https://arm.sputniknews.ru/20250505/hndkastann-azbic-pahanjel-e-krtshatel-pakistani-finansavvorumy-88612551.html
Հնդկաստանն ԱԶԲ–ից պահանջել է կրճատել Պակիստանի ֆինանսավորումը
Հնդկաստանն ԱԶԲ–ից պահանջել է կրճատել Պակիստանի ֆինանսավորումը
Sputnik Արմենիա
Բանկը ներդրումներ է անում Պակիստանի էներգետիկայի, պարենային անվտանգության, տրանսպորտի և սոցիալական ոլորտներում: 05.05.2025, Sputnik Արմենիա
2025-05-05T18:06+0400
2025-05-05T18:06+0400
2025-05-05T18:07+0400
հնդկաստան
պակիստան
ասիական զարգացման բանկ (ազբ)
https://cdn.am.sputniknews.ru/img/07e5/05/13/27602585_0:504:2048:1656_1920x0_80_0_0_ee42aa46b88d42a1d8e9e270cf9574fc.jpg
ԵՐԵՎԱՆ, 5 մայիսի – Sputnik. Հնդկաստանը Ասիական զարգացման բանկից (ԱԶԲ) պահանջել է կրճատել Պակիստանի ֆինանսավորման ծավալները: Տեղեկությունը հայտնում է ANI գործակալությունը՝ հղում անելով իր աղբյուրներին։ԶԼՄ–ի տվյալներով՝ Հնդկաստանի ֆինանսների նախարար Նիրմալա Սիթհարամանը համապատասխան պահանջը հնչեցրել է ԱԶԲ-ի նախագահ Մասատո Կանդայի հետ հանդիպման ժամանակ: Բանակցությունները տեղի են ունեցել Միլանում բանկի 58-րդ ամենամյա նստաշրջանի շրջանակում:Նշվում է, որ Պակիստանի հարցը օրակարգի կետերից մեկն է եղել։ ԱԶԲ-ի կայքում հրապարակված հաղորդագրության համաձայն` բանկը ներդրումներ է անում Պակիստանի զարգացման մեջ` էներգետիկա, պարենային անվտանգություն, տրանսպորտ և սոցիալական ոլորտ:2024 թվականի վերջի դրությամբ երկիրը ԱԶԲ-ից ստացել է 764 վարկ, դրամաշնորհ և տեխնիկական աջակցության փաթեթ՝ ընդհանուր 43,4 միլիարդ դոլար արժողությամբ: Աղբյուրները նաև հայտնել են, որ Հնդկաստանը մտադիր է դիմել փողերի լվացման դեմ պայքարի ֆինանսական միջոցների մշակման խմբին (FATF)՝ առաջարկելով Պակիստանին կրկին ներառել «մոխրագույն ցուցակում»՝ այն երկրների ցանկում, որոնք սպառնալիք են ներկայացնում ահաբեկչության ֆինանսավորման և փողերի լվացման ոլորտում: Պակիստանն այս ցուցակում էր 2018-ից 2022 թվականներին։Հիշեցնենք՝ Հնդկաստանի և Պակիստանի միջև հարաբերությունները կտրուկ վատացել են Պահալգամ քաղաքում ապրիլի 22-ին իրականացված ահաբեկչությունից հետո, ինչի հետևանքով զոհվել են Հնդկաստանի 25 և Նեպալի 1 քաղաքացի, կան բազմաթիվ վիրավորներ։ Ահաբեկիչներին հաջողվել է թաքնվել։ Հնդկաստանի հետախուզական ծառայությունները հայտնաբերել են ապացույցներ, որ «Լաշքար-է-Թայբա» խմբավորման իրականացրած ահաբեկչական գործողությանը մասնակցել է Պակիստանի միջգերատեսչական հետախուզությունը (ISI)։Ահաբեկչությունից հետո Հնդկաստանը գրեթե երկու անգամ կրճատել է Իսլամաբադում իր դեսպանության աշխատակիցների թիվը, անցանկալի անձ է հայտարարել Հնդկաստանում Պակիստանի դիվանագիտական ներկայացուցչության ռազմական խորհրդականներին, փակել է Պակիստանի հետ սահմանին գտնվող «Աթթարի» առանցքային անցակետը:Բացի այդ, Հնդկաստանի իշխանությունները կասեցրել են Իսլամաբադի հետ ջրային ռեսուրսների բաշխման մասին համաձայնագրի գործողությունը, իսկ կառավարությունը որոշում է ընդունել անհապաղ դադարեցնել վիզաների տրամադրումը Պակիստանի քաղաքացիներին և ապրիլի 27-ից չեղարկել ավելի վաղ տրամադրվածները:Հնդկաստանի ռազմական ներխուժումն անխուսափելի է․ Պակիստանի ՊՆ
