https://arm.sputniknews.ru/20250601/mimjanc-ognum-einq-inchpes-karvogh-einq-ughevvor-grigvorjany-brjanskum-gnacqi-agheti-masin-89604330.html
Միմյանց օգնում էինք, ինչպես կարող էինք. ուղևոր Գրիգորյանը՝ Բրյանսկում գնացքի աղետի մասին
Միմյանց օգնում էինք, ինչպես կարող էինք. ուղևոր Գրիգորյանը՝ Բրյանսկում գնացքի աղետի մասին
Sputnik Արմենիա
Բրյանսկի մարզում կամրջի պայթյունի հետևանքով գնացքի վթարի հիմնական հարվածը եղել է առաջին երեք վագոնների վրա, պատմել են ուղևորները, ինչպես նաև դեպքի վայրին մոտ... 01.06.2025, Sputnik Արմենիա
2025-06-01T18:10+0400
2025-06-01T18:10+0400
2025-06-01T18:10+0400
գնացք
վթար
բրյանսկ
կուրսկ
ահաբեկչություն
https://cdn.am.sputniknews.ru/img/07e9/06/01/89596427_9:0:923:514_1920x0_80_0_0_be2bc15ae0fd7439998dbfc712512ee0.jpg
Կամրջի պայթյունի հետևանքով ռելսերից դուրս եկած թիվ 86 գնացքում (Բրյանսկից Մոսկվա ուղղությամբ) գտնվող 388 ուղևորներից մեկը՝ Սամվել Գրիգորյանը, հայկական AlfaNews գործակալությանը տված հարցազրույցում պատմել է, որ պայթյունից հետո խուճապ չի եղել, մարդիկ սկսել են միմյանց օգնել, ինչպես կարողացել են։Ողբերգությունը տեղի է ունեցել կիրակի՝ մայիսի 31-ի գիշերը, Մոսկվայի ժամանակով ժամը 22:44-ին, Բրյանսկի մարզի Պիլշինո-Վիգոնիչի միակողմանի երկաթուղային հատվածում։ Վերջին պաշտոնական տվյալների համաձայն՝ կամրջի փլուզման հետևանքով զոհվել է յոթ մարդ, ևս 66-ը տուժել են։ Առաջին վագոնը գրեթե օդ է բարձրացել հարվածից, երկրորդն ու երրորդը շրջվել են։Գրիգորյանը պատմում է, որ ուղևորները ուժեղ ճռռոց են լսել, հետո «բոլորը հանկարծ սկսել են ցած ընկնել»։ Նա հավելել է, որ սկզբում իրեն թվացել է, որ իրենց գնացքը բախվել է մեկ այլ գնացքի: Բայց երբ ուղևորները դուրս են եկել, ապա տեսել են, որ գնացքի առաջին վագոնը ջախջախված է։Որոշ ժամանակ անց դեպքի վայր են ժամանել ԱԻՆ-ը և շտապօգնությունը։ Ուղևորներին սկզբում տեղափոխել են մոտակա բնակավայր, որտեղ նրանց առաջին բուժօգնություն է ցուցաբերվել։ Այնուհետև նրանց ավտոբուսներով տեղափոխել են Բրյանսկ, որտեղ կարիք ունեցողներին տեղափոխել են հիվանդանոց։ Այնուհետև ձևավորվել է նոր անձնակազմ։Մոսկվայի երկաթուղին հայտարարել է, որ վթարի պատճառը «անօրինական միջամտությունն է տրանսպորտի գործունեությանը»: ՌԴ Քննչական կոմիտեն այս միջադեպը և Կուրսկի մարզում տեղի ունեցած նմանատիպ արտակարգ դեպքը որակել է որպես ահաբեկչություն: ՌԴ առողջապահության նախարար Միխայիլ Մուրաշկոն անձնական հսկողության տակ է վերցրել տուժածներին օգնություն ցուցաբերելը։ Ռուսական երկաթուղիները 2,2-ական միլիոն ռուբլի կվճարեն զոհվածների ընտանիքներին և տուժածներին հնարավորություն կտան անվճար բուժում և վերականգնողական կուրս անցնել ընկերության բուժհաստատություններում։
բրյանսկ
կուրսկ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գնացք, վթար, բրյանսկ, կուրսկ, ահաբեկչություն, видео
