https://arm.sputniknews.ru/20250526/erevanum-meknarkel-e-19-erkrneric-zhamanats-rusagetneri-mijazgajin-hamazhvoghvovy-89381565.html
Երևանում մեկնարկել է 19 երկրներից ժամանած ռուսագետների միջազգային համաժողովը
Երևանում մեկնարկել է 19 երկրներից ժամանած ռուսագետների միջազգային համաժողովը
Sputnik Արմենիա
Երևանում մեկնարկել է ռուսագետների միջազգային համաժողովը, որին մասնակցելու են եկել մասնագետներ աշխարհի 19 երկրներից։ 26.05.2025, Sputnik Արմենիա
2025-05-26T15:37+0400
2025-05-26T15:37+0400
2025-05-26T15:37+0400
ռուսերեն
երևան
գիտաժողով
ռուսաց լեզու
https://cdn.am.sputniknews.ru/img/07e9/05/1a/89380228_0:0:1280:721_1920x0_80_0_0_c3d4ed72628981f182ba1b67c7180dfb.jpg
ԵՐԵՎԱՆ, 26 մայիսի - Sputnik. Ավելի քան 50 ուսուցիչ-ռուսագետներ աշխարհի 19 երկրներից ժամանել են ՀՀ մայրաքաղաք, որպեսզի ռուսագետների միջազգային համաժողովում քննարկեն ռուսաց լեզվի ուսումնասիրության և դասավանդման միտումներն ու արդիական հարցերը։ Այս մասին հայտնում է Մոսկվայի տան մամուլի ծառայությունը։Բացելով համաժողովը՝ Մոսկվայի Հայրենակիցների տան արտերկրում մարդասիրական նախագծերի իրականացման բաժնի ղեկավար Կարինե Ասիրբաբաևան նշեց, որ արտերկրում ռուսաց լեզվի և գրականության պահպանմանն ու տարածմանն աջակցելը ամենակարևոր խնդիրներից մեկն է։«Արդեն երկրորդ տարին է, ինչ Երևանի Մոսկվայի տանն անցկացվում է եվրոպական երկրների և Հայաստանի Հանրապետության ռուսաց լեզվի ուսուցիչների միջազգային համաժողով։ Մենք վստահ ենք, որ այս համաժողովը արդյունավետ և օգտակար կլինի մասնակիցների ապագա մանկավարժական գործունեության համար»,-նշել է նա։Երևանում Մոսկվայի տան տնօրեն Հայկ Մելիքյանը նշեց, որ նման հանդիպումներն օգնում են ռուսագետներին անընդհատ կատարելագործվել։ «Շատ կարևոր է, որ դուք շփվեք միմյանց հետ, ծանոթանաք ռուսերենի դասավանդման միտումներին և նոր մեթոդներին, ինչը, անկասկած, դրական ազդեցություն կունենա ձեր ապագա գործունեության վրա»,-նշել է նա։«Ռոսսոտրուդնիչեստվոյի» երևանյան ներկայացուցչության ղեկավար Վադիմ Ֆեֆիլովն իր հերթին նշել է, որ Հայաստանում ռուսերենի տիրապետման բարձր մակարդակը ռուսաց լեզվի հայ ուսուցիչների բազմամյա համակարգված աշխատանքի արդյունք է, ընդ որում՝ նրանք ուշադրություն են դարձնում ոչ միայն կրթական պրակտիկային, այլև ռուս և հայ ժողովուրդների ընդհանուր պատմության և դարավոր բարեկամության ներկայացմանը։Համաժողովի շրջանակում կանցկացվեն կլոր սեղաններ, վարպետության դասեր և քննարկումներ ժամանակակից կրթական ռեսուրսների նախագծման, բառապաշարի և տեքստի հետ աշխատանքի, դասավանդման գործընթացում արհեստական բանականության տեխնոլոգիաների կիրառման և այլ համապատասխան թեմաների շուրջ։«Ռուսաց լեզվի և գրականության դասավանդման ժամանակակից պրակտիկան արտերկրում» միջազգային գիտագործնական համաժողովը կազմակերպել են Մոսկվայի կառավարությունը, Մոսկվա քաղաքի արտաքին տնտեսական և միջազգային հարաբերությունների վարչություն, Մոսկվայի Հայրենակիցների տունը և Երևանի Մոսկվայի տունը՝ Ա.Ս. Պուշկինի անվան Ռուսաց լեզվի պետական ինստիտուտի հետ համատեղ։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսերեն, երևան, գիտաժողով, ռուսաց լեզու
