https://arm.sputniknews.ru/20250429/amn-kvongresakany-trampin-anvstahutjun-hajtnelu-banadzev-e-nerkajacrel-88372704.html
ԱՄՆ կոնգրեսականը Թրամփին անվստահություն հայտնելու բանաձև է ներկայացրել
ԱՄՆ կոնգրեսականը Թրամփին անվստահություն հայտնելու բանաձև է ներկայացրել
Sputnik Արմենիա
Թանեդարի հայտարարությունը մեղադրանքի յոթ կետ է պարունակում։ 29.04.2025, Sputnik Արմենիա
2025-04-29T11:57+0400
2025-04-29T11:57+0400
2025-04-29T12:16+0400
ամն
դոնալդ թրամփ
իմպիչմենտ
https://cdn.am.sputniknews.ru/img/07e9/04/1a/88277980_0:84:1600:984_1920x0_80_0_0_85e8913c1706053ecdf8d7f9f0b6795a.jpg
ԵՐԵՎԱՆ, 29 ապրիլի - Sputnik. ԱՄՆ կոնգրեսի Ներկայացուցիչների պալատի անդամ Շրի Թանեդարը, որը Միչիգան նահանգն է ներկայացնում Դեմոկրատական կուսակցությունից, հայտարարել է նախագահ Դոնալդ Թրամփին անվստահություն հայտնելու գործընթաց սկսելու մասին։Թանեդարը պետության ղեկավարին մեղադրել է Սահմանադրությունը խախտելու և իշխանությունը բռնազավթելու փորձի մեջ։Թանեդարի հայտարարությունը մեղադրանքի յոթ կետ է պարունակում։ Մասնավորապես նա պնդում է, որ Դոնալդ Թրամփը չարաշահում է գործադիր իշխանությունը, խոչընդոտում է արդարադատությունը, ոտնձգություն է իրականացնում խոսքի ազատության նկատմամբ, ճնշում է գործադրում լրատվամիջոցների և քննադատների վրա, ինչպես նաև ինքնիշխան պետություններին սպառնում է ռազմական միջամտությամբ։Բացի այդ, կոնգրեսականը նախագահին մեղադրում է կոռուպցիայի, բռնակալության և «ապօրինի մարմիններ» ստեղծելու մեջ։ Խոսքը ԱՄՆ կառավարության արդյունավետության բարձրացման գերատեսչության (DOGE) մասին է, որի ղեկավարն է դարձել Իլոն Մասկը։ Թանեդարի խոսքով` Թրամփը Մասկին լիազորություններ է շնորհել, որոնք թույլ են տալիս միակողմանիորեն խախտել Սահմանադրությունը։Սա Դոնալդ Թրամփին անվստահություն հայտնելու առաջին փորձը չէ։ Ավելի վաղ նման ծրագրերի մասին էր հայտարարել Տեխասից կոնգրեսական Էլ Գրինը, որը Թրամփի նախագահության դեռ առաջին ժամկետի ընթացքում մի քանի անգամ Կոնգրեսին փաստաթուղթ էր ներկայացրել նրան իշխանությունից հեռացնելու մասին, սակայն բոլոր նախաձեռնությունները ձախողվել էին։Ինչպես հաղորդում է «Axios»-ը, հղում անելով աղբյուրներին, մարտի վերջին Ներկայացուցիչների պալատի անդամ Իլհան Օմարը (դեմոկրատ, Մինեսոտա նահանգից) գործընկերների հետ քննարկել է ազգային անվտանգության գծով նախագահի խորհրդական Մայք Ուոլցի, պաշտպանության նախարար Փիթ Հեգսեթի և ԿՀՎ տնօրեն Ջոն Ռետկլիֆի նկատմամբ իմպիչմենտի գործընթաց սկսելու հնարավորությունը։Ավելի շատ զենք էր խնդրում, բայց հետո հանգստացավ․ Թրամփը՝ Զելենսկու մասին
