Կավարտեի կարիերաս, եթե չլիներ Ռուսաստանի բարդ քաղաքական իրավիճակը․ Մարգարիտա Սիմոնյան
© Sputnik / Екатерина Чеснокова
/ Բաժանորդագրվել
Նա նշել է, որ լիովին բավարարել է իր մասնագիտական ձգտումները։
ԵՐԵՎԱՆ, 1 հունիսի - Sputnik. «Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը «Առաջինների շարժում» փառատոնի ընթացքում հայտնել է, որ եթե չլիներ ՌԴ-ում բարդ քաղաքական իրավիճակը, որը պահանջում է լիակատար նվիրվածություն, ապա կավարտեր կարիերան:
«Եթե չլիներ ՀՌԳ-ն, եթե մենք չպատերազմեինք ամբողջ ՆԱՏՕ-ի դեմ, դուք տեսնում եք, թե ինչ է տեղի ունենում այսօր, երբ պայթեցվել են կամուրջներ, հարձակվել են մեր օբյեկտների վրա, այդ թվում՝ Սիբիրում, եթե այդ ամենը չլիներ, ես կհեռանայի աշխատանքից։ Քանի որ կարիերան ինքդ քեզ համար է, որպեսզի բավարարես քո մասնագիտական ձգտումները, քո պատվախնդրությունը, որպեսզի տեսնես՝ որտեղ է քո հնարավորությունների սահմանը աշխատանքի և աճի առումով որպես լրագրող, ես այդ ամենն արել եմ շատ վաղուց», - ասել է Սիմոնյանը փառատոնի մասնակիցների հետ բաց երկխոսության ժամանակ «Գիտելիք» հանրության դասախոսության ընթացքում։
Նա հավելել է, որ կցանկանար շատ ավելի շատ ժամանակ հատկացնել իր ընտանիքին և երեխաներին, ինչպես նաև գրողի գործունեությանը, որի մասին երազել է մանկուց:
Ավելի վաղ Սիմոնյանը հայտնել էր, որ շուտով վեպ կթողարկի՝ նվիրված մարդկության կյանքին 60 տարի անց. «Ի սկզբանե բառն էր, վերջում կլինի թիվը» ընդգծելով, որ դա համարում է իր կյանքի ամենակարևոր ձեռքբերումը:
