https://arm.sputniknews.ru/20250514/2026-tvakanin-hajkakan-aek-y-45-amsvov-kkangni-erkaratev-veranvorvogman-88933466.html
2026 թվականին Հայկական ԱԷԿ-ը 4,5 ամսով կկանգնի երկարատև վերանորոգման
2026 թվականին Հայկական ԱԷԿ-ը 4,5 ամսով կկանգնի երկարատև վերանորոգման
Sputnik Արմենիա
Վերանորոգման շրջանի հիմնական խնդիրը կլինի կայանի վթարային հովացման համակարգի փոխարինումը։ Աշխատանքները կիրականացվեն ռուսաստանցի մասնագետների մասնակցությամբ։ 14.05.2025, Sputnik Արմենիա
2025-05-14T17:13+0400
2025-05-14T17:13+0400
2025-05-14T17:13+0400
հայաստան
ատոմակայան
մովսես վարդանյան
https://cdn.am.sputniknews.ru/img/07e9/05/0e/88924413_0:0:1600:901_1920x0_80_0_0_3e18fcdc8fe0c4145208405905fc5f42.jpg
ԵՐԵՎԱՆ, 14 մայիսի – Sputnik. Հայկական ԱԷԿ-ը 2026 թվականին 4,5 ամիս կկանգնի պլանային վերանորոգման։ Այս մասին հայտնեց կայանի գլխավոր տնօրենի առաջին տեղակալ Մովսես Վարդանյանը Հայաստանում Ռուսաստանի դեսպան Սերգեյ Կոպիրկինի՝ ատոմակայան կատարած այցի ժամանակ:Վերանորոգման հիմնական խնդիրը կլինի վթարային հովացման համակարգի փոխարինումը։ Անհրաժեշտ սարքավորումների մատակարարումն իրականացնում է «Ռուսատոմ Սերվիս» ընկերությունը, որը ռուսական «Ռոսատոմ» պետական կորպորացիայի դուստր ձեռնարկությունն է: Անմիջապես աշխատանքը կկատարի մեկ այլ «դուստր» կառույց՝ «Ատոմէներգորեմոնտը»։Մայիսի 15-ի կեսգիշերից Հայկական ԱԷԿ-ի աշխատանքը կկանգնեցվի 60-օրյա վերանորոգման համարԱյժմ կայանում ներգրավված են հինգ ռուսաստանցի մասնագետներ, սակայն 2026 թվականին նրանց թիվը կհասնի մոտ 200-ի: Ընթացիկ տարում նախատեսվում է ավարտել հովացման աշտարակների վերանորոգումը, ինչպես նաև նոր ենթակայանի կառուցումը, որը կապահովի կայանի միացումը ընդհանուր էլեկտրացանցին:Արդիականացման համալիր աշխատանքների ավարտից հետո կայանը նախատեսում է 2031 թվականին ստանալ 10 տարի ժամկետով (մինչև 2041 թվականը) նոր լիցենզիա։ Դա թույլ կտա գործող էներգաբլոկին աշխատել առնվազն մինչև 2036 թվականը, իսկ անհրաժեշտության դեպքում՝ մինչև նոր էներգաբլոկի շահագործման հանձնումը: Դրանից հետո հին էներգաբլոկը դուրս կբերվի շահագործումից։Հիշեցնենք, որ Հայաստանի գործող ԱԷԿ-ը պետք է աշխատանքը ավարտեր 2016 թվականին, սակայն շահագործման ժամկետը սկզբում երկարաձգվեց մինչև 2026 թվականը, իսկ հետո՝ մինչև 2036 թվականը: Աշխատանքների հիմնական մասն իրականացվել է ռուսական վարկային և դրամաշնորհային միջոցների հաշվին (189 մլն դոլար), մյուս մասը (63,2 մլրդ դրամ կամ 162,8 մլն դոլար)` ՀՀ պետբյուջեի հաշվին։Երբ կընտրվի նոր էներգաբլոկի նոր մոդելը. ՀԱԷԿ-ի գլխավոր տնօրենի պատասխանը
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ատոմակայան, մովսես վարդանյան
հայաստան, ատոմակայան, մովսես վարդանյան
2026 թվականին Հայկական ԱԷԿ-ը 4,5 ամսով կկանգնի երկարատև վերանորոգման
Վերանորոգման շրջանի հիմնական խնդիրը կլինի կայանի վթարային հովացման համակարգի փոխարինումը։ Աշխատանքները կիրականացվեն ռուսաստանցի մասնագետների մասնակցությամբ։
ԵՐԵՎԱՆ, 14 մայիսի – Sputnik. Հայկական ԱԷԿ-ը 2026 թվականին 4,5 ամիս կկանգնի պլանային վերանորոգման։ Այս մասին հայտնեց կայանի գլխավոր տնօրենի առաջին տեղակալ Մովսես Վարդանյանը Հայաստանում Ռուսաստանի դեսպան Սերգեյ Կոպիրկինի՝ ատոմակայան կատարած այցի ժամանակ:
Վերանորոգման հիմնական խնդիրը կլինի վթարային հովացման համակարգի փոխարինումը։ Անհրաժեշտ սարքավորումների մատակարարումն իրականացնում է «Ռուսատոմ Սերվիս» ընկերությունը, որը ռուսական «Ռոսատոմ» պետական կորպորացիայի դուստր ձեռնարկությունն է: Անմիջապես աշխատանքը կկատարի մեկ այլ «դուստր» կառույց՝ «Ատոմէներգորեմոնտը»։
Այժմ կայանում ներգրավված են հինգ ռուսաստանցի մասնագետներ, սակայն 2026 թվականին նրանց թիվը կհասնի մոտ 200-ի: Ընթացիկ տարում նախատեսվում է ավարտել հովացման աշտարակների վերանորոգումը, ինչպես նաև նոր ենթակայանի կառուցումը, որը կապահովի կայանի միացումը ընդհանուր էլեկտրացանցին:
Արդիականացման համալիր աշխատանքների ավարտից հետո կայանը նախատեսում է 2031 թվականին ստանալ 10 տարի ժամկետով (մինչև 2041 թվականը) նոր լիցենզիա։ Դա թույլ կտա գործող էներգաբլոկին աշխատել առնվազն մինչև 2036 թվականը, իսկ անհրաժեշտության դեպքում՝ մինչև նոր էներգաբլոկի շահագործման հանձնումը: Դրանից հետո հին էներգաբլոկը դուրս կբերվի շահագործումից։
Հիշեցնենք, որ Հայաստանի գործող ԱԷԿ-ը պետք է աշխատանքը ավարտեր 2016 թվականին, սակայն շահագործման ժամկետը սկզբում երկարաձգվեց մինչև 2026 թվականը, իսկ հետո՝ մինչև 2036 թվականը: Աշխատանքների հիմնական մասն իրականացվել է ռուսական վարկային և դրամաշնորհային միջոցների հաշվին (189 մլն դոլար), մյուս մասը (63,2 մլրդ դրամ կամ 162,8 մլն դոլար)` ՀՀ պետբյուջեի հաշվին։
