https://arm.sputniknews.ru/20250528/sarsapeli-voghbergutjun-rd-irkutski-marzum-derahasn-amaranvocum-spanel-e-ynkernerin-89471101.html
Սարսափելի ողբերգություն ՌԴ Իրկուտսկի մարզում. դեռահասն ամառանոցում սպանել է ընկերներին
Սարսափելի ողբերգություն ՌԴ Իրկուտսկի մարզում. դեռահասն ամառանոցում սպանել է ընկերներին
Sputnik Արմենիա
17-ամյա պատանին դանակով հարձակվել է քնած ընկերների վրա, հետո հրկիզել է տունը։ 28.05.2025, Sputnik Արմենիա
2025-05-28T16:57+0400
2025-05-28T16:57+0400
2025-05-29T18:13+0400
ռուսաստան
իրկուտսկ
սպանություն
տղա
ընկեր
ամառանոց
հրդեհ
https://cdn.am.sputniknews.ru/img/07e9/05/1c/89467030_0:0:1200:675_1920x0_80_0_0_9f64990c36bfda8bc97e316a5c8af86b.jpg
ԵՐԵՎԱՆ, 28 մայիսի – Sputnik. ՌԴ Իրկուտսկի մարզի Բայկալսկ քաղաքում ողբերգական դեպք է տեղի ունեցել` 17-ամյա Միխայիլ Պ.-ն դանակահարել է 4 ընկերներին, ևս մի քանիսը վնասվածքներ են ստացել։ Այնուհետև նա հրկիզել է տունը և ինքն էլ այրվել։Դեպքը տեղի է ունեցել մայիսի 28-ի գիշերը «Գորնի Բայկալ» այգեգործական ոչ առևտրային համայնքում գտնվող սեփական տանը: Այդ պահին տանը մի խումբ երիտասարդներ են եղել։Ինչպես գրում է «АиФ-Иркутск»-ը, դեռահասները հավաքվել են իրենց ընկերուհու 15-ամյակը նշելու: Երեկույթից հետո 5 դպրոցականներ տուն են գնացել, 9-ը մնացել են գիշերելու։ Գիշերը 17-ամյա պատանին դանակով հարձակվել է ընկերների վրա։Քննչական կոմիտեն քրեական գործ է հարուցել սպանության և սպանության փորձի փաստով: Տուժածներից 4–ն այս պահին Իրկուտսկի տարածաշրջանային կլինիկական հիվանդանոցում են։ Դեռահասներից մեկը ծայրահեղ ծանր վիճակում է։RT-ն իր հերթին գրում է, որ հարձակվելուց առաջ դեռահասը սկսել է սիրահետել հոբելյարին, բայց աղջիկը մերժել է։ Հավաքվածները պաշտպանել են աղջկան։ Որոշ ժամանակ անց 5 դեռահասներ, այդ թվում` հոբելյարը, տուն են գնացել։Քննիչներն առայժմ չեն կարողանում պարզել Միխայիլի արարքի դրդապատճառները, քանի որ երեխաների մի մասը հարձակումից առաջ գնացել է, և նրանք ոչինչ չեն տեսել, իսկ ովքեր տեսել են վեճը, սպանվել են։ Ենթադրվում է, որ սպանության գործիքը եղել է գրենական դանակը։ Մարդասպանը մահացել է հրդեհի հետևանքով, նա լուրջ այրվածքներ է ստացել։Տան խուզարկության ժամանակ հարձակվողի մոտ արգելված կամ կասկածելի ոչինչ չի հայտնաբերվել։Shot–ը չարաբաստիկ երեկույթի որոշ մանրամասներ է ներկայացնում. ընկերների վրա հարձակված Միխայիլը սիրահարված է եղել 15-ամյա Անաստասիային և որոշել է նրա ծննդյան օրվա կապակցությամբ երեկույթ կազմակերպել իր ավագ եղբոր ամառանոցում՝ «Գորնի Բայկալ»-ում: Լրատվամիջոցի տվյալներով՝ երեկույթին 14 դպրոցական է մասնակցել։Ժամը 2:40-ին տուժածներից մեկը վազել է հարևանի տուն և օգնություն խնդրել: Դա աղջիկներից մեկն է եղել, որը մեռած է ձևացել: Հարևանը ոստիկանություն է կանչել։Այնուհետև Միխայիլը տուն է մտել և հրկիզել է այն:ԶԼՄ-ների տվյալներով՝ ընկերներին դանակահարած դեռահասը զբաղվում էր ըմբշամարտով և հաղթել է քաղաքային մրցաշարում: Զոհերի թվում է 16-ամյա Պոլինան, որը նույնպես Իրկուտսկի մարզի ազատ ոճի ըմբշամարտի առաջնության հաղթող էր: Նա առաջինն է փորձել պաշտպանել մյուս դպրոցականներին, բայց նույնպես սպանվել է:Հատկանշական է, որ երեկույթին ալկոհոլ է եղել, որի վաճառքը անչափահասներին արգելված է։ Ըստ սոցիալական ցանցերի՝ երեխաները այն պատվիրել են համացանցի միջոցով, պատվերը ձևակերպվել է ծանոթ մեծահասակի անունով։ Այժմ հարցաքննում են նրան։
իրկուտսկ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, իրկուտսկ, սպանություն, տղա, ընկեր, ամառանոց, հրդեհ
