https://arm.sputniknews.ru/20250529/baqvi-datavarutjuny-haj-gerinery-harcer-en-ughghel-tuzhvoghnerin-89526496.html
Բաքվի «դատավարությունը». հայ գերիները հարցեր են ուղղել «տուժողներին»
Բաքվի «դատավարությունը». հայ գերիները հարցեր են ուղղել «տուժողներին»
Sputnik Արմենիա
Հայտնի են դարձել Ադրբեջանում ընթացող հայ գերիների «դատավարության» որոշ մանրամասներ։ 29.05.2025, Sputnik Արմենիա
2025-05-29T22:07+0400
2025-05-29T22:07+0400
2025-05-29T22:07+0400
բաքու
արցախ
հայ-ադրբեջանական
ադրբեջան
լեռնային ղարաբաղ
https://cdn.am.sputniknews.ru/img/07e9/05/1d/89523087_0:105:2057:1262_1920x0_80_0_0_2c831eadeecacd6977e0cba618d96545.jpg
ԵՐԵՎԱՆ, 29 մայիսի - Sputnik. Բաքվում կայացել է հայ գերիների, այդ թվում՝ Արցախի նախկին ռազմաքաղաքական ղեկավարության «դատավարության» հերթական նիստը: Այս մասին հայտնում են ադրբեջանական լրատվամիջոցները։Դատելով հրապարակումներից՝ «դատի» ընթացքում հարցաքննվել են մի շարք «տուժողներ», որոնք պատմել են 2016 թվականի ապրիլյան դեպքերի իրենց տարբերակները։Մասնավորապես, նրանցից մեկը՝ է.Աբասովը, հայկական կողմին մեղադրել է «արգելված զինամթերք» օգտագործելու մեջ։ Նա պատմել է, թե իբր հայերը կիրառել են «զանգվածային թունավորում առաջացնող 2 հազար ասեղով լցոնված զինամթերք»։ Ըստ տուժողի՝ «ուսուցման» ժամանակ իրենց զգուշացրել էին, որ «այդ ասեղներին նույնիսկ պարզապես ձեռքով դիպչելը, առանց մաշկի ներթափանցման, կարող է թունավորման պատճառ դառնալ»:Ի պատասխան այս «մեղադրանքի»՝ գեներալ Լևոն Մնացականյանը հայտնել է, որ 2016 թվականի ապրիլյան մարտական գործողությունների ընթացքում զբաղեցրել է Արցախի բանակի հրամանատարի պաշտոնը: Նա հայտարարել է, որ առաջին անգամ է նման բան լսում։«Ես մասնակցել եմ 2016 թվականի գործողությանը և եղել եմ բանակի հրամանատարը։ Անկեղծ ասած, առաջին անգամ եմ լսում, որ տեղի ունեցած լինի այն, ինչ ներկայացվեց այստեղ»,-ասել է գեներալը։Իր հերթին «տուժող» Է. Քերիմովը հայտարարել է, թե իբր 2016 թվականի փետրվարի 4-ին հայերը «բազմիցս գնդակոծել են Ալխանլը գյուղը», որտեղ ինքն ապրում էր: Արդյունքում Քերիմովը, իր իսկ խոսքով, վիրավորվել է ծնկից։ Նա հավելել է, որ «խաղաղ բնակիչները գնդակոծվում էին, երբ զբաղված էին տնային գործերով»:Լեռնային Ղարաբաղի նախկին արտգործնախարար Դավիթ Բաբայանի տարրական հարցին, թե քանի մարդ էր բնակվում գյուղում, Քերիմովը դժվարացել է պատասխանել՝ ասելով, որ գյուղի բնակչության ճշգրիտ թիվը չգիտի:Կրակային դիրքերի թվի մասին Մնացականյանի մեկ այլ հարցին «տուժողը» նույնպես չի կարողացել հստակ պատասխանել՝ նշելով, որ չի հաշվել:«Տուժողներին» հարցեր է ուղղել նաև Արցախի Պաշտպանության բանակի հրամանատարի նախկին տեղակալ Դավիթ Մանուկյանը:Ընդմիջումից հետո Լեռնային Ղարաբաղի խորհրդարանի նախկին խոսնակ Դավիթ Իշխանյանը խնդրել է «դատարանի» մայիսի 26-ի նիստի արձանագրությունը՝ Դավիթ Բաբայանի «ցուցմունքներով»: «Դատավոր» Զեյնալ Աղաևը պատասխանել է, որ «պայմաններ կստեղծվեն հայ թարգմանչի մասնակցությամբ դատական նիստերի արձանագրություններին ծանոթանալու համար», պնդում են ադրբեջանական լրատվամիջոցները:«Դատական նիստը» կշարունակվի մայիսի 30-ին:Հունվարի 17-ից Ադրբեջանում շինծու դատավարություն է ընթանում Արցախի ռազմաքաղաքական ղեկավարության ներկայացուցիչների դեմ։ Մեղադրյալների թվում են Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, նախկին պետնախարար Ռուբեն Վարդանյանը, Պաշտպանության բանակի նախկին հրամանատար Լևոն Մնացականյանը, նրա տեղակալ Դավիթ Մանուկյանը, նախկին արտգործնախարար Դավիթ Բաբայանը և խորհրդարանի նախկին խոսնակ Դավիթ Իշխանյանը։Ռուբեն Վարդանյանի գործը առանձնացվել է առանձին վարույթ։ Չնայած նյութերը մյուս մեղադրյալների գործերի հետ միավորելու նրա միջնորդությանը, դատարանը որոշել է 422 հատորներից 400-ը քննարկել առանձին։Նշենք, որ Բաքուն պաշտոնապես հաստատում է միայն 23 հայի գերեվարման փաստը, որոնցից 17-ն այնտեղ հայտնվել են Ադրբեջանի կողմից Լեռնային Ղարաբաղի դեմ 2023 թվականի սեպտեմբերին իրականացված ագրեսիայից հետո։ Նրանց թվում են նաև Արցախի ռազմաքաղաքական ղեկավարության ներկայացուցիչներ։ Սակայն, ըստ հայ իրավապաշտպանների, հայ գերիների թիվը կարող է հասնել 80-ի։
բաքու
ադրբեջան
լեռնային ղարաբաղ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բաքու, արցախ, հայ-ադրբեջանական, ադրբեջան, լեռնային ղարաբաղ
բաքու, արցախ, հայ-ադրբեջանական, ադրբեջան, լեռնային ղարաբաղ
Բաքվի «դատավարությունը». հայ գերիները հարցեր են ուղղել «տուժողներին»
Հայտնի են դարձել Ադրբեջանում ընթացող հայ գերիների «դատավարության» որոշ մանրամասներ։
ԵՐԵՎԱՆ, 29 մայիսի - Sputnik. Բաքվում կայացել է հայ գերիների, այդ թվում՝ Արցախի նախկին ռազմաքաղաքական ղեկավարության «դատավարության» հերթական նիստը: Այս մասին հայտնում են ադրբեջանական լրատվամիջոցները։
Դատելով հրապարակումներից՝ «դատի» ընթացքում հարցաքննվել են մի շարք «տուժողներ», որոնք պատմել են 2016 թվականի ապրիլյան դեպքերի իրենց տարբերակները։
Մասնավորապես, նրանցից մեկը՝ է.Աբասովը, հայկական կողմին մեղադրել է «արգելված զինամթերք» օգտագործելու մեջ։ Նա պատմել է, թե իբր հայերը կիրառել են «զանգվածային թունավորում առաջացնող 2 հազար ասեղով լցոնված զինամթերք»։ Ըստ տուժողի՝ «ուսուցման» ժամանակ իրենց զգուշացրել էին, որ «այդ ասեղներին նույնիսկ պարզապես ձեռքով դիպչելը, առանց մաշկի ներթափանցման, կարող է թունավորման պատճառ դառնալ»:
