https://arm.sputniknews.ru/20250530/hajastanum-hakatskhakhvotajin-orensdrutjuny-khakhtvoghnerin-kheteven-hatuk-havelvatsi-mijvocvov-89551093.html
Հայաստանում հակածխախոտային օրենսդրությունը խախտողներին կհետևեն հատուկ հավելվածի միջոցով
Հայաստանում հակածխախոտային օրենսդրությունը խախտողներին կհետևեն հատուկ հավելվածի միջոցով
Sputnik Արմենիա
Առողջապահության նախարարության նպատակը ոչ թե հանրային սննդի հաստատություններին պատժելն է, այլ բնակչության շրջանում ծխելու տարածումը կանխելը: 30.05.2025, Sputnik Արմենիա
2025-05-30T16:59+0400
2025-05-30T16:59+0400
2025-05-30T16:59+0400
ծխախոտ
հայաստան
https://cdn.am.sputniknews.ru/img/1432/33/14323352_0:0:2879:1620_1920x0_80_0_0_1ae300dbb4df46b515da0f99a55b0290.jpg
ԵՐԵՎԱՆ, 30 մայիսի - Sputnik. Հայաստանում գործարկվել է Smoke.Free.Armenia անվճար բջջային հավելվածը, որը նախատեսված է հակածխախոտային օրենսդրության խախտումների արձանագրման համար։ Այս մասին մամուլի ասուլիսի ժամանակ հայտնեց ՀՀ առողջապահության նախարարության հանրային առողջապահության վարչության գլխավոր կազմակերպիչ Մարիամ Մնացականյանը:2022 թվականից ՀՀ-ում գործում է օրենք, որն արգելում է առևտրի կետերում և հանրային սննդի հաստատություններում ծխախոտի և դրանց փոխարինիչների հրապարակային ցուցադրումը, ինչպես նաև ցանկացած ծխախոտային արտադրանքի օգտագործումը ինչպես ռեստորանների, հյուրանոցների, առևտրի կենտրոնների և այլ հասարակական վայրերի փակ, այնպես էլ բաց տարածքներում։Չնայած դրան, 2025 թվականին առողջապահության նախարարությունը շարունակում է խախտումների վերաբերյալ բազմաթիվ բողոքներ ստանալ։ Վերահսկողությունն ուժեղացնելու համար որոշում է կայացվել ստեղծել բջջային հավելված, որի միջոցով քաղաքացիները կարող են իրական ժամանակի ռեժիմում նշել այն վայրերը, որտեղ արձանագրվում են նման իրավախախտումներ:Հայաստանի առողջապահության ազգային ինստիտուտի տնօրեն Ալեքսանդր Բազարչյանն ընդգծեց, որ նախագծի նպատակը ոչ թե օրինախախտներին պատժելն է, այլ ծխելու տարածումը կանխելը: Նա նաև նշել է, որ թեև երկրում ծխողների ընդհանուր թիվն աստիճանաբար նվազում է, սակայն նկատվում է էլեկտրոնային ծխախոտից և նիկոտինային սարքերից օգտվողների թվի աճ:ԱՀԿ-ի հայաստանյան գրասենյակի ղեկավար Սիդարթա Սանկար Դատտայի խոսքով՝ աշխարհում կա 13-15 տարեկան շուրջ 37 միլիոն ծխող: Ընդ որում, ծխելու հետևանքներից մահացողների տարեկան թիվը կազմում է մինչև 8 մլն մարդ։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ծխախոտ, հայաստան
Հայաստանում հակածխախոտային օրենսդրությունը խախտողներին կհետևեն հատուկ հավելվածի միջոցով
Առողջապահության նախարարության նպատակը ոչ թե հանրային սննդի հաստատություններին պատժելն է, այլ բնակչության շրջանում ծխելու տարածումը կանխելը:
ԵՐԵՎԱՆ, 30 մայիսի - Sputnik. Հայաստանում գործարկվել է Smoke.Free.Armenia անվճար բջջային հավելվածը, որը նախատեսված է հակածխախոտային օրենսդրության խախտումների արձանագրման համար։ Այս մասին մամուլի ասուլիսի ժամանակ հայտնեց ՀՀ առողջապահության նախարարության հանրային առողջապահության վարչության գլխավոր կազմակերպիչ Մարիամ Մնացականյանը:
2022 թվականից ՀՀ-ում գործում է օրենք, որն արգելում է առևտրի կետերում և հանրային սննդի հաստատություններում ծխախոտի և դրանց փոխարինիչների հրապարակային ցուցադրումը, ինչպես նաև ցանկացած ծխախոտային արտադրանքի օգտագործումը ինչպես ռեստորանների, հյուրանոցների, առևտրի կենտրոնների և այլ հասարակական վայրերի փակ, այնպես էլ բաց տարածքներում։
Չնայած դրան, 2025 թվականին առողջապահության նախարարությունը շարունակում է խախտումների վերաբերյալ բազմաթիվ բողոքներ ստանալ։ Վերահսկողությունն ուժեղացնելու համար որոշում է կայացվել ստեղծել բջջային հավելված, որի միջոցով քաղաքացիները կարող են իրական ժամանակի ռեժիմում նշել այն վայրերը, որտեղ արձանագրվում են նման իրավախախտումներ:
«Հավելվածը հասանելի է Android և iOS-օպերացիոն համակարգերով գործող սարքերի համար։ Բավական է ներբեռնել այն և նշել խախտման վայրը։ Օգտատիրոջ նույնականացում չի պահանջվում. հաղորդագրությունները կարելի է ուղարկել անանուն», - պարզաբանեց Մնացականյանը։
Հայաստանի առողջապահության ազգային ինստիտուտի տնօրեն Ալեքսանդր Բազարչյանն ընդգծեց, որ նախագծի նպատակը ոչ թե օրինախախտներին պատժելն է, այլ ծխելու տարածումը կանխելը: Նա նաև նշել է, որ թեև երկրում ծխողների ընդհանուր թիվն աստիճանաբար նվազում է, սակայն նկատվում է էլեկտրոնային ծխախոտից և նիկոտինային սարքերից օգտվողների թվի աճ:
ԱՀԿ-ի հայաստանյան գրասենյակի ղեկավար Սիդարթա Սանկար Դատտայի խոսքով՝ աշխարհում կա 13-15 տարեկան շուրջ 37 միլիոն ծխող: Ընդ որում, ծխելու հետևանքներից մահացողների տարեկան թիվը կազմում է մինչև 8 մլն մարդ։