ռուսերեն, երևան, գիտաժողով, ռուսաց լեզու
Երևանում մեկնարկել է 19 երկրներից ժամանած ռուսագետների միջազգային համաժողովը
Երևանում մեկնարկել է ռուսագետների միջազգային համաժողովը, որին մասնակցելու են եկել մասնագետներ աշխարհի 19 երկրներից։
ԵՐԵՎԱՆ, 26 մայիսի - Sputnik. Ավելի քան 50 ուսուցիչ-ռուսագետներ աշխարհի 19 երկրներից ժամանել են ՀՀ մայրաքաղաք, որպեսզի ռուսագետների միջազգային համաժողովում քննարկեն ռուսաց լեզվի ուսումնասիրության և դասավանդման միտումներն ու արդիական հարցերը։ Այս մասին հայտնում է Մոսկվայի տան մամուլի ծառայությունը։
Բացելով համաժողովը՝ Մոսկվայի Հայրենակիցների տան արտերկրում մարդասիրական նախագծերի իրականացման բաժնի ղեկավար Կարինե Ասիրբաբաևան նշեց, որ արտերկրում ռուսաց լեզվի և գրականության պահպանմանն ու տարածմանն աջակցելը ամենակարևոր խնդիրներից մեկն է։
«Արդեն երկրորդ տարին է, ինչ Երևանի Մոսկվայի տանն անցկացվում է եվրոպական երկրների և Հայաստանի Հանրապետության ռուսաց լեզվի ուսուցիչների միջազգային համաժողով։ Մենք վստահ ենք, որ այս համաժողովը արդյունավետ և օգտակար կլինի մասնակիցների ապագա մանկավարժական գործունեության համար»,-նշել է նա։
Երևանում Մոսկվայի տան տնօրեն Հայկ Մելիքյանը նշեց, որ նման հանդիպումներն օգնում են ռուսագետներին անընդհատ կատարելագործվել։ «Շատ կարևոր է, որ դուք շփվեք միմյանց հետ, ծանոթանաք ռուսերենի դասավանդման միտումներին և նոր մեթոդներին, ինչը, անկասկած, դրական ազդեցություն կունենա ձեր ապագա գործունեության վրա»,-նշել է նա։
«Ռոսսոտրուդնիչեստվոյի» երևանյան ներկայացուցչության ղեկավար Վադիմ Ֆեֆիլովն իր հերթին նշել է, որ Հայաստանում ռուսերենի տիրապետման բարձր մակարդակը ռուսաց լեզվի հայ ուսուցիչների բազմամյա համակարգված աշխատանքի արդյունք է, ընդ որում՝ նրանք ուշադրություն են դարձնում ոչ միայն կրթական պրակտիկային, այլև ռուս և հայ ժողովուրդների ընդհանուր պատմության և դարավոր բարեկամության ներկայացմանը։
Համաժողովի շրջանակում կանցկացվեն կլոր սեղաններ, վարպետության դասեր և քննարկումներ ժամանակակից կրթական ռեսուրսների նախագծման, բառապաշարի և տեքստի հետ աշխատանքի, դասավանդման գործընթացում արհեստական բանականության տեխնոլոգիաների կիրառման և այլ համապատասխան թեմաների շուրջ։
«Ռուսաց լեզվի և գրականության դասավանդման ժամանակակից պրակտիկան արտերկրում» միջազգային գիտագործնական համաժողովը կազմակերպել են Մոսկվայի կառավարությունը, Մոսկվա քաղաքի արտաքին տնտեսական և միջազգային հարաբերությունների վարչություն, Մոսկվայի Հայրենակիցների տունը և Երևանի Մոսկվայի տունը՝ Ա.Ս. Պուշկինի անվան Ռուսաց լեզվի պետական ինստիտուտի հետ համատեղ։