հնդկաստան
պակիստան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հնդկաստան, պակիստան, ասիական զարգացման բանկ (ազբ)
հնդկաստան, պակիստան, ասիական զարգացման բանկ (ազբ)
Հնդկաստանն ԱԶԲ–ից պահանջել է կրճատել Պակիստանի ֆինանսավորումը
18:06 05.05.2025 (Թարմացված է: 18:07 05.05.2025) Բանկը ներդրումներ է անում Պակիստանի էներգետիկայի, պարենային անվտանգության, տրանսպորտի և սոցիալական ոլորտներում:
ԵՐԵՎԱՆ, 5 մայիսի – Sputnik. Հնդկաստանը Ասիական զարգացման բանկից (ԱԶԲ) պահանջել է կրճատել Պակիստանի ֆինանսավորման ծավալները: Տեղեկությունը հայտնում է ANI գործակալությունը՝ հղում անելով իր աղբյուրներին։
ԶԼՄ–ի տվյալներով՝ Հնդկաստանի ֆինանսների նախարար Նիրմալա Սիթհարամանը համապատասխան պահանջը հնչեցրել է ԱԶԲ-ի նախագահ Մասատո Կանդայի հետ հանդիպման ժամանակ: Բանակցությունները տեղի են ունեցել Միլանում բանկի 58-րդ ամենամյա նստաշրջանի շրջանակում:
Նշվում է, որ Պակիստանի հարցը օրակարգի կետերից մեկն է եղել։ ԱԶԲ-ի կայքում հրապարակված հաղորդագրության համաձայն` բանկը ներդրումներ է անում Պակիստանի զարգացման մեջ` էներգետիկա, պարենային անվտանգություն, տրանսպորտ և սոցիալական ոլորտ:
2024 թվականի վերջի դրությամբ երկիրը ԱԶԲ-ից ստացել է 764 վարկ, դրամաշնորհ և տեխնիկական աջակցության փաթեթ՝ ընդհանուր 43,4 միլիարդ դոլար արժողությամբ: Աղբյուրները նաև հայտնել են, որ Հնդկաստանը մտադիր է դիմել փողերի լվացման դեմ պայքարի ֆինանսական միջոցների մշակման խմբին (FATF)՝ առաջարկելով Պակիստանին կրկին ներառել «մոխրագույն ցուցակում»՝ այն երկրների ցանկում, որոնք սպառնալիք են ներկայացնում ահաբեկչության ֆինանսավորման և փողերի լվացման ոլորտում: Պակիստանն այս ցուցակում էր 2018-ից 2022 թվականներին։
Հիշեցնենք՝ Հնդկաստանի և Պակիստանի միջև հարաբերությունները կտրուկ վատացել են Պահալգամ քաղաքում
ապրիլի 22-ին իրականացված ահաբեկչությունից հետո, ինչի հետևանքով զոհվել են Հնդկաստանի 25 և Նեպալի 1 քաղաքացի, կան բազմաթիվ վիրավորներ։ Ահաբեկիչներին հաջողվել է թաքնվել։ Հնդկաստանի հետախուզական ծառայությունները հայտնաբերել են ապացույցներ, որ «Լաշքար-է-Թայբա» խմբավորման իրականացրած ահաբեկչական գործողությանը մասնակցել է Պակիստանի միջգերատեսչական հետախուզությունը (ISI)։
Ահաբեկչությունից հետո Հնդկաստանը գրեթե երկու անգամ կրճատել է Իսլամաբադում իր դեսպանության աշխատակիցների թիվը, անցանկալի անձ է հայտարարել Հնդկաստանում Պակիստանի դիվանագիտական ներկայացուցչության ռազմական խորհրդականներին, փակել է Պակիստանի հետ սահմանին գտնվող «Աթթարի» առանցքային անցակետը:
Բացի այդ, Հնդկաստանի իշխանությունները կասեցրել են Իսլամաբադի հետ ջրային ռեսուրսների բաշխման մասին համաձայնագրի գործողությունը, իսկ կառավարությունը որոշում է ընդունել անհապաղ դադարեցնել վիզաների տրամադրումը Պակիստանի քաղաքացիներին և ապրիլի 27-ից չեղարկել ավելի վաղ տրամադրվածները:
