80_0_0_26e2876f7294ba4f7d0b8d767ae4f3e5.jpg
ԵՐԵՎԱՆ, 12 հունիսի - Sputnik. Ռուսաստանի և Հայաստանի մոտեցումները միշտ չէ, որ համընկնում են, բայց նրանց միջև ազնիվ երկխոսություն է ընթանում, ասել է Հայաստանում ՌԴ դեսպան Սերգեյ Կոպիրկինը Ռուսաստանի օրվան նվիրված միջոցառման ժամանակ:Դիվանագետի խոսքով՝ Հայաստանի հետ Ռուսաստանի հարաբերությունները հասուն ռազմավարական գործընկերության և դաշնակցային հարաբերությունների օրինակ են՝ հիմնված պատմական մտերմության և ժողովուրդների դարավոր կապերի վրա, ինչպես նաև միջպետական բազմակողմ փոխգործակցության օրինակ:Դիվանագետի կարծիքով՝ հատկապես կարևոր է, որ փոխադարձ առևտրի 96%-ն իրականացվում է ազգային արժույթներով: Առևտրատնտեսական հարաբերությունների դինամիկայում վճռորոշ ներդրում ունի համագործակցությունը Եվրասիական տնտեսական միության շրջանակներում։Բացի այդ, երկրներն ավանդաբար հատուկ ուշադրություն են դարձնում մշակութային և հումանիտար փոխգործակցության զարգացմանը, կրթական և գիտական համագործակցության վրա: Այս տարվա հոկտեմբերին Մոսկվայում Հայաստանի մշակույթի օրեր կանցկացվեն։Նա հիշեցրել է, որ այս տարի երկրները նշում են հանրապետության տարածքում ռուսական ռազմակայանի մասին պայմանագրի ստորագրման 30-ամյակը և Ռուս-Հայկական մարդասիրական արձագանքման կենտրոնի ստեղծման տասնամյակը: Ռուս սահմանապահները հայ գործընկերների հետ համատեղ պատվով են կատարում ՀՀ սահմանի հայ-թուրքական և հայ-իրանական հատվածների պահպանության խնդիրները:Մոսկվան նաև պատրաստ է օգնել Երևանի և Բաքվի միջև խաղաղ գործընթացին։«Մենք պատրաստ ենք ջանքեր գործադրել 2020-2022 թվականներին ձեռք բերված եռակողմ բարձր մակարդակի պայմանավորվածությունների հիման վրա հայ-ադրբեջանական հարաբերությունների կարգավորումն առաջ մղելու համար։ Ողջունում ենք խաղաղության պայմանագրի նախագծի համաձայնեցման ավարտը և առաջարկում ենք դրա ստորագրման արարողությունը կազմակերպել ռուսական հարթակում։ Պատրաստ ենք նպաստել տարածաշրջանում տրանսպորտային և տնտեսական կապերի ապաշրջափակմանը, հայ-ադրբեջանական սահմանի սահմանազատմանը և մյուս հումանիտար խնդիրների լուծմանը»,-նշել է դեսպանը։Իր հերթին ՀՀ փոխվարչապետ Մհեր Գրիգորյանը նշել է, որ համեմատաբար կարճ պատմական ժամանակահատվածում համատեղ ջանքերի շնորհիվ Հայաստանի և Ռուսաստանի միջև միջպետական հարաբերությունները դինամիկ զարգանում են իրավահավասարության և փոխադարձ հարգանքի ամուր սկզբունքների հիման վրա:«Կարող ենք փաստել, որ Հայաստանն ու Ռուսաստանը, կենտրոնանալով երկարաժամկետ փոխշահավետ համագործակցության վրա, միտված են շարունակել բովանդակալից և կառուցողական երկխոսությունը քաղաքական, սոցիալ-տնտեսական, հումանիտար և այլ ոլորտներում»,-ասել է Գրիգորյանը:Նա նշել է, որ միջազգային տնտեսության աճող տուրբուլենտության պայմաններում կողմերը հաջողությամբ համագործակցում են, այդ թվում՝ միջազգային հարթակներում: Փոխվարչապետը վստահություն է հայտնել, որ երկրների միջև կառուցողական երկխոսությունը կշարունակի ակտիվորեն զարգանալ՝ նպաստելով մեր բարեկամ ժողովուրդների և երկրների միջև բազմակողմ կապերի ու համագործակցության ամրապնդմանն ու ընդլայնմանը:Ավելի վաղ ՀՀ վարչապետ Նիկոլ Փաշինյանը շնորհավորական ուղերձներ էր հղել Ռուսաստանի նախագահ Վլադիմիր Պուտինին և վարչապետ Միխայիլ Միշուստինին, իսկ ՀՀ նախագահ Վահագն Խաչատուրյանն այցելել էր ՌԴ դեսպանատուն։Ռուսաստանի օրը պետական տոն է, որն ամեն տարի պաշտոնապես նշվում է հունիսի 12-ին։ Այն սկսել են նշել ավելի քան 30 տարի առաջ՝ 1990 թվականին պետական ինքնիշխանության մասին Հռչակագրի ընդունումից հետո։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սերգեյ կոպիրկին, ռուսաստան, հայաստան, հայաստան-ռուսաստան համագործակցություն
սերգեյ կոպիրկին, ռուսաստան, հայաստան, հայաստան-ռուսաստան համագործակցություն
ՌԴ-ի ու ՀՀ-ի մոտեցումները ոչ միշտ են համընկնում, բայց ազնիվ երկխոսություն կա. Կոպիրկին
21:40 12.06.2025 (Թարմացված է: 21:53 12.06.2025) Հայաստանի հետ Ռուսաստանի հարաբերությունները, Կոպիրկինի խոսքով, հասուն ռազմավարական գործընկերության և դաշնակցային հարաբերությունների օրինակ են:
ԵՐԵՎԱՆ, 12 հունիսի - Sputnik. Ռուսաստանի և Հայաստանի մոտեցումները միշտ չէ, որ համընկնում են, բայց նրանց միջև ազնիվ երկխոսություն է ընթանում, ասել է Հայաստանում ՌԴ դեսպան Սերգեյ Կոպիրկինը Ռուսաստանի օրվան նվիրված միջոցառման ժամանակ:
Դիվանագետի խոսքով՝ Հայաստանի հետ Ռուսաստանի հարաբերությունները հասուն ռազմավարական գործընկերության և դաշնակցային հարաբերությունների օրինակ են՝ հիմնված պատմական մտերմության և ժողովուրդների դարավոր կապերի վրա, ինչպես նաև միջպետական բազմակողմ փոխգործակցության օրինակ:
«Ընթացիկ տարվա առաջին կիսամյակում երկկողմ շփումների կայուն դինամիկան ինքնին խոսուն է։ Ռուսաստանը պահպանում է Հայաստանի հիմնական առևտրային գործընկերոջ և ներդրողի դերը։ Ռուսաստանի տնտեսական օպերատորները պետական բյուջեի առանցքային հարկատուներն են, բարեխիղճ գործատուներ ու բարերարներ»,-ասել է դեսպանը։
Դիվանագետի կարծիքով՝ հատկապես կարևոր է, որ փոխադարձ առևտրի 96%-ն իրականացվում է ազգային արժույթներով: Առևտրատնտեսական հարաբերությունների դինամիկայում վճռորոշ ներդրում ունի համագործակցությունը Եվրասիական տնտեսական միության շրջանակներում։
Բացի այդ, երկրներն ավանդաբար հատուկ ուշադրություն են դարձնում մշակութային և հումանիտար փոխգործակցության զարգացմանը, կրթական և գիտական համագործակցության վրա: Այս տարվա հոկտեմբերին Մոսկվայում Հայաստանի մշակույթի օրեր կանցկացվեն։
«Արտաքին քաղաքական հարցերում մեր գնահատականներն ու մոտեցումները միշտ չէ, որ համընկնում են, բայց համոզված ենք, որ բաց և ազնիվ երկխոսությունը գործընկերության հասունության վկայությունն է, կայուն և փոխշահավետ համագործակցության գրավականը: Ռուսաստանն աջակցում է Հայաստանի ինքնիշխանության և տարածքային ամբողջականության պաշտպանության ապահովմանը»,-նշել է Կոպիրկինը։
Նա հիշեցրել է, որ այս տարի երկրները նշում են հանրապետության տարածքում ռուսական ռազմակայանի մասին պայմանագրի ստորագրման 30-ամյակը և Ռուս-Հայկական մարդասիրական արձագանքման կենտրոնի ստեղծման տասնամյակը: Ռուս սահմանապահները հայ գործընկերների հետ համատեղ պատվով են կատարում ՀՀ սահմանի հայ-թուրքական և հայ-իրանական հատվածների պահպանության խնդիրները:
Մոսկվան նաև պատրաստ է օգնել Երևանի և Բաքվի միջև խաղաղ գործընթացին։
«Մենք պատրաստ ենք ջանքեր գործադրել 2020-2022 թվականներին ձեռք բերված եռակողմ բարձր մակարդակի պայմանավորվածությունների հիման վրա հայ-ադրբեջանական հարաբերությունների կարգավորումն առաջ մղելու համար։ Ողջունում ենք խաղաղության պայմանագրի նախագծի համաձայնեցման ավարտը և առաջարկում ենք դրա ստորագրման արարողությունը կազմակերպել ռուսական հարթակում։ Պատրաստ ենք նպաստել տարածաշրջանում տրանսպորտային և տնտեսական կապերի ապաշրջափակմանը, հայ-ադրբեջանական սահմանի սահմանազատմանը և մյուս հումանիտար խնդիրների լուծմանը»,-նշել է դեսպանը։
Իր հերթին ՀՀ փոխվարչապետ Մհեր Գրիգորյանը նշել է, որ համեմատաբար կարճ պատմական ժամանակահատվածում համատեղ ջանքերի շնորհիվ Հայաստանի և Ռուսաստանի միջև միջպետական հարաբերությունները դինամիկ զարգանում են իրավահավասարության և փոխադարձ հարգանքի ամուր սկզբունքների հիման վրա:
«Կարող ենք փաստել, որ Հայաստանն ու Ռուսաստանը, կենտրոնանալով երկարաժամկետ փոխշահավետ համագործակցության վրա, միտված են շարունակել բովանդակալից և կառուցողական երկխոսությունը քաղաքական, սոցիալ-տնտեսական, հումանիտար և այլ ոլորտներում»,-ասել է Գրիգորյանը:
Նա նշել է, որ միջազգային տնտեսության աճող տուրբուլենտության պայմաններում կողմերը հաջողությամբ համագործակցում են, այդ թվում՝ միջազգային հարթակներում: Փոխվարչապետը վստահություն է հայտնել, որ երկրների միջև կառուցողական երկխոսությունը կշարունակի ակտիվորեն զարգանալ՝ նպաստելով մեր բարեկամ ժողովուրդների և երկրների միջև բազմակողմ կապերի ու համագործակցության ամրապնդմանն ու ընդլայնմանը:
Ավելի վաղ ՀՀ վարչապետ Նիկոլ Փաշինյանը շնորհավորական ուղերձներ էր հղել Ռուսաստանի նախագահ Վլադիմիր Պուտինին և վարչապետ Միխայիլ Միշուստինին, իսկ ՀՀ նախագահ Վահագն Խաչատուրյանն այցելել էր ՌԴ դեսպանատուն։
Ռուսաստանի օրը պետական տոն է, որն ամեն տարի պաշտոնապես նշվում է հունիսի 12-ին։ Այն սկսել են նշել ավելի քան 30 տարի առաջ՝ 1990 թվականին պետական ինքնիշխանության մասին Հռչակագրի ընդունումից հետո։
