https://arm.sputniknews.ru/20250606/rd-i-u-hh-i-mijev-tshgnazham-chka-matvienkvon-pashinjani-het-zrujcy-karucvoghakan-e-anvanel-89815060.html
ՌԴ-ի ու ՀՀ-ի միջև «ճգնաժամ չկա»․ Մատվիենկոն Փաշինյանի հետ զրույցը կառուցողական է անվանել
ՌԴ-ի ու ՀՀ-ի միջև «ճգնաժամ չկա»․ Մատվիենկոն Փաշինյանի հետ զրույցը կառուցողական է անվանել
Sputnik Արմենիա
Նրա խոսքով՝ և՛ Հայաստանը, և՛ Ռուսաստանը շահագրգռված են միջտարածաշրջանային համագործակցության զարգացմամբ և ընդլայնմամբ։ 06.06.2025, Sputnik Արմենիա
2025-06-06T15:42+0400
2025-06-06T15:42+0400
2025-06-06T16:08+0400
վալենտինա մատվիենկո
հայաստան
վլադիմիր պուտին
նիկոլ փաշինյան
հայաստան-ռուսաստան համագործակցություն
https://cdn.am.sputniknews.ru/img/07e9/06/06/89810693_0:0:1246:702_1920x0_80_0_0_e2b84483ba1c0a9b05062916f347e5c7.jpg
ԵՐԵՎԱՆ, 6 հունիսի – Sputnik. Ռուսաստանի և Հայաստանի միջև վստահության ճգնաժամ չկա, ՀՀ վարչապետ Նիկոլ Փաշինյանի հետ հանդիպումից հետո հայտարարել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն։«Ես շատ երկար հանդիպում ունեցա Հայաստանի վարչապետի հետ, շատ բովանդակալից, կառուցողական և շատ ընկերական զրույց էր։ Երբ ասում են, որ Ռուսաստանի և Հայաստանի միջև վստահության ճգնաժամ է, ես նման զգացողություն չունեմ, ընդհակառակը, ինչպես մենք՝ Հայաստանն էլ ցույց տվեց իր շահագրգռվածությունը ընդլայնելու մեր երկկողմ համագործակցությունը», - ասել է նա։Մատվիենկոն նշել է, որ Փաշինյանը ողջույններ է փոխանցել Պուտինին և ասել է, որ ինքը և Պուտինը միշտ ունեցել են և կունենան կառուցողական բովանդակային հարաբերություններ։ Ըստ Մատվիենկոյի՝ ռուսական ընկերությունների թիվը, որոնք շահագրգռված են աշխատել հայկական շուկայում, աճում է։ Արդեն կա ավելի քան 40 ընկերություն ռուսական կապիտալի մասնակցությամբ։Ռուս մեծ պոետ Պուշկինի ծննդյան օրվա առիթով Մատվիենկոն ՀՀ պաշտոնյաների հետ քննարկել է նաև ռուսական գրականության և ռուսերեն լեզվի հարցը Հայաստանում։ Նա նշել է, որ Հայաստանում ռուսաց լեզուն հարգված է, բնակչության մեծ մասը խոսում է ռուսերեն, չկա խտրականություն, կան ռուսական դասարաններ, ռուսական դպրոցներ։«Ունենք ռուսերեն դասագրքերի հատուկ աշխատանքային խումբ և շատ ավելին։ Ռուսաց լեզվի միջազգային կազմակերպությունը, որը ստեղծվել է Ղազախստանի նախագահի նախաձեռնությամբ և ԱՊՀ երկրների ղեկավարների աջակցությամբ, ակտիվորեն առաջ է տանում այս նախագիծը։ Վեց պետություն արդեն դարձել է այս կազմակերպության անդամ, Հայաստանը պայմանագիրը դեռ չի վավերացրել։ ՀՀ վարչապետը խոստացավ հրաման տալ, դիտարկել այս հարցը, թափ հաղորդել դրան»։Մատվիենկոն հայտնեց նաև, որ հոկտեմբերին Ռուսաստանում կանցկացվեն Հայկական մշակույթի լայնածավալ օրեր, և Մոսկվան նախատեսում է, որ դրանք անցկացվեն բարձր մակարդակով, արժանի ներկայացվածությամբ։Հիշեցնենք, որ ՌԴ Դաշնային խորհրդի նախագահ Վալենտինա Մատվիենկոյի գլխավորած պատվիրակությունը Հայաստան է ժամանել Հայ-ռուսական միջխորհրդարանական հանձնաժողովի 39-րդ նիստին մասնակցելու նպատակով: Նիստը նվիրված է Հայրենական մեծ պատերազմի հաղթանակի 80-ամյակին և պատմական հիշողության պահպանմանը։Այսօր Մատվիենկոն ծաղիկներ է խոնարհել Երևանի Հաղթանակի զբոսայգու Անմար կրակի մոտ` հարգանքի տուրք մատուցելով Հայրենական մեծ պատերազմում զոհվածների հիշատակին։ Նա այցելել է նաև Ծիծեռնակաբերդի հուշահամալիր, որտեղ հարգանքի տուրք է մատուցել Հայոց ցեղասպանության զոհերի հիշատակին։Այսօր ՌԴ Դաշնային խորհրդի նախագահը մասնակցում է Ռուս-հայկական միջտարածաշրջանային 10-րդ համաժողովին։Հավելենք, որ սա Մատվիենկոյի երկրորդ այցն է Երևան՝ որպես ՌԴ Դաշնային ժողովի դաշնության խորհրդի նախագահ։ Վերջին անգամ քաղաքական գործիչը Հայաստան էր այցելել 2015 թվականի նոյեմբերին։
