https://arm.sputniknews.ru/20250521/hajastann-u-rusastann-ancel-en-pvokhadardz-anvstahutjan-kam-viravvoranqi-puly-lavrvov-89202480.html
Հայաստանն ու Ռուսաստանն անցել են փոխադարձ անվստահության կամ վիրավորանքի փուլը. Լավրով
Հայաստանն ու Ռուսաստանն անցել են փոխադարձ անվստահության կամ վիրավորանքի փուլը. Լավրով
Sputnik Արմենիա
Ռուսաստանի ԱԳՆ ղեկավարը կարծում է, որ անցյալի դժգոհությունները վերապրելն անիմաստ է, հատկապես, երբ կան փաստեր, որոնք պետք է մեկնակետ դարձնել հիմա: 21.05.2025, Sputnik Արմենիա
2025-05-21T18:58+0400
2025-05-21T18:58+0400
2025-05-21T19:04+0400
սերգեյ լավրով
հայաստան
ռուսաստան
հայաստան-ռուսաստան համագործակցություն
հայ-ռուսական (սլավոնական) համալսարան
https://cdn.am.sputniknews.ru/img/07e9/05/15/89180454_0:0:1492:839_1920x0_80_0_0_12c62ab5671fc130adfaba368a4343ee.jpg
ԵՐԵՎԱՆ, 21 մայիսի - Sputnik. Հայաստանն ու Ռուսաստանն անցել են փոխադարձ անվստահության կամ վիրավորանքի փուլը։ Այս մասին հայտարարել է Ռուսաստանի արտգործնախարար Սերգեյ Լավրովը Հայաստանում ռուսական բուհերի մասնաճյուղերի դասախոսների և ուսանողների հետ հանդիպման ժամանակ, որը տեղի է ունեցել Հայ-ռուսական համալսարանում:Նրա խոսքով՝ նման տրամադրվածություն է եղել և՛ Հայաստանի արտգործնախարար Արարատ Միրզոյանի հետ բանակցությունների, և՛ նախագահ Վահագն Խաչատուրյանի հետ հանդիպման ընթացքում: Լավրովը հավելել է, որ անցյալի վիրավորանքները վերապրելն անիմաստ է, հատկապես, երբ կան փաստեր, որոնք պետք է մեկնակետ դարձնել հիմա:Նա նշել է, որ Հայաստանի ղեկավարությունն ավելի հաճախ է խոսում այն մասին, որ պետք է կենտրոնանալ ոչ թե պատմական Հայաստան վերադառնալու, այլ ժամանակակից պետականության ամրապնդման և այսօրվա իրողություններով ապրելու վրա։Նրա խոսքով` Ռուսաստանը նույն մոտեցումն ունի նաև միջազգային օրակարգի հարցերում, այդ թվում՝ Ուկրաինայում տիրող իրավիճակի հետ կապված։Հիշեցնենք` Լավրովը Հայաստան է ժամանել երեկ` մայիսի 20-ին։ Նա իր հայաստանյան այցը սկսեց այսօր «Մայր Հայաստան» հուշարձանի անմար կրակի մոտ ծաղկեպսակ դնելով։ Այնուհետև ԱԳՆ–ում կայացավ Լավրովի և Միրզոյանի առանձնազրույցը, որին հաջորդեց ընդլայնված կազմով հանդիպումը։ Այնուհետև նրանք ստորագրեցին երկու երկրների արտաքին քաղաքական գերատեսչությունների միջև 2025-2026 թթ․ խորհրդակցությունների ծրագիրը։Հանդիպում է նախատեսված նաև ՀՀ վարչապետ Նիկոլ Փաշինյանի հետ։Մենք խնամքով ենք վերաբերվում հայ և ռուս ժողովուրդների խոր կապերին. Լավրով
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սերգեյ լավրով, հայաստան, ռուսաստան, հայաստան-ռուսաստան համագործակցություն, հայ-ռուսական (սլավոնական) համալսարան
սերգեյ լավրով, հայաստան, ռուսաստան, հայաստան-ռուսաստան համագործակցություն, հայ-ռուսական (սլավոնական) համալսարան
Հայաստանն ու Ռուսաստանն անցել են փոխադարձ անվստահության կամ վիրավորանքի փուլը. Լավրով
18:58 21.05.2025 (Թարմացված է: 19:04 21.05.2025) Ռուսաստանի ԱԳՆ ղեկավարը կարծում է, որ անցյալի դժգոհությունները վերապրելն անիմաստ է, հատկապես, երբ կան փաստեր, որոնք պետք է մեկնակետ դարձնել հիմա:
ԵՐԵՎԱՆ, 21 մայիսի - Sputnik. Հայաստանն ու Ռուսաստանն անցել են փոխադարձ անվստահության կամ վիրավորանքի փուլը։ Այս մասին հայտարարել է Ռուսաստանի արտգործնախարար Սերգեյ Լավրովը Հայաստանում ռուսական բուհերի մասնաճյուղերի դասախոսների և ուսանողների հետ հանդիպման ժամանակ, որը տեղի է ունեցել Հայ-ռուսական համալսարանում:
Նրա խոսքով՝ նման տրամադրվածություն է եղել և՛ Հայաստանի արտգործնախարար Արարատ Միրզոյանի հետ բանակցությունների, և՛ նախագահ Վահագն Խաչատուրյանի հետ հանդիպման ընթացքում: Լավրովը հավելել է, որ անցյալի վիրավորանքները վերապրելն անիմաստ է, հատկապես, երբ կան փաստեր, որոնք պետք է մեկնակետ դարձնել հիմա:
Նա նշել է, որ Հայաստանի ղեկավարությունն ավելի հաճախ է խոսում այն մասին, որ պետք է կենտրոնանալ ոչ թե պատմական Հայաստան վերադառնալու, այլ ժամանակակից պետականության ամրապնդման և այսօրվա իրողություններով ապրելու վրա։
«Համաձայն եմ. անցյալում անհնար է գտնել այնպիսի լուծումներ, որոնք արդիական կլինեն այսօր։ Ինչպես ասում են, հինը հիշողի աչքը հանում են: Բայց անցյալն էլ չի կարելի մոռանալ։ Հանուն սեփական երկրի, ժողովրդի, հավատքի կատարած սխրանքները պետք է մնան հիշողության մեջ, փոխանցվեն մատաղ սերնդին։ Սակայն գործնական որոշումներ պետք է ընդունել՝ ելնելով ներկայի իրական պայմաններից», - ընդգծել է Լավրովը։
Նրա խոսքով` Ռուսաստանը նույն մոտեցումն ունի նաև միջազգային օրակարգի հարցերում, այդ թվում՝ Ուկրաինայում տիրող իրավիճակի հետ կապված։
Հիշեցնենք`
Լավրովը Հայաստան է ժամանել երեկ` մայիսի 20-ին։ Նա իր հայաստանյան այցը սկսեց այսօր «Մայր Հայաստան» հուշարձանի
անմար կրակի մոտ ծաղկեպսակ դնելով։ Այնուհետև ԱԳՆ–ում կայացավ Լավրովի և Միրզոյանի առանձնազրույցը, որին հաջորդեց ընդլայնված կազմով հանդիպումը։ Այնուհետև նրանք
ստորագրեցին երկու երկրների արտաքին քաղաքական գերատեսչությունների միջև 2025-2026 թթ․ խորհրդակցությունների ծրագիրը։
Հանդիպում է նախատեսված նաև ՀՀ վարչապետ Նիկոլ Փաշինյանի հետ։