Ի պատասխան այս «մեղադրանքի»՝ գեներալ Լևոն Մնացականյանը հայտնել է, որ 2016 թվականի ապրիլյան մարտական գործողությունների ընթացքում զբաղեցրել է Արցախի բանակի հրամանատարի պաշտոնը: Նա հայտարարել է, որ առաջին անգամ է նման բան լսում։
«Ես մասնակցել եմ 2016 թվականի գործողությանը և եղել եմ բանակի հրամանատարը։ Անկեղծ ասած, առաջին անգամ եմ լսում, որ տեղի ունեցած լինի այն, ինչ ներկայացվեց այստեղ»,-ասել է գեներալը։
Իր հերթին «տուժող» Է. Քերիմովը հայտարարել է, թե իբր 2016 թվականի փետրվարի 4-ին հայերը «բազմիցս գնդակոծել են Ալխանլը գյուղը», որտեղ ինքն ապրում էր: Արդյունքում Քերիմովը, իր իսկ խոսքով, վիրավորվել է ծնկից։ Նա հավելել է, որ «խաղաղ բնակիչները գնդակոծվում էին, երբ զբաղված էին տնային գործերով»:
Լեռնային Ղարաբաղի նախկին արտգործնախարար Դավիթ Բաբայանի տարրական հարցին, թե քանի մարդ էր բնակվում գյուղում, Քերիմովը դժվարացել է պատասխանել՝ ասելով, որ գյուղի բնակչության ճշգրիտ թիվը չգիտի:
Կրակային դիրքերի թվի մասին Մնացականյանի մեկ այլ հարցին «տուժողը» նույնպես չի կարողացել հստակ պատասխանել՝ նշելով, որ չի հաշվել:
«Տուժողներին» հարցեր է ուղղել նաև Արցախի Պաշտպանության բանակի հրամանատարի նախկին տեղակալ Դավիթ Մանուկյանը:
Ընդմիջումից հետո Լեռնային Ղարաբաղի խորհրդարանի նախկին խոսնակ Դավիթ Իշխանյանը խնդրել է «դատարանի» մայիսի 26-ի նիստի արձանագրությունը՝ Դավիթ Բաբայանի «ցուցմունքներով»: «Դատավոր» Զեյնալ Աղաևը պատասխանել է, որ «պայմաններ կստեղծվեն հայ թարգմանչի մասնակցությամբ դատական նիստերի արձանագրություններին ծանոթանալու համար», պնդում են ադրբեջանական լրատվամիջոցները:
«Դատական նիստը» կշարունակվի մայիսի 30-ին:
Հունվարի 17-ից Ադրբեջանում շինծու դատավարություն է ընթանում Արցախի ռազմաքաղաքական ղեկավարության ներկայացուցիչների դեմ։ Մեղադրյալների թվում են Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, նախկին պետնախարար Ռուբեն Վարդանյանը, Պաշտպանության բանակի նախկին հրամանատար Լևոն Մնացականյանը, նրա տեղակալ Դավիթ Մանուկյանը, նախկին արտգործնախարար Դավիթ Բաբայանը և խորհրդարանի նախկին խոսնակ Դավիթ Իշխանյանը։
Ռուբեն Վարդանյանի գործը առանձնացվել է առանձին վարույթ։ Չնայած նյութերը մյուս մեղադրյալների գործերի հետ միավորելու նրա միջնորդությանը, դատարանը որոշել է 422 հատորներից 400-ը քննարկել առանձին։
Նշենք, որ Բաքուն պաշտոնապես հաստատում է միայն 23 հայի գերեվարման փաստը, որոնցից 17-ն այնտեղ հայտնվել են Ադրբեջանի կողմից Լեռնային Ղարաբաղի դեմ 2023 թվականի սեպտեմբերին իրականացված ագրեսիայից հետո։ Նրանց թվում են նաև Արցախի ռազմաքաղաքական ղեկավարության ներկայացուցիչներ։ Սակայն, ըստ հայ իրավապաշտպանների, հայ գերիների թիվը կարող է հասնել 80-ի։
