7 ոսկե, 2 արծաթե և 6 բրոնզե մեդալ. Հայաստանի պարաբազկամարտի հավաքականը վերադարձել է Երևան
11:41 08.06.2025 (Թարմացված է: 11:44 08.06.2025)
Հայաստանի պարաբազկամարտի հավաքականը 7 ոսկե, 2 արծաթե և 6 բրոնզե մեդալով է վերադարձել Եվրոպայի 27-րդ առաջնությունից
© Photo : press office of MESCS of RA
Բաժանորդագրվել
«Զվարթնոց» օդանավակայում մարզիկներին դիմավորել են ՀՀ ԿԳՄՍ նախարարի տեղակալ Հասմիկ Ավագյանը, մարզաշխարհի ներկայացուցիչներ, մարզիկների հարազատներն ու ընկերները։
ԵՐԵՎԱՆ, 8 հունիսի – Sputnik․ Հայաստանի պարաբազկամարտի հավաքականը 7 ոսկե, 2 արծաթե և 6 բրոնզե մեդալով է այս գիշեր վերադարձել Ռումինիայի Կլուջ-Նապոկա քաղաքում անցկացված Եվրոպայի 27-րդ առաջնությունից, հայտնում է ԿԳՄՍ նախարարությունը։
Հայաստանի բազկամարտի ֆեդերացիայի կազմում հանդես եկած մարզիկները հաջողությամբ մասնակցել են ինչպես ձախ, այնպես էլ աջ ձեռքով մրցումներին՝ տարբեր դասակարգման քաշային կարգերում։
Հայաստանի պարաբազկամարտի հավաքականը 7 ոսկե, 2 արծաթե և 6 բրոնզե մեդալով է վերադարձել Եվրոպայի 27-րդ առաջնությունից
© Photo : press office of MESCS of RA
Այսպես` Եվրոպայի 27-րդ առաջնության ձախ ձեռքով մրցումներում ոսկե մեդալին արժանացել են Սարգիս Ստեփանյանը, Վալտեր Հարությունյանը, Գևորգ Համբարձումյանը, Նաիրա Մեսրոպյանը, բրոնզե մեդալակիրներ են դարձել Գուրգեն Անտոնյանը, Վոլոդյա Բազեյանը, Կամո Կարապետյանը։
Իսկ աջ ձեռքով մրցումներում հաղթող են ճանաչվել Վալտեր Հարությունյանը, Վոլոդյա Բազեյանը և Նաիրա Մեսրոպյանը։ Գուրգեն Անտոնյանն ու Շահեն Բաբայանը դարձել են արծաթե մեդալակիրներ, իսկ Հայկ Ստեփանյանը, Էդվարդ Նիկողոսյանը և Սևակ Սիմոնյանը կանգնել են պատվո հարթակի երրորդ աստիճանին։
Հայաստանի պարաբազկամարտի հավաքականը 7 ոսկե, 2 արծաթե և 6 բրոնզե մեդալով է վերադարձել Եվրոպայի 27-րդ առաջնությունից
© Photo : press office of MESCS of RA
«Զվարթնոց» օդանավակայում մարզիկներին դիմավորել են ՀՀ ԿԳՄՍ նախարարի տեղակալ Հասմիկ Ավագյանը, մարզաշխարհի ներկայացուցիչներ, մարզիկների հարազատներն ու ընկերները։
Նշենք, որ Սարգիս Ստեփանյանը հաշմանդամություն ունեցողների բազկամարտի Եվրոպայի առաջնության քառակի չեմպիոն է, աշխարհի առաջնության եռակի չեմպիոն և աշխարհի կրկնակի գավաթակիր։ նրա անունն ընդգրկվել է Հայաստանի ռեկորդների ու ռեկորդակիրների գրքում՝ «Դյուցազնագրքում»։