https://arm.sputniknews.ru/20250606/pashinjani-ev-matvienkvoji-handipumy-nakhatesvatsic-erkar-e-tevel-89805195.html
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վալենտինա մատվիենկո, հայաստան, վլադիմիր պուտին, նիկոլ փաշինյան, հայաստան-ռուսաստան համագործակցություն
վալենտինա մատվիենկո, հայաստան, վլադիմիր պուտին, նիկոլ փաշինյան, հայաստան-ռուսաստան համագործակցություն
ՌԴ-ի ու ՀՀ-ի միջև «ճգնաժամ չկա»․ Մատվիենկոն Փաշինյանի հետ զրույցը կառուցողական է անվանել
15:42 06.06.2025 (Թարմացված է: 16:08 06.06.2025) Նրա խոսքով՝ և՛ Հայաստանը, և՛ Ռուսաստանը շահագրգռված են միջտարածաշրջանային համագործակցության զարգացմամբ և ընդլայնմամբ։
ԵՐԵՎԱՆ, 6 հունիսի – Sputnik. Ռուսաստանի և Հայաստանի միջև վստահության ճգնաժամ չկա, ՀՀ վարչապետ Նիկոլ Փաշինյանի հետ հանդիպումից հետո հայտարարել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն։
«Ես շատ երկար հանդիպում ունեցա Հայաստանի վարչապետի հետ, շատ բովանդակալից, կառուցողական և շատ ընկերական զրույց էր։ Երբ ասում են, որ Ռուսաստանի և Հայաստանի միջև վստահության ճգնաժամ է, ես նման զգացողություն չունեմ, ընդհակառակը, ինչպես մենք՝ Հայաստանն էլ ցույց տվեց իր շահագրգռվածությունը ընդլայնելու մեր երկկողմ համագործակցությունը», - ասել է նա։
Մատվիենկոն նշել է, որ Փաշինյանը ողջույններ է փոխանցել Պուտինին և ասել է, որ ինքը և Պուտինը միշտ ունեցել են և կունենան կառուցողական բովանդակային հարաբերություններ։ Ըստ Մատվիենկոյի՝ ռուսական ընկերությունների թիվը, որոնք շահագրգռված են աշխատել հայկական շուկայում, աճում է։ Արդեն կա ավելի քան 40 ընկերություն ռուսական կապիտալի մասնակցությամբ։
«Սա ընդգծում է երկկողմ հարաբերությունների վերլուծության և դրանց հետագա խթանման մեր հետաքրքրությունը։ և՛ Հայաստանը, և՛ Ռուսաստանը շահագրգռված են միջտարածաշրջանային համագործակցության զարգացմամբ և ընդլայնմամբ», - ասել է նա։
Ռուս մեծ պոետ Պուշկինի ծննդյան օրվա առիթով Մատվիենկոն ՀՀ պաշտոնյաների հետ քննարկել է նաև ռուսական գրականության և ռուսերեն լեզվի հարցը Հայաստանում։ Նա նշել է, որ Հայաստանում ռուսաց լեզուն հարգված է, բնակչության մեծ մասը խոսում է ռուսերեն, չկա խտրականություն, կան ռուսական դասարաններ, ռուսական դպրոցներ։
«Ունենք ռուսերեն դասագրքերի հատուկ աշխատանքային խումբ և շատ ավելին։ Ռուսաց լեզվի միջազգային կազմակերպությունը, որը ստեղծվել է Ղազախստանի նախագահի նախաձեռնությամբ և ԱՊՀ երկրների ղեկավարների աջակցությամբ, ակտիվորեն առաջ է տանում այս նախագիծը։ Վեց պետություն արդեն դարձել է այս կազմակերպության անդամ, Հայաստանը պայմանագիրը դեռ չի վավերացրել։ ՀՀ վարչապետը խոստացավ հրաման տալ, դիտարկել այս հարցը, թափ հաղորդել դրան»։
Մատվիենկոն հայտնեց նաև, որ հոկտեմբերին Ռուսաստանում կանցկացվեն Հայկական մշակույթի լայնածավալ օրեր, և Մոսկվան նախատեսում է, որ դրանք անցկացվեն բարձր մակարդակով, արժանի ներկայացվածությամբ։
Հիշեցնենք, որ ՌԴ Դաշնային խորհրդի նախագահ Վալենտինա Մատվիենկոյի գլխավորած պատվիրակությունը Հայաստան է ժամանել Հայ-ռուսական միջխորհրդարանական հանձնաժողովի 39-րդ նիստին մասնակցելու նպատակով: Նիստը նվիրված է Հայրենական մեծ պատերազմի հաղթանակի 80-ամյակին և պատմական հիշողության պահպանմանը։
Այսօր Մատվիենկոն
ծաղիկներ է խոնարհել Երևանի Հաղթանակի զբոսայգու Անմար կրակի մոտ` հարգանքի տուրք մատուցելով Հայրենական մեծ պատերազմում զոհվածների հիշատակին։ Նա
այցելել է նաև Ծիծեռնակաբերդի հուշահամալիր, որտեղ հարգանքի տուրք է մատուցել Հայոց ցեղասպանության զոհերի հիշատակին։
Այսօր ՌԴ Դաշնային խորհրդի նախագահը մասնակցում է Ռուս-հայկական միջտարածաշրջանային 10-րդ համաժողովին։
Հավելենք, որ սա Մատվիենկոյի երկրորդ այցն է Երևան՝ որպես ՌԴ Դաշնային ժողովի դաշնության խորհրդի նախագահ։ Վերջին անգամ քաղաքական գործիչը Հայաստան էր այցելել 2015 թվականի նոյեմբերին։