գնացք, վթար, բրյանսկ, կուրսկ, ահաբեկչություն, видео
Միմյանց օգնում էինք, ինչպես կարող էինք. ուղևոր Գրիգորյանը՝ Բրյանսկում գնացքի աղետի մասին
Բրյանսկի մարզում կամրջի պայթյունի հետևանքով գնացքի վթարի հիմնական հարվածը եղել է առաջին երեք վագոնների վրա, պատմել են ուղևորները, ինչպես նաև դեպքի վայրին մոտ գտնվող Վիգոնիչի ավանի բնակիչները:
Կամրջի պայթյունի հետևանքով ռելսերից դուրս եկած թիվ 86 գնացքում (Բրյանսկից Մոսկվա ուղղությամբ) գտնվող 388 ուղևորներից մեկը՝ Սամվել Գրիգորյանը, հայկական AlfaNews գործակալությանը տված հարցազրույցում պատմել է, որ պայթյունից հետո խուճապ չի եղել, մարդիկ սկսել են միմյանց օգնել, ինչպես կարողացել են։
Ողբերգությունը տեղի է ունեցել կիրակի՝ մայիսի 31-ի գիշերը, Մոսկվայի ժամանակով ժամը 22:44-ին, Բրյանսկի մարզի Պիլշինո-Վիգոնիչի միակողմանի երկաթուղային հատվածում։ Վերջին պաշտոնական տվյալների համաձայն՝ կամրջի փլուզման հետևանքով զոհվել է յոթ մարդ, ևս 66-ը տուժել են։ Առաջին վագոնը գրեթե օդ է բարձրացել հարվածից, երկրորդն ու երրորդը շրջվել են։
Գրիգորյանը պատմում է, որ ուղևորները ուժեղ ճռռոց են լսել, հետո «բոլորը հանկարծ սկսել են ցած ընկնել»։ Նա հավելել է, որ սկզբում իրեն թվացել է, որ իրենց գնացքը բախվել է մեկ այլ գնացքի: Բայց երբ ուղևորները դուրս են եկել, ապա տեսել են, որ գնացքի առաջին վագոնը ջախջախված է։
«Խուճապ չկար, մենք իրար օգնում էինք, ինչպես կարող էինք։ Երիտասարդ տղաները սկսեցին օգնել, իրերը հանել: Մի քանի մարդու, ուղեկցորդների ձեռքերն ու ոտքերը կոտրված էին», - պատմում է նա։
Որոշ ժամանակ անց դեպքի վայր են ժամանել ԱԻՆ-ը և շտապօգնությունը։ Ուղևորներին սկզբում տեղափոխել են մոտակա բնակավայր, որտեղ նրանց առաջին բուժօգնություն է ցուցաբերվել։ Այնուհետև նրանց ավտոբուսներով տեղափոխել են Բրյանսկ, որտեղ կարիք ունեցողներին տեղափոխել են հիվանդանոց։ Այնուհետև ձևավորվել է նոր անձնակազմ։
«Ես դեռ ցավային շոկի մեջ եմ. ահա այստեղ հեմատոմա է, ձեռքս չի բարձրանում։ Ուսս, ոտքս և կողքս, որով հարվածել եմ սեղանին, ցավում են», - պատմել է նա։ «Առողջություն»,- Գրիգորյանին հայերեն ասել է թղթակիցներից մեկը։ «Շնորհակալություն», - պատասխանել է նա։
Մոսկվայի երկաթուղին հայտարարել է, որ վթարի պատճառը «անօրինական միջամտությունն է տրանսպորտի գործունեությանը»: ՌԴ Քննչական կոմիտեն
այս միջադեպը և
Կուրսկի մարզում տեղի ունեցած նմանատիպ արտակարգ դեպքը որակել է որպես ահաբեկչություն: ՌԴ առողջապահության նախարար Միխայիլ Մուրաշկոն անձնական հսկողության տակ է վերցրել տուժածներին օգնություն ցուցաբերելը։ Ռուսական երկաթուղիները 2,2-ական միլիոն ռուբլի կվճարեն զոհվածների ընտանիքներին և տուժածներին հնարավորություն կտան անվճար բուժում և վերականգնողական կուրս անցնել ընկերության բուժհաստատություններում։