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, դոնալդ թրամփ, իմպիչմենտ
ամն, դոնալդ թրամփ, իմպիչմենտ
ԱՄՆ կոնգրեսականը Թրամփին անվստահություն հայտնելու բանաձև է ներկայացրել
11:57 29.04.2025 (Թարմացված է: 12:16 29.04.2025) Թանեդարի հայտարարությունը մեղադրանքի յոթ կետ է պարունակում։
ԵՐԵՎԱՆ, 29 ապրիլի - Sputnik. ԱՄՆ կոնգրեսի Ներկայացուցիչների պալատի անդամ Շրի Թանեդարը, որը Միչիգան նահանգն է ներկայացնում Դեմոկրատական կուսակցությունից, հայտարարել է նախագահ Դոնալդ Թրամփին անվստահություն հայտնելու գործընթաց սկսելու մասին։
Թանեդարը պետության ղեկավարին մեղադրել է Սահմանադրությունը խախտելու և իշխանությունը բռնազավթելու փորձի մեջ։
«Այս երկրում մենք ունենք նախագահներ, ոչ թե թագավորներ։ Սա պարզապես զանցանք չէ, այլ իմպիչմենտի արժանի զանցանք։ Սա առաջնորդություն չէ, սա բռնակալություն է։ Եթե մենք թույլ տանք, որ սա շարունակվի, մենք կընդունենք, որ նախագահը օրենքից վեր է, Սահմանադրությունն էլ պարտադիր չէ»,– իր տեսաուղերձում հայտարարել է կոնգրեսականը՝ կոչ անելով գործընկերներին աջակցել նախաձեռնությանը։
Թանեդարի հայտարարությունը մեղադրանքի յոթ կետ է պարունակում։ Մասնավորապես նա պնդում է, որ Դոնալդ Թրամփը չարաշահում է գործադիր իշխանությունը, խոչընդոտում է արդարադատությունը, ոտնձգություն է իրականացնում խոսքի ազատության նկատմամբ, ճնշում է գործադրում լրատվամիջոցների և քննադատների վրա, ինչպես նաև ինքնիշխան պետություններին սպառնում է ռազմական միջամտությամբ։
Բացի այդ, կոնգրեսականը նախագահին մեղադրում է կոռուպցիայի, բռնակալության և «ապօրինի մարմիններ» ստեղծելու մեջ։ Խոսքը ԱՄՆ կառավարության արդյունավետության բարձրացման գերատեսչության (DOGE) մասին է, որի ղեկավարն է դարձել Իլոն Մասկը։ Թանեդարի խոսքով` Թրամփը Մասկին լիազորություններ է շնորհել, որոնք թույլ են տալիս միակողմանիորեն խախտել Սահմանադրությունը։
Սա Դոնալդ Թրամփին անվստահություն հայտնելու առաջին փորձը չէ։ Ավելի վաղ նման ծրագրերի մասին էր հայտարարել Տեխասից կոնգրեսական Էլ Գրինը, որը Թրամփի նախագահության դեռ առաջին ժամկետի ընթացքում մի քանի անգամ Կոնգրեսին փաստաթուղթ էր ներկայացրել նրան իշխանությունից հեռացնելու մասին, սակայն բոլոր նախաձեռնությունները ձախողվել էին։
Ինչպես հաղորդում է «Axios»-ը, հղում անելով աղբյուրներին, մարտի վերջին Ներկայացուցիչների պալատի անդամ Իլհան Օմարը (դեմոկրատ, Մինեսոտա նահանգից) գործընկերների հետ քննարկել է ազգային անվտանգության գծով նախագահի խորհրդական Մայք Ուոլցի, պաշտպանության նախարար Փիթ Հեգսեթի և ԿՀՎ տնօրեն Ջոն Ռետկլիֆի նկատմամբ իմպիչմենտի գործընթաց սկսելու հնարավորությունը։