ռուսաստան, իրկուտսկ, սպանություն, տղա, ընկեր, ամառանոց, հրդեհ
Սարսափելի ողբերգություն ՌԴ Իրկուտսկի մարզում. դեռահասն ամառանոցում սպանել է ընկերներին
16:57 28.05.2025 (Թարմացված է: 18:13 29.05.2025) 17-ամյա պատանին դանակով հարձակվել է քնած ընկերների վրա, հետո հրկիզել է տունը։
ԵՐԵՎԱՆ, 28 մայիսի – Sputnik. ՌԴ Իրկուտսկի մարզի Բայկալսկ քաղաքում ողբերգական դեպք է տեղի ունեցել` 17-ամյա Միխայիլ Պ.-ն դանակահարել է 4 ընկերներին, ևս մի քանիսը վնասվածքներ են ստացել։ Այնուհետև նա հրկիզել է տունը և ինքն էլ այրվել։
Դեպքը տեղի է ունեցել մայիսի 28-ի գիշերը «Գորնի Բայկալ» այգեգործական ոչ առևտրային համայնքում գտնվող սեփական տանը: Այդ պահին տանը մի խումբ երիտասարդներ են եղել։
Ինչպես գրում է
«АиФ-Иркутск»-ը, դեռահասները հավաքվել են իրենց ընկերուհու 15-ամյակը նշելու: Երեկույթից հետո 5 դպրոցականներ տուն են գնացել, 9-ը մնացել են գիշերելու։ Գիշերը 17-ամյա պատանին դանակով հարձակվել է ընկերների վրա։
Քննչական կոմիտեն քրեական գործ է հարուցել սպանության և սպանության փորձի փաստով: Տուժածներից 4–ն այս պահին Իրկուտսկի տարածաշրջանային կլինիկական հիվանդանոցում են։ Դեռահասներից մեկը ծայրահեղ ծանր վիճակում է։
RT-ն իր հերթին գրում է, որ հարձակվելուց առաջ դեռահասը սկսել է սիրահետել հոբելյարին, բայց աղջիկը մերժել է։ Հավաքվածները պաշտպանել են աղջկան։ Որոշ ժամանակ անց 5 դեռահասներ, այդ թվում` հոբելյարը, տուն են գնացել։
Քննիչներն առայժմ չեն կարողանում պարզել Միխայիլի արարքի դրդապատճառները, քանի որ երեխաների մի մասը հարձակումից առաջ գնացել է, և նրանք ոչինչ չեն տեսել, իսկ ովքեր տեսել են վեճը, սպանվել են։ Ենթադրվում է, որ սպանության գործիքը եղել է գրենական դանակը։ Մարդասպանը մահացել է հրդեհի հետևանքով, նա լուրջ այրվածքներ է ստացել։
Տան խուզարկության ժամանակ հարձակվողի մոտ արգելված կամ կասկածելի ոչինչ չի հայտնաբերվել։
Shot–ը չարաբաստիկ երեկույթի որոշ մանրամասներ է ներկայացնում. ընկերների վրա հարձակված Միխայիլը սիրահարված է եղել 15-ամյա Անաստասիային և որոշել է նրա ծննդյան օրվա կապակցությամբ երեկույթ կազմակերպել իր ավագ եղբոր ամառանոցում՝ «Գորնի Բայկալ»-ում: Լրատվամիջոցի տվյալներով՝ երեկույթին 14 դպրոցական է մասնակցել։
«Գիշերվա ժամը 1-ի սահմաններում Միխայիլը, որն ըստ երևույթին բավականաչափ խմած է եղել, սկսել է կռիվ անել, բայց հաջողվել է հանդարտեցնել նրան։ Բոլորը գնացել են քնելու։ Ոմանք մնացել են առաջին հարկում, մյուսները բարձրացել են երկրորդ հարկ, ևս երկուսը պառկել են ամառային պատշգամբում: Առաջին սպանությունը Միշան կատարել է գիշերվա 2:25-ին երկրորդ հարկում: Վերցնելով գրենական դանակը՝ նա սկսել է սպանել սենյակում գտնվողներին։ Հետո դուրս է եկել պատշգամբ։ Ճանապարհին փորձել է հարձակվել առաջին հարկում քնածների վրա։ Նրանց հաջողվել է փախչել հարևան հողամաս»,- գրում է Shot-ը։
Ժամը 2:40-ին տուժածներից մեկը վազել է հարևանի տուն և օգնություն խնդրել: Դա աղջիկներից մեկն է եղել, որը մեռած է ձևացել: Հարևանը ոստիկանություն է կանչել։
Այնուհետև Միխայիլը տուն է մտել և հրկիզել է այն:
ԶԼՄ-ների տվյալներով՝ ընկերներին դանակահարած դեռահասը զբաղվում էր ըմբշամարտով և հաղթել է քաղաքային մրցաշարում: Զոհերի թվում է 16-ամյա Պոլինան, որը նույնպես Իրկուտսկի մարզի ազատ ոճի ըմբշամարտի առաջնության հաղթող էր: Նա առաջինն է փորձել պաշտպանել մյուս դպրոցականներին, բայց նույնպես սպանվել է:
Հատկանշական է, որ երեկույթին ալկոհոլ է եղել, որի վաճառքը անչափահասներին արգելված է։ Ըստ սոցիալական ցանցերի՝ երեխաները այն պատվիրել են համացանցի միջոցով, պատվերը ձևակերպվել է ծանոթ մեծահասակի անունով։ Այժմ հարցաքննում են նրան։
