https://arm.sputniknews.ru/20250503/rus-tiezeragnacnery-dardzel-en-tenisi-armenian-diaspora-cup-2025-mrcashari-haghtvogh-88562023.html
Ռուս տիեզերագնացները դարձել են թենիսի Armenian Diaspora Cup-2025 մրցաշարի հաղթող
Ռուս տիեզերագնացները դարձել են թենիսի Armenian Diaspora Cup-2025 մրցաշարի հաղթող
Sputnik Արմենիա
Մրցումներն անցկացվել են օլիմպիական համակարգով. առաջին փուլում որոշվել են ենթախմբերի ուժեղագույն զույգերը, ապա խաղարկվել են մրցանակային տեղերը: 03.05.2025, Sputnik Արմենիա
2025-05-03T16:55+0400
2025-05-03T16:55+0400
2025-05-03T16:55+0400
թենիս
տիեզերագնաց
երևան
ռոսկոսմոս
ռուս
https://cdn.am.sputniknews.ru/img/07e9/05/03/88556234_0:66:1280:786_1920x0_80_0_0_15fbf5d776caa9769c347f94d278ce94.jpg
ԵՐԵՎԱՆ, 3 մայիսի - Sputnik. Armenian Diaspora Cup-2025 թենիսի մրցաշարի «Սիրողականներ» անվանակարգում հաղթողներ են դարձել Ռուսաստանի հերոսներ, տիեզերագնաց օդաչուներ Սերգեյ Զալետինը և Վադիմ Ուչովիչը: Այս մասին հայտնում են մրցույթի կազմակերպիչները։Մրցաշարը մեկնարկել է մայիսի 1-ին Երևանում՝ Մոսկվայի տան աջակցությամբ, մասնակցել են 60-ից ավելի խաղացողներ Հայաստանից, Ռուսաստանից, Վրաստանից, Ղրղզստանից, ԱՄՆ-ից և եվրոպական երկրներից: Մրցույթին մասնակցել են հայկական սփյուռքի ներկայացուցիչներ, դիվանագետներ, հասարակական գործիչներ, մեկենասներ, ինչպես նաև «Ռոսկոսմոսի» տիեզերագնացներ:Մրցաշարը ոչ պաշտոնապես ստացել է «Տիեզերական» անվանումը, քանի որ արդեն մի քանի տարի անընդմեջ այնտեղ հաղթում են ռուս տիեզերագնացները: Նրանցից մեկը՝ Սերգեյ Զալետինը, նշել է, որ նման միջոցառումներին մասնակցությունը կարևոր է համարում Մոսկվայի և Երևանի միջև կապերի ամրապնդման համար։Կազմկոմիտեի հիմնադիր և նախագահ Մակար Նահապետյանն իր հերթին ընդգծել է, որ մրցումների նպատակը ոչ միայն թենիսի զարգացումն է, այլև միջազգային երիտասարդական և մասնագիտական համագործակցության ընդլայնումը: Նա խոստացել է, որ մրցաշարը կշարունակվի և կզարգանա:Մրցաշարի սուպերվայզեր, սպորտի վարպետի թեկնածու Արմեն Ավետիսյանը բարձր է գնահատել մասնակիցների պատրաստվածության մակարդակը: Նա ընդգծել է, որ մրցաշարը դուրս է գալիս սպորտի շրջանակներից՝ նպաստելով միջազգային կապերի հաստատմանն ու մշակութային փոխանակմանը:Նշենք, որ մրցումներն անցկացվել են օլիմպիական համակարգով. մասնակիցները նախ խաղացել են ենթախմբերում, ապա լավագույն զույգերը պայքարել են մրցանակային տեղերի համար:Հիմնական անվանակարգերում հաղթողներն են՝ «Պրոֆեսիոնալներ»՝ Արամ Մարտիրոսյան և Էդուարդ Քալանթարյան (առաջին տեղ), «Pro-Am»՝ Հայկ Դավթյան և Արամ Մարտիրոսյան, «Միքսթ» (խառը զույգեր)՝ Սոֆիա Սապրիկինա և Յուրի Այվազյան:
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թենիս, տիեզերագնաց, երևան, ռոսկոսմոս, ռուս
թենիս, տիեզերագնաց, երևան, ռոսկոսմոս, ռուս
Ռուս տիեզերագնացները դարձել են թենիսի Armenian Diaspora Cup-2025 մրցաշարի հաղթող
Մրցումներն անցկացվել են օլիմպիական համակարգով. առաջին փուլում որոշվել են ենթախմբերի ուժեղագույն զույգերը, ապա խաղարկվել են մրցանակային տեղերը:
ԵՐԵՎԱՆ, 3 մայիսի - Sputnik. Armenian Diaspora Cup-2025 թենիսի մրցաշարի «Սիրողականներ» անվանակարգում հաղթողներ են դարձել Ռուսաստանի հերոսներ, տիեզերագնաց օդաչուներ Սերգեյ Զալետինը և Վադիմ Ուչովիչը: Այս մասին հայտնում են մրցույթի կազմակերպիչները։
Մրցաշարը մեկնարկել է մայիսի 1-ին Երևանում՝ Մոսկվայի տան աջակցությամբ, մասնակցել են 60-ից ավելի խաղացողներ Հայաստանից, Ռուսաստանից, Վրաստանից, Ղրղզստանից, ԱՄՆ-ից և եվրոպական երկրներից: Մրցույթին մասնակցել են հայկական սփյուռքի ներկայացուցիչներ, դիվանագետներ, հասարակական գործիչներ, մեկենասներ, ինչպես նաև «Ռոսկոսմոսի» տիեզերագնացներ:
Մրցաշարը ոչ պաշտոնապես ստացել է «Տիեզերական» անվանումը, քանի որ արդեն մի քանի տարի անընդմեջ այնտեղ հաղթում են ռուս տիեզերագնացները: Նրանցից մեկը՝ Սերգեյ Զալետինը, նշել է, որ նման միջոցառումներին մասնակցությունը կարևոր է համարում Մոսկվայի և Երևանի միջև կապերի ամրապնդման համար։
Կազմկոմիտեի հիմնադիր և նախագահ Մակար Նահապետյանն իր հերթին ընդգծել է, որ մրցումների նպատակը ոչ միայն թենիսի զարգացումն է, այլև միջազգային երիտասարդական և մասնագիտական համագործակցության ընդլայնումը: Նա խոստացել է, որ մրցաշարը կշարունակվի և կզարգանա:
Մրցաշարի սուպերվայզեր, սպորտի վարպետի թեկնածու Արմեն Ավետիսյանը բարձր է գնահատել մասնակիցների պատրաստվածության մակարդակը: Նա ընդգծել է, որ մրցաշարը դուրս է գալիս սպորտի շրջանակներից՝ նպաստելով միջազգային կապերի հաստատմանն ու մշակութային փոխանակմանը:
Նշենք, որ մրցումներն անցկացվել են օլիմպիական համակարգով. մասնակիցները նախ խաղացել են ենթախմբերում, ապա լավագույն զույգերը պայքարել են մրցանակային տեղերի համար:
Հիմնական անվանակարգերում հաղթողներն են՝ «Պրոֆեսիոնալներ»՝ Արամ Մարտիրոսյան և Էդուարդ Քալանթարյան (առաջին տեղ), «Pro-Am»՝ Հայկ Դավթյան և Արամ Մարտիրոսյան, «Միքսթ» (խառը զույգեր)՝ Սոֆիա Սապրիկինա և Յուրի Այվազյան:
