https://arm.sputniknews.ru/20250607/husvov-em-dzhvarutjunnery-khaghtaharenq-kareliny-haj-rusakan-haraberutjunneri-masin-89834963.html
Հուսով եմ` դժվարությունները կհաղթահարենք․ Կարելինը՝ հայ-ռուսական հարաբերությունների մասին
Հուսով եմ` դժվարությունները կհաղթահարենք․ Կարելինը՝ հայ-ռուսական հարաբերությունների մասին
Sputnik Արմենիա
Սենատորը վստահեցնում է` իր երկիրը շահագրգռված է, որ երկու երկրների հարաբերությունների մակարդակը շարունակաբար բարձրանա: 07.06.2025, Sputnik Արմենիա
2025-06-07T09:54+0400
2025-06-07T09:54+0400
2025-06-07T09:54+0400
հայաստան
ռուսաստան
ալեքսանդր կարելին
եվրամիություն
վալենտինա մատվիենկո
https://cdn.am.sputniknews.ru/img/07e5/0a/13/34437344_0:84:1600:984_1920x0_80_0_0_501ac394d3e03c78bd2845f04871d68d.jpg
ԵՐԵՎԱՆ, 7 հունիսի – Sputnik. ՌԴ սենատոր Ալեքսանդր Կարելինը հուսով է, որ Հայաստանն ու Ռուսաստանը կկարողանան անցյալում թողնել անախորժությունները և ապրել բարիդրացիության և փոխըմբռնման մթնոլորտում: Նա այդ մասին ասաց Sputnik Արմենիային Երևանում կայացած հայ-ռուսական միջտարածաշրջանային 10-րդ համաժողովի շրջանակում։Նրա խոսքով` դրա վկայությունն է նաև երկու երկրների միջև ապրանքաշրջանառության աճը։«Այդ պատճառով հուսով եմ, որ մենք այս բոլոր դժվարությունները (այլ կերպ չեմ ուզում դրանք անվանել) կհաղթահարենք, և ամեն ինչ կլինի բարիդրացիության, բարեկամության, փոխըմբռնման և մեր ընդհանուր պատմության հավատարմության ոգով։ Հատկապես Մեծ hաղթանակի 80-ամյակի տարում մենք հենց այդ մասին պետք է խոսենք», - նշեց Կարելինը։Նրա կարծիքով՝ երկու երկրների հարաբերությունների մակարդակը հետագայում շարունակաբար կբարձրանա. դրան հասնելու համար գործադրվում են բոլոր ջանքերը։Ինչ վերաբերում է ՀՀ ԱԺ–ի ընդունած` ԵՄ-ին անդամակցելու գործընթաց սկսելու օրինագծին, ապա սենատորն այն ավելի շատ վերագրում է նախընտրական աժիոտաժին:«Ես` որպես ընտրական գործընթացների մասնակից, պետք է ասեմ, որ ընտրությունները գալիս են և գնում։ Բայց ընթացիկ, պատասխանատու կյանքը շարունակվում է։ Հետևաբար նույնիսկ եթե բարձրագոչ խոստումները կարճաժամկետ օգուտներ են խոստանում, պետք է զերծ մնալ դրանցից և ողջախոհ մնալ, կրկնում եմ՝ մեր ընդհանուր ձեռքբերումների ոգով», - ասել է ռուս սենատորը։Նշենք, որ Ալեքսանդր Կարելինը Հայաստան էր ժամանել ՌԴ Դաշնության խորհրդի նախագահ Վալենտինա Մատվիենկոյի գլխավորած պատվիրակության կազմում:ՌԴ-ն ոչ մեկին ոչ մի բանի չի պարտադրում. Մատվիենկոն` հայ–ռուսական հարաբերությունների մասին
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, ալեքսանդր կարելին, եվրամիություն, վալենտինա մատվիենկո
հայաստան, ռուսաստան, ալեքսանդր կարելին, եվրամիություն, վալենտինա մատվիենկո
Հուսով եմ` դժվարությունները կհաղթահարենք․ Կարելինը՝ հայ-ռուսական հարաբերությունների մասին
Սենատորը վստահեցնում է` իր երկիրը շահագրգռված է, որ երկու երկրների հարաբերությունների մակարդակը շարունակաբար բարձրանա:
ԵՐԵՎԱՆ, 7 հունիսի – Sputnik. ՌԴ սենատոր Ալեքսանդր Կարելինը հուսով է, որ
Հայաստանն ու Ռուսաստանը կկարողանան անցյալում թողնել անախորժությունները և ապրել բարիդրացիության և փոխըմբռնման մթնոլորտում: Նա այդ մասին ասաց
Sputnik Արմենիային Երևանում կայացած հայ-ռուսական միջտարածաշրջանային 10-րդ համաժողովի շրջանակում։
«Կարծում եմ` ակնհայտ է Ռուսաստանի Դաշնության շահագրգռվածությունը։ Դրա վկայությունն է նաև Վալենտինա Մատվիենկոյի այցը, լայն ծրագիրը... Դա խոսում է այն մասին, որ շահագրգռված ենք բարի, փոխշահավետ հարաբերություններով», - ասաց Կարելինը:
Նրա խոսքով` դրա վկայությունն է նաև երկու երկրների միջև ապրանքաշրջանառության աճը։
«Այդ պատճառով հուսով եմ, որ մենք այս բոլոր դժվարությունները (այլ կերպ չեմ ուզում դրանք անվանել) կհաղթահարենք, և ամեն ինչ կլինի բարիդրացիության, բարեկամության, փոխըմբռնման և մեր ընդհանուր պատմության հավատարմության ոգով։ Հատկապես Մեծ hաղթանակի 80-ամյակի տարում մենք հենց այդ մասին պետք է խոսենք», - նշեց Կարելինը։
Նրա կարծիքով՝ երկու երկրների հարաբերությունների մակարդակը հետագայում շարունակաբար կբարձրանա. դրան հասնելու համար գործադրվում են բոլոր ջանքերը։
Ինչ վերաբերում է ՀՀ ԱԺ–ի ընդունած` ԵՄ-ին անդամակցելու գործընթաց սկսելու օրինագծին, ապա սենատորն այն ավելի շատ վերագրում է նախընտրական աժիոտաժին:
«Ես` որպես ընտրական գործընթացների մասնակից, պետք է ասեմ, որ ընտրությունները գալիս են և գնում։ Բայց ընթացիկ, պատասխանատու կյանքը շարունակվում է։ Հետևաբար նույնիսկ եթե բարձրագոչ խոստումները կարճաժամկետ օգուտներ են խոստանում, պետք է զերծ մնալ դրանցից և ողջախոհ մնալ, կրկնում եմ՝ մեր ընդհանուր ձեռքբերումների ոգով», - ասել է ռուս սենատորը։
Նշենք, որ Ալեքսանդր Կարելինը
Հայաստան էր ժամանել ՌԴ Դաշնության խորհրդի նախագահ Վալենտինա Մատվիենկոյի գլխավորած պատվիրակության կազմում:
