https://arm.sputniknews.ru/20250502/hajastani-3-marzum-dadarecvel-e-hvkak-i-labvoratvorianeri-ashkhatanqy-88519591.html
Հայաստանի 3 մարզում դադարեցվել է ՀՎԿԱԿ-ի լաբորատորիաների աշխատանքը
Հայաստանի 3 մարզում դադարեցվել է ՀՎԿԱԿ-ի լաբորատորիաների աշխատանքը
Sputnik Արմենիա
Տնօրենի խոսքով՝ աշխատանքները շարունակվում են ողջ ծավալով իրականացվել, պարզապես փորձանմուշները հետազոտվում են ոչ թե մարզային, այլ Երևանի ռեֆերենս... 02.05.2025, Sputnik Արմենիա
2025-05-02T13:33+0400
2025-05-02T13:33+0400
2025-05-02T14:42+0400
հայաստան
լաբորատորիա
ստեփան աթոյան
հիվանդությունների վերահսկման և կանխարգելման ազգային կենտրոն
https://cdn.am.sputniknews.ru/img/07e7/0b/07/68323757_0:0:1224:690_1920x0_80_0_0_cb2a1fef3837d33d5ae0454302f78971.jpg
ԵՐԵՎԱՆ, 2 մայիսի – Sputnik. Հայաստանի 3 մարզում Հիվանդությունների վերահսկման և կանխարգելման ազգային կենտրոնի լաբորատորիաներն արդեն օպտիմալացվել են, այսինքն՝ աշխատանքները դադարեցվել են։ Աղվերանում լրագրողների հետ արտագնա հանդիպման ժամանակ հայտնեց կենտրոնի տնօրեն Ստեփան Աթոյանը։Խոսքը վերաբերում է Արմավիրի, Կոտայքի և Արագածոտնի մարզերի լաբորատորիաներին՝ մանրէաբանական, քիմիական և մակաբուծաբանական։Տնօրենը բացատրեց՝ ՀՎԿԱԿ-ն ամեն մարզում ունի մեկական մասնաճյուղ և դրանց կազմում գործող լաբորատորիաներ, որոնք գործում են տարբեր ծավալով։Հաշվի առնելով աշխատանքների արդյունավետությունը՝ որոշում է կայացվել մոտ մարզերի մասնաճյուղերի լաբորատոր գործունեությունը դադարեցնել։Նրա խոսքով՝ լաբորատոր փորձանմուշները վերցվում են, վերջին՝ լաբորատոր հետազոտության փուլն իրականացվում է ռեֆերենս լաբորատոր կենտրոնում։Աթոյանը շեշտեց՝ այսօր ամբողջ աշխարհում լաբորատորիաներին խիստ պահանջներ են ներկայացվում, մեր երկիրն այս հարցում բավականին հետ էր, սակայն հիմա մեծ քայլերով առաջ է գնում։ Ըստ նրա` խոսքը չի վերաբերում լաբորատոր հետազոտության, լաբորատոր արդյունքի որակին, այն միշտ պահպանվել է։ Խիստ պահանջները վերաբերում են նաև, օրինակ, աշխատանքային պրոցեսների կազմակերպման որակին, շենքային պայմաններին։ՀՎԿԱԿ-ի տնօրենը վստահեցրեց, որ մյուս մարզերում լաբորատորիաների օպտիմալացում չի իրականացվելու։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, լաբորատորիա, ստեփան աթոյան, հիվանդությունների վերահսկման և կանխարգելման ազգային կենտրոն
հայաստան, լաբորատորիա, ստեփան աթոյան, հիվանդությունների վերահսկման և կանխարգելման ազգային կենտրոն
Հայաստանի 3 մարզում դադարեցվել է ՀՎԿԱԿ-ի լաբորատորիաների աշխատանքը
13:33 02.05.2025 (Թարմացված է: 14:42 02.05.2025) Տնօրենի խոսքով՝ աշխատանքները շարունակվում են ողջ ծավալով իրականացվել, պարզապես փորձանմուշները հետազոտվում են ոչ թե մարզային, այլ Երևանի ռեֆերենս լաբորատորիայում։
ԵՐԵՎԱՆ, 2 մայիսի – Sputnik. Հայաստանի 3 մարզում Հիվանդությունների վերահսկման և կանխարգելման ազգային կենտրոնի լաբորատորիաներն արդեն օպտիմալացվել են, այսինքն՝ աշխատանքները դադարեցվել են։ Աղվերանում լրագրողների հետ արտագնա հանդիպման ժամանակ հայտնեց կենտրոնի տնօրեն Ստեփան Աթոյանը։
Խոսքը վերաբերում է Արմավիրի, Կոտայքի և Արագածոտնի մարզերի լաբորատորիաներին՝ մանրէաբանական, քիմիական և մակաբուծաբանական։
Տնօրենը բացատրեց՝ ՀՎԿԱԿ-ն ամեն մարզում ունի մեկական մասնաճյուղ և դրանց կազմում գործող լաբորատորիաներ, որոնք գործում են տարբեր ծավալով։
Հաշվի առնելով աշխատանքների արդյունավետությունը՝ որոշում է կայացվել մոտ մարզերի մասնաճյուղերի լաբորատոր գործունեությունը դադարեցնել։
«Մասնաճյուղը ողջ ծավալով իր գործունեությունը շարունակում է իրականացնել՝ իմունականխարգելման, հակահամաճարակային և լաբորատոր, այսինքն՝ մենք միանշանակ կարևորում ենք մեր իրականացրած գործառույթները յուրաքանչյուր քաղաքում և գյուղում։ Որևէ բացասական հետևանքով սա չի ունենում ո՛չ մարզի, և ո՛չ տվյալ մարզի բնակչի համար։Աշխատակիցների մեծ մասին համակարգում այլ աշխատանք է առաջարկվել, փորձել են նվազեցնել կրճատվող աշխատակիցների թիվը»,- ասաց Աթոյանը։
Նրա խոսքով՝ լաբորատոր փորձանմուշները վերցվում են, վերջին՝ լաբորատոր հետազոտության փուլն իրականացվում է ռեֆերենս լաբորատոր կենտրոնում։
Աթոյանը շեշտեց՝ այսօր ամբողջ աշխարհում լաբորատորիաներին խիստ պահանջներ են ներկայացվում, մեր երկիրն այս հարցում բավականին հետ էր, սակայն հիմա մեծ քայլերով առաջ է գնում։ Ըստ նրա` խոսքը չի վերաբերում լաբորատոր հետազոտության, լաբորատոր արդյունքի որակին, այն միշտ պահպանվել է։ Խիստ պահանջները վերաբերում են նաև, օրինակ, աշխատանքային պրոցեսների կազմակերպման որակին, շենքային պայմաններին։
ՀՎԿԱԿ-ի տնօրենը վստահեցրեց, որ մյուս մարզերում լաբորատորիաների օպտիմալացում չի իրականացվելու։
