https://arm.sputniknews.ru/20250523/lav-svovvoreq-vor-lav-apreq-kgsm-nakharari-ugherdzy-shrjanavartnerin-89265441.html
Ժաննա Անդրեասյանը շնորհավորել է շրջանավարտներին ու հիշել իր չբեմադրված պիեսը
Ժաննա Անդրեասյանը շնորհավորել է շրջանավարտներին ու հիշել իր չբեմադրված պիեսը
Sputnik Արմենիա
Ժաննա Անդրեասյանը կոչ է արել շրջանավարտներին շնորհակալություն հայտնել ուսուցիչներին` իրենց մեծ աշխատանքի համար։ 23.05.2025, Sputnik Արմենիա
2025-05-23T10:38+0400
2025-05-23T10:38+0400
2025-05-23T10:43+0400
ժաննա անդրեասյան
վերջին զանգ
ուղերձ
https://cdn.am.sputniknews.ru/img/07e9/05/0f/88950619_0:0:1600:901_1920x0_80_0_0_9056ff833815572b92517fb6dbd76156.jpg
ԵՐԵՎԱՆ, 23 մայիսի – Sputnik․ Համարձակ գնացեք առաջ ձեր երազանքների ու նպատակների հետևից՝ սխալներից սովորելով, երբեք չընկճվելով և աճող կենսունակությամբ։ Այդ մասին ասված է շրջանավարտներին ուղղված ՀՀ կրթության, գիտության, մշակույթի և սպորտի նախարար Ժաննա Անդրեասյանի շնորհավորական ուղերձում։«Դպրոցը նաև դրա մասին է՝ ձեզ կյանքին պատրաստելու ոչ միայն գիտելիքներով, այլև էմոցիոնալ և հոգևոր հասունությամբ։ Լավ սովորեք, որ լավ ապրեք»,– կոչ է արել նախարարը։Իր ուղերձի մեջ Անդրեասյանը հիշել է իր պատանեկությունը, երբ դպրոցն ավարտելիս մի պիես էր գրել իրենց դասարանի մասին՝ նկարագրելով դպրոցական կյանքի մի օրը, սակայն Վերջին զանգին այն չբեմադրվեց, քանի որ դա շատ անսովոր ընկալվեց։Նա կոչ է արել շրջանավարտներին շնորհակալություն հայտնել ուսուցիչներին` իրենց մեծ աշխատանքի համար. ուսուցիչ լինելն ամենադժվար աշխատանքներից մեկն է։Անդրեասյանի կարծիքով` շրջանավարտների հույզերի մեջ կարևոր տեղ են զբաղեցնում նաև ընկերները՝ միասին անցկացրած օրերի ջերմությամբ, որոնց այսօր պետք է ջերմ գրկել։Նախարարը հիշեցրել է, որ շրջանավարտներին սպասվում է մի ամբողջ կյանք, որը կարող է լինել այնպիսին, ինչպիսին կընտրեն նրանք՝ իրենց մասնագիտությամբ և զբաղմունքով, ընկերներով ու սիրելիներով, դուրեկան ժամանցով ու սիրած աշխատանքով։«Չկա մի բան, որ չեք կարող անել, եթե շատ եք ուզում ու շատ ջանք եք դնում դրա համար»,– եզրափակել է ԿԳՄՍ նախարարը։Հիշեցնենք, որ այսօր Հայաստանի Հանրապետության դպրոցներում հնչելու է Վերջին զանգը: Ավարտական դասարաններում կանցկացվի «Վերջին դաս» միջոցառումը: Վերջին զանգը հնչելու է ավելի քան 1500 կրթական հաստատություններում ավելի քան 60 հազար շրջանավարտների համար։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ժաննա անդրեասյան, վերջին զանգ, ուղերձ
ժաննա անդրեասյան, վերջին զանգ, ուղերձ
Ժաննա Անդրեասյանը շնորհավորել է շրջանավարտներին ու հիշել իր չբեմադրված պիեսը
10:38 23.05.2025 (Թարմացված է: 10:43 23.05.2025) Ժաննա Անդրեասյանը կոչ է արել շրջանավարտներին շնորհակալություն հայտնել ուսուցիչներին` իրենց մեծ աշխատանքի համար։
ԵՐԵՎԱՆ, 23 մայիսի – Sputnik․ Համարձակ գնացեք առաջ ձեր երազանքների ու նպատակների հետևից՝ սխալներից սովորելով, երբեք չընկճվելով և աճող կենսունակությամբ։ Այդ մասին ասված է շրջանավարտներին ուղղված ՀՀ կրթության, գիտության, մշակույթի և սպորտի նախարար Ժաննա Անդրեասյանի շնորհավորական
ուղերձում։
«Դպրոցը նաև դրա մասին է՝ ձեզ կյանքին պատրաստելու ոչ միայն գիտելիքներով, այլև էմոցիոնալ և հոգևոր հասունությամբ։ Լավ սովորեք, որ լավ ապրեք»,– կոչ է արել նախարարը։
Իր ուղերձի մեջ Անդրեասյանը հիշել է իր պատանեկությունը, երբ դպրոցն ավարտելիս մի պիես էր գրել իրենց դասարանի մասին՝ նկարագրելով դպրոցական կյանքի մի օրը, սակայն Վերջին զանգին այն չբեմադրվեց, քանի որ դա շատ անսովոր ընկալվեց։
«Իրականում Վերջին զանգը պետք է լիներ քառյակներ առ մեր ուսուցիչները՝ համեմված մի քանի երգով։ Մինչդեռ միշտ չէ, որ սովորականը նաև ճիշտ է։ Վերջին զանգը ձեր մասին է՝ ձեր հույզերի, զգացողությունների, դպրոցական կյանքի ապրումների։ Դրանք կարևոր են հենց այստեղ, հենց այս պահին։ Այդ հույզերի մեջ անպայման կան ձեր ուսուցիչները, որոնք ձեր կյանքի շատ կարևոր մասն են՝ իրենց խորհուրդներով և ներկայությամբ, իրենց մեծ աշխատանքով»,– նշել է նախարարը։
Նա կոչ է արել շրջանավարտներին շնորհակալություն հայտնել ուսուցիչներին` իրենց մեծ աշխատանքի համար. ուսուցիչ լինելն ամենադժվար աշխատանքներից մեկն է։
Անդրեասյանի կարծիքով` շրջանավարտների հույզերի մեջ կարևոր տեղ են զբաղեցնում նաև ընկերները՝ միասին անցկացրած օրերի ջերմությամբ, որոնց այսօր պետք է ջերմ գրկել։
Նախարարը հիշեցրել է, որ շրջանավարտներին սպասվում է մի ամբողջ կյանք, որը կարող է լինել այնպիսին, ինչպիսին կընտրեն նրանք՝ իրենց մասնագիտությամբ և զբաղմունքով, ընկերներով ու սիրելիներով, դուրեկան ժամանցով ու սիրած աշխատանքով։
«Չկա մի բան, որ չեք կարող անել, եթե շատ եք ուզում ու շատ ջանք եք դնում դրա համար»,– եզրափակել է ԿԳՄՍ նախարարը։
Հիշեցնենք, որ այսօր Հայաստանի Հանրապետության դպրոցներում հնչելու է Վերջին զանգը: Ավարտական դասարաններում կանցկացվի «Վերջին դաս» միջոցառումը: Վերջին զանգը հնչելու է ավելի քան 1500 կրթական հաստատություններում ավելի քան 60 հազար շրջանավարտների համար։
