https://arm.sputniknews.ru/20250502/libanany-hamas-in-zgushacrel-e-zerts-mnal-erkri-anvtangutjany-sparnacvogh-gvortsvoghutjunneric-88533030.html
Լիբանանը ՀԱՄԱՍ-ին զգուշացրել է զերծ մնալ երկրի անվտանգությանը սպառնացող գործողություններից
Լիբանանը ՀԱՄԱՍ-ին զգուշացրել է զերծ մնալ երկրի անվտանգությանը սպառնացող գործողություններից
Sputnik Արմենիա
Խախտումների դեպքում հնարավորինս կոշտ և անհրաժեշտ միջոցներ կձեռնարկվեն Լիբանանի ինքնիշխանությանը սպառնացող գործողությունները վերջնականապես կասեցնելու համար: 02.05.2025, Sputnik Արմենիա
2025-05-02T17:02+0400
2025-05-02T17:02+0400
2025-05-02T17:03+0400
լիբանան
համաս
իսրայել
https://cdn.am.sputniknews.ru/img/07e7/04/07/57841191_176:141:1548:913_1920x0_80_0_0_0a33c1d5c75b6e04f0bbbfebc3cb8805.jpg
ԵՐԵՎԱՆ, 2 մայիսի - Sputnik. Լիբանանի պաշտպանության բարձրագույն խորհուրդը ՀԱՄԱՍ շարժմանը զգուշացրել է զերծ մնալ երկրի ազգային անվտանգությանը սպառնացող ցանկացած գործողություն իրականացնելու համար պետության տարածքն օգտագործելուց: Այս մասին հայտարարել է բրիգադային գեներալ Մուհամմադ ալ-Մուստաֆան։Գեներալի խոսքով՝ հաջորդ շաբաթվա սկզբին խորհուրդը կքննարկի 2025 թվականի մարտի 22-ին և 28-ին հրթիռների արձակման գործով բոլոր ձերբակալվածների գործերը, պատասխանատվության կենթարկվեն բոլոր նրանք, որոնց մասնակցությունը կապացուցվի:Մեկ տարվա շարունակական զինված հակամարտությունից հետո, 2024 թվականի նոյեմբերին Իսրայելի իշխանությունների հետ ձեռք բերված հրադադարի համաձայնագրով, այս տարվա փետրվարին Իսրայելի պաշտպանության բանակն ավարտել է զորքերի դուրսբերումը Հարավային Լիբանանից։ Սակայն իսրայելական բանակը մնացել է Լիբանանի հարավային մասում գտնվող հինգ ռազմավարական դիրքերում՝ դա բացատրելով անվտանգության վերահսկողությամբ:Լիբանանի ղեկավարությունն իր հերթին պետք է ապահովեր «Հզբոլլահի» ուժերի լիակատար դուրսբերումը Լիտանի գետից հյուսիս, որը տարբեր տեղերում հոսում է Իսրայելի հետ սահմանից 20-30 կմ հեռավորության վրա: Այնինչ Բեյրութը չի կարողացել պաշտոնապես հաստատել, որ համաձայնագրի այդ պայմանն ամբողջությամբ կատարվել է։ Հակառակ ձեռք բերված պայմանավորվածությունների՝ իսրայելական բանակն ամեն օր շարունակում է հարվածներ հասցնել Լիբանանի տարածքում գտնվող օբյեկտներին, ինչի հետևանքով զոհվում եմ մարդիկ, այդ թվում՝ խաղաղ քաղաքացիներ:
լիբանան
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լիբանան, համաս, իսրայել
Լիբանանը ՀԱՄԱՍ-ին զգուշացրել է զերծ մնալ երկրի անվտանգությանը սպառնացող գործողություններից
17:02 02.05.2025 (Թարմացված է: 17:03 02.05.2025) Խախտումների դեպքում հնարավորինս կոշտ և անհրաժեշտ միջոցներ կձեռնարկվեն Լիբանանի ինքնիշխանությանը սպառնացող գործողությունները վերջնականապես կասեցնելու համար:
ԵՐԵՎԱՆ, 2 մայիսի - Sputnik. Լիբանանի պաշտպանության բարձրագույն խորհուրդը ՀԱՄԱՍ շարժմանը զգուշացրել է զերծ մնալ երկրի ազգային անվտանգությանը սպառնացող ցանկացած գործողություն իրականացնելու համար պետության տարածքն օգտագործելուց: Այս մասին հայտարարել է բրիգադային գեներալ Մուհամմադ ալ-Մուստաֆան։
«Խախտումների դեպքում հնարավորինս կոշտ և անհրաժեշտ գործողություններ կձեռնարկվեն Լիբանանի ինքնիշխանությանը սպառնացող գործողությունները վերջնականապես կասեցնելու համար»,-ասել է ալ-Մուստաֆան։
Գեներալի խոսքով՝ հաջորդ շաբաթվա սկզբին խորհուրդը կքննարկի 2025 թվականի մարտի 22-ին և 28-ին հրթիռների արձակման գործով բոլոր ձերբակալվածների գործերը, պատասխանատվության կենթարկվեն բոլոր նրանք, որոնց մասնակցությունը կապացուցվի:
Մեկ տարվա շարունակական զինված հակամարտությունից հետո, 2024 թվականի նոյեմբերին Իսրայելի իշխանությունների հետ ձեռք բերված հրադադարի համաձայնագրով, այս տարվա փետրվարին Իսրայելի պաշտպանության բանակն ավարտել է զորքերի դուրսբերումը Հարավային Լիբանանից։ Սակայն իսրայելական բանակը մնացել է Լիբանանի հարավային մասում գտնվող հինգ ռազմավարական դիրքերում՝ դա բացատրելով անվտանգության վերահսկողությամբ:
Լիբանանի ղեկավարությունն իր հերթին պետք է ապահովեր «Հզբոլլահի» ուժերի լիակատար դուրսբերումը Լիտանի գետից հյուսիս, որը տարբեր տեղերում հոսում է Իսրայելի հետ սահմանից 20-30 կմ հեռավորության վրա: Այնինչ Բեյրութը չի կարողացել պաշտոնապես հաստատել, որ համաձայնագրի այդ պայմանն ամբողջությամբ կատարվել է։ Հակառակ ձեռք բերված պայմանավորվածությունների՝ իսրայելական բանակն ամեն օր շարունակում է հարվածներ հասցնել Լիբանանի տարածքում գտնվող օբյեկտներին, ինչի հետևանքով զոհվում եմ մարդիկ, այդ թվում՝ խաղաղ քաղաքացիներ:
