https://arm.sputniknews.ru/20250521/haravajin-kvovkasum-tsagvogh-harcery-petq-e-lutsen-taratsashrjani-erkrnery-lavrvov-89187815.html
Հարավային Կովկասում ծագող հարցերը պետք է լուծեն տարածաշրջանի երկրները. Լավրով
Հարավային Կովկասում ծագող հարցերը պետք է լուծեն տարածաշրջանի երկրները. Լավրով
Sputnik Արմենիա
Ռուսաստանը դեմ չէ արտատարածաշրջանային երկրների հետ հարաբերությունների զարգացմանը, եթե դրանք ուղղված չեն տարածաշրջանում լարվածության ստեղծմանը։ 21.05.2025, Sputnik Արմենիա
2025-05-21T14:35+0400
2025-05-21T14:35+0400
2025-05-21T14:35+0400
ռուսաստան
հարավային կովկաս
սերգեյ լավրով
https://cdn.am.sputniknews.ru/img/07e9/05/15/89180432_0:0:1418:798_1920x0_80_0_0_18e1cefd4d951715f2ecbb7261bbf11d.jpg
ԵՐԵՎԱՆ, 21 մայիսի – Sputnik. Հարավային Կովկասում ծագող հարցերը պետք է լուծվեն առաջին հերթին տարածաշրջանի երկրների կողմից։ Ռուսաստանի արտաքին գործերի նախարար Սերգեյ Լավրովն այս հայտարարությունն արեց Երևանում հայ գործընկերոջ` Արարատ Միրզոյանի հետ բանակցություններից հետո կայացած ասուլիսի ժամանակ:Նա նշեց, որ տարածաշրջանային և միջազգային խնդիրների քննարկման ընթացքում հատուկ ուշադրություն է դարձվել Հարավային Կովկասում տիրող իրավիճակին:Նա նշեց` Մոսկվան բաց է համագործակցության համար բոլոր նրանց հետ, ովքեր պատրաստ են ազնիվ երկխոսության՝ առանց թաքնված օրակարգերի:Լավրովը հավելեց` Ռուսաստանը պատրաստ է շարունակել աջակցել Հայաստանին և Ադրբեջանին լիարժեք խաղաղության հասնելու գործում՝ խաղաղության պայմանագրի կնքման, տրանսպորտային և տնտեսական հաղորդակցությունների ապաշրջափակման, ինչպես նաև սահմանազատման և սահմանագծման անցկացման միջոցով: Այս գործընթացների համար ամուր հիմք է մնում 2020-2022 թվականներին բարձր մակարդակով ձեռք բերված եռակողմ պայմանավորվածությունների համալիրը։Լավրովը նաև նշեց Հարավային Կովկասի երկրներին և նրանց հարևաններին միավորող «3+3» տարածաշրջանային համագործակցության ձևաչափի զգալի ներուժը:«Արդեն երկու նախարարական հանդիպում է կայացել Թեհրանում և Ստամբուլում։ Այժմ քննարկվում է երրորդ հանդիպում անցկացնելու հնարավորությունը։ Նախորդ հանդիպումների արդյունքում մենք որոշակի լավատեսություն ունենք այդ հարթակի հեռանկարների վերաբերյալ»,-հայտարարեց նա։Նախարարի կարծիքով՝ այս ձևաչափը կարող է կարևոր հենարան դառնալ կայուն խաղաղության և անվտանգության ամրապնդման, տարածաշրջանի երկրների տրանսպորտային-տնտեսական կապերի և մշակութային փոխգործակցության զարգացման համար: Նա վստահություն հայտնեց, որ Հայաստանն ու Ադրբեջանը կարող են պայմանավորվել հաջորդ հանդիպումների անցկացման շուրջ, իսկ Ռուսաստանը պատրաստ է աջակցել այդ գործընթացին:Հիշեցնենք` Լավրովը Հայաստան է ժամանել երեկ` մայիսի 20-ին։ Նա իր հայաստանյան այցը սկսեց այսօր «Մայր Հայաստան» հուշարձանի անմար կրակի մոտ ծաղկեպսակ դնելով։ Այնուհետև ԱԳՆ–ում կայացավ Լավրովի և Միրզոյանի առանձնազրույցը, որին հաջորդեց ընդլայնված կազմով հանդիպումը։ Այնուհետև նրանք ստորագրեցին երկու երկրների արտաքին քաղաքական գերատեսչությունների միջև 2025-2026 թթ․ խորհրդակցությունների ծրագիրը։Ավելի ուշ Լավրովը հայ-ռուսական համալսարանում ելույթ կունենա ռուսական բուհերի մասնաճյուղերի դասախոսների, ուսանողների ու փորձագիտական հանրության առջև և Ռուսական տանը կհանդիպի հայրենակիցների հետ:Հանդիպում է նախատեսված նաև ՀՀ վարչապետ Նիկոլ Փաշինյանի հետ։Մենք խնամքով ենք վերաբերվում հայ և ռուս ժողովուրդների խոր կապերին. Լավրով
հարավային կովկաս
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, հարավային կովկաս, սերգեյ լավրով
ռուսաստան, հարավային կովկաս, սերգեյ լավրով
Հարավային Կովկասում ծագող հարցերը պետք է լուծեն տարածաշրջանի երկրները. Լավրով
Ռուսաստանը դեմ չէ արտատարածաշրջանային երկրների հետ հարաբերությունների զարգացմանը, եթե դրանք ուղղված չեն տարածաշրջանում լարվածության ստեղծմանը։
ԵՐԵՎԱՆ, 21 մայիսի – Sputnik. Հարավային Կովկասում ծագող հարցերը պետք է լուծվեն առաջին հերթին տարածաշրջանի երկրների կողմից։ Ռուսաստանի արտաքին գործերի նախարար Սերգեյ Լավրովն այս հայտարարությունն արեց Երևանում հայ գործընկերոջ` Արարատ Միրզոյանի հետ բանակցություններից հետո կայացած ասուլիսի ժամանակ:
Նա նշեց, որ տարածաշրջանային և միջազգային խնդիրների քննարկման ընթացքում հատուկ ուշադրություն է դարձվել Հարավային Կովկասում տիրող իրավիճակին:
«Մենք համոզված ենք, որ այստեղ ծագող հարցերը պետք է լուծվեն առաջին հերթին տարածաշրջանի պետությունների կողմից։ Մենք դեմ չենք արտատարածաշրջանային երկրների մասնակցությանը, ինչպես դա նախատեսված է միջազգային պրակտիկայում, բայց պայմանով, որ նրանց գործողություններն ուղղված չեն լարվածության ստեղծմանը և չեն անտեսում տեղի պետությունների շահերը հանուն աշխարհաքաղաքական խաղերի, որոնք երբեք և ոչ մի տեղ դրական արդյունքների չեն հանգեցրել»,-ընդգծեց Լավրովը։
Նա նշեց` Մոսկվան բաց է համագործակցության համար բոլոր նրանց հետ, ովքեր պատրաստ են ազնիվ երկխոսության՝ առանց թաքնված օրակարգերի:
Լավրովը հավելեց` Ռուսաստանը պատրաստ է շարունակել աջակցել Հայաստանին և Ադրբեջանին լիարժեք խաղաղության հասնելու գործում՝ խաղաղության պայմանագրի կնքման, տրանսպորտային և տնտեսական հաղորդակցությունների ապաշրջափակման, ինչպես նաև սահմանազատման և սահմանագծման անցկացման միջոցով: Այս գործընթացների համար ամուր հիմք է մնում 2020-2022 թվականներին բարձր մակարդակով ձեռք բերված եռակողմ պայմանավորվածությունների համալիրը։
Լավրովը նաև նշեց Հարավային Կովկասի երկրներին և նրանց հարևաններին միավորող «3+3» տարածաշրջանային համագործակցության ձևաչափի զգալի ներուժը:
«Արդեն երկու նախարարական հանդիպում է կայացել Թեհրանում և Ստամբուլում։ Այժմ քննարկվում է երրորդ հանդիպում անցկացնելու հնարավորությունը։ Նախորդ հանդիպումների արդյունքում մենք որոշակի լավատեսություն ունենք այդ հարթակի հեռանկարների վերաբերյալ»,-հայտարարեց նա։
Նախարարի կարծիքով՝ այս ձևաչափը կարող է կարևոր հենարան դառնալ կայուն խաղաղության և անվտանգության ամրապնդման, տարածաշրջանի երկրների տրանսպորտային-տնտեսական կապերի և մշակութային փոխգործակցության զարգացման համար: Նա վստահություն հայտնեց, որ Հայաստանն ու Ադրբեջանը կարող են պայմանավորվել հաջորդ հանդիպումների անցկացման շուրջ, իսկ Ռուսաստանը պատրաստ է աջակցել այդ գործընթացին:
Հիշեցնենք`
Լավրովը Հայաստան է ժամանել երեկ` մայիսի 20-ին։ Նա իր հայաստանյան այցը սկսեց այսօր «Մայր Հայաստան» հուշարձանի
անմար կրակի մոտ ծաղկեպսակ դնելով։ Այնուհետև ԱԳՆ–ում կայացավ Լավրովի և Միրզոյանի առանձնազրույցը, որին հաջորդեց ընդլայնված կազմով հանդիպումը։ Այնուհետև նրանք
ստորագրեցին երկու երկրների արտաքին քաղաքական գերատեսչությունների միջև 2025-2026 թթ․ խորհրդակցությունների ծրագիրը։
Ավելի ուշ Լավրովը հայ-ռուսական համալսարանում ելույթ կունենա ռուսական բուհերի մասնաճյուղերի դասախոսների, ուսանողների ու փորձագիտական հանրության առջև և Ռուսական տանը կհանդիպի հայրենակիցների հետ:
Հանդիպում է նախատեսված նաև ՀՀ վարչապետ Նիկոլ Փաշինյանի հետ։
